Árbók VFÍ - 01.01.1989, Side 76

74 Árbók VFÍ 1988
smíða framlengingarbúnað á gálgann sem jók vinnsludýpt prammans í 25 metra. Það verk var
framkvæmt veturinn 1986-87. Eftir flutninga og samsetningu var pramminn tilbúinn til
dýpkunar við Vatnsfell í byrjun ágúst 1987.
Dæling úr botninum gekk vel þótt til nokkurra óþæginda væri að vatnsborð Þórisvatns var
orðið mjög hátt og botnlög sérlega hörð.
Það var því fyrirsjáanlegt að ekki tækist að ná niður á fulla dýpt fyrir veturinn en tveir þriðju
hins níu metra háa garðs höfðu þá verið fjarlægðir. Þann 31. ágúst gerði hvassa norðaustan átt
með miklu ölduróti sem leiddi til þess að gálginn sem hélt dælubúnaðinum brotnaði og
pramminn reis upp á endann og sökk.
Þótt heildarþyngd prammans í vatni sé 100 tonn gekk björgun hans vel en afturendi hans lá á
um 20 metra dýpi og framendinn á um 10 metra dýpi. Var pramminn kominn á flot á ný í lok
október. Hann var dreginn á land, tekinn sundur og fluttur að Búrfellsstöð til hreinsunar og
viðgerðar.
1 júlímánuði 1988 var pramminn fluttur á ný að Vatnsfelli og lauk hann dýpkunarvinnu eins
og til stóð í ágúst. Verkið gekk vel og voru menn ánægðir með árangurinn þrátt fyrir fyrrgreint
óhapp enda urðu sem betur fer engin slys á mönnum. Vatnsfellsskurður er nú fullgerður og
hefur miðlunargeta Þórisvatns aukist við það í 1.400 Gl. Hækkun á stíflum bíður hins vegar 5.
áfanga Kvíslaveitu.
3 Ný stjórnstöö Landsvirkjunar
Á árinu 1972 samþykkti stjórn Landsvirkjunar að festa kaup á tölvuvæddum stýribúnaði fyrir
stjómkerfi fyrirtækisins. Hefur búnaður þessi verið nefndur kerfiráður og jókst rekstraröryggi
Landsvirkjunar mjög með tilkomu hans.
Kerfiráðurinn var keyptur frá bandaríska fyrirtækinu Leeds & Northrup Ltd. og var honum
komið fyrir í stjórnbyggingu aðveitustöðvar Landsvirkjunar á Geithálsi. Lokatengingum og
fullnaðarprófunum lauk í desember 1976.
Kerfiráður þessi er nú orðinn úreltur og ófullnægjandi á ýmsan hátt, enda kominn nokkuð til
ára sinna, auk þess sem orkukerfi Landsvirkjunar hefur stækkað mikið síðan hann var settur
upp. Af þessum sökum hefur verið keyptur nýr kerfiráður til fjarstýringar og fjargæslu á
raforkukerfi Landsvirkjunar. Voru tilboð í tækjabúnaðinn opnuð 15. júlí 1986 og bárust sex
tilboð. Að loknum samningaviðræðum var samningur um kaupin undirritaður 26. janúar 1987
Mynd 14 Hin nýja stjórnstöð Landsvirkjunar sem risin er vit) Bústaðavef’ á Öskjuhlíð.