Árbók VFÍ - 01.01.1989, Blaðsíða 170

168 Árbók VFÍ 1988
stætt og í því efra og sig húsa af þeirri ástæðu verða nokkrir mm. Mælingar á vatnsþrýstingi
sýna að hann er nokkru lægri í neðra malarlaginu en var áætlað. Sigmælingar á húsum við
Vonarstræti og götunni sýna að mælt sig er meira en mældist við Tjarnargötu og að það er
aðeins meira en var áætlað, þó það sé langt innan þeirra marka sem talið er að geti valdið
skemmdum. Skýringa á þessum mun er talið að sé að leita í þremur atriðum. I fyrsta lagi er
mölin þykkari eftir því sem nær dregur Iðnó, en hún er lausari en sandurinn. Einnig er aukið
sig vegna lækkunar vatnsþrýstings í neðra inalarlaginu og að lokum er einhver hluti sigsins
tilkominn vegna þess að þilið hlýtur að hafa gengið inn í gryfjuna þegar grafið var frá því. Á
mynd 16 er reynt að bera saman sigmælingarnar þannig að deilt er með þykkt efra malar- og
sandlagsins í bæði mælt sig og fjarlægð frá þili. Mismunur ferlanna er því viðbótarsig af þrem
áðumefndum ástæðum, því talið er að neðra malarlagið sé það pakkað fyrir, að rekstur þils hafi
haft óveruleg áhrif á það.
Frá upphafi var ljóst að holræsi voru nær þili en æskilegt var talið. Sett var sem markmið að
halda sigi holræsa innan 30 mm til að koma í veg fyrir skemmdir. Af sigmælingum sést að
þetta virðist hafa tekist við Tjarnargötu. Við Vonarstræti sýna sigmælingar á rörið, að sig er
innan marka en sigmælingar í þversniðinu benda eindregið til þess að eitthvað af lögninni hafi
sigið verulega meira. Varðandi hættu á skemmdum er haft í huga að samkvæmt EURO CODE
7 (8.6) er hægt að sætta sig við sig allt að 50 mm á venjulegum húsum, sem verður að telja of
ströng mörk fyrir holræsi. Samkvæmt sigmælingum er líklegt að mesta sig lagnarinnar sé unt
60 mm, sem er álitið innan þeirra marka sem tryggja öryggi hennar, þó óljóst sé hvort vegna
þessa sigs geti orðið einhver aukning í leka.
Gerðar voru umfangsmiklar sigmælingar á húsum næst Ráðhúsinu. Hætta á skemmdum
vegna viðbótarsigs var metin með samanburði við viðmiðunarmörk frá Bjerrum (8.5) og
EURO CODE 7 (8.6). Niðurstaða af þessum samanburði er sýnd á töflu 2 fyrir hús við Tjarn-
FJARLÆGO FRÁ ÞlLI________
þYKKT EFRA MALARLAGSINS
Mynd 16 Samanburður sigmœlinga.