Árbók VFÍ - 01.01.1989, Page 143

Lýsi hf. 141
stöðina hefur komið verið hreinsað og er því tilbúið undir frekari vinnslu.
Lýsið er síðan kaldhreinsað þ.e. það er kælt niður þannig að mettaðar fitusýrur mynda fitu-
kristalla sem skildir eru frá í þar til gerðum dúkapressum. Lýsið sem úr pressunum rennur er
nú tilbúið til efnagreiningar og síðan átöppunar.
Á þessu ári er í bígerð að auka afköst við kaldhreinsun á þorska- og loðnulýsi. Hingað til
hefur þessi vinnsla verið unnin í lotum en ætlunin er að breyta yfir í sírennsli og höfum við í
því sambandi keypt kaldhreinsunarpressu frá Þýskalandi. Þessi pressa er mun afkastameiri en
þær pressur sem við nú notum ásamt því að hún skilar betri nýtingu en gamla kerfið gerir.
Pressan slær sjálf úr sér pressukökuna og heldur jöfnum þrýstingi yfir allan síuflötinn. Þetta
gefur mikla vinnuhagræðingu og léttir alla vinnu við kaldhreinsun á lýsi. I athugun er endur-
nýjun á aflyktunarbúnaði fyrirtækisins. Aukin erlend sala hefur gert það að verkurn, að auka
þarf afköst og staðla vinnslu við aflyktun á lýsi. Breyting hefur einnig orðið á lifrarsöfnun;
mikið af lifur berst nú utan af landi og höfum við í því sambandi hannað sérstök ílát fyrir lifur
sem safnað er í, bæði um borð í skipum sem í landi. Við höfum einnig sett tanka undir lifur um
borð í fiskiskip ásamt dælubúnaði þannig að dæla megi lifur frá aðgerðarborðum í tanka og
þaðan á tankbíl þegar landað er.
3 Sala og markaösmál
Lýsi hf. framleiðir árlega u.þ.b. 1.000 - l .500 tonn af fullunnu lýsi sem selt er bæði í gámum,
tunnum og neytendaumbúðum.
LF.þ.b. 90% framleiðslunnar eru seld erlendis til um 40 landa víðs vegar í heiminum en stærstu
markaðirnir eru í Suður-Ameríku, Evrópu og Suðaustur-Asíu. Síðustu ár hefur fyrirtækið
unnið nokkurn neysluvörumarkað erlendis, sérstaklega í Danmörku, Finnlandi og Svíþjóð.
Innanlandssalan hefur vaxið árlega síðan lýsi var markaðsfært í neytendaumbúðum upp úr
1980 (sjá línurit). Söluaukning síðustu ára og væntanleg aukning erlendis hefur gert það að