Árbók VFÍ - 01.01.1989, Page 109

Rarik 107
3 Ný lína, Hvolsvöllur - Rimakot viö Krosssand
Hraunhitaveitan í Vestmannaeyjum annar ekki lengur fullu álagi og er útlit fyrir, að hún endist
ekki nema nokkur ár í viðbót. Hjá Fjarhitun Vestmannaeyja hefur því verið settur upp
rafskautsketill til hitunar á vatni, skv. samningi við Rafmagnsveitumar og Landsvirkjun um
kaup á ótryggðri orku. Sú álagsaukning ásamt aukningu almenns álags olli því, að flutnings-
getu gömlu 33 kV línunnar frá Hvolsvelli að Krosssandi þraut. Til að anna hinu aukna álagi
var því byggð ný 22 km, 66(l32)kV lína frá Hvolsvelli niður að Rimakoti við Krosssand.
Nýja línan verður í fyrstu rekin á 33 kV spennu, en hækka þarf spennu línunnar í 66 kV
haustið I990 og verður þá byggð 66/33 kV aðveitustöð við Rimakot.
Línan er byggð fyrir 132 kV spennu og eru burðarmöstrin krossaðar tvístæður úr tré. Leiðari
er álblanda 185 ntm2 koparjafngildis. í línunni eru 122 burðarstæður og 4 horn. Hönnunarálag
er 50 m/s vindálag reiknað þvert á línustefnu.
Bygging línunnar hófst í ársbyrjun 1988. Allur undirbúningur miðaði að því að hægt væri að
nota vetrarmánuðina til að reisa línuna, en með því að geta flutt út allt efni á frosti sparast
töluverð vegagerð. Reisingu staura og uppsetningu krossa og sláa ásamt öðrum toppbúnaði var
lokið síðast í mars. í apríl og maí var ekkert unnið við línuna meðan vorleysingar voru, en
strenging á vír hófst síðan um mánaðarmótin maí-júní. Þeirri vinnu ásamt sáningu og lagfær-
ingu við stæður lauk í júní og var línan tengd og hleypt á hana straumi aðfaranótt 1. júlí.
Undirbúningur og mælingar voru unnar af starfsmönnum Rafmagnsveitnanna, en um hönnun
línunnar sá verkfræðistofan Línuhönnun. Línan var reist af starfsmönnum Rafmagnsveitnanna
á Suðurlandi og var heildarkostnaður við verkið 47,8 nt.kr. sem var um 87% af kostnaðar-
áætlun.
Byggin)’ nýrrar 66 kV línn frá Hvolsvelli aö Rimakoti við Krosssand. Strenging vírs undirbúin.