Neytendablaðið - 01.09.1997, Side 24

Lesendur spyrja
Neytendablaðið hvetur lesendur til að senda bref, hafi þeir einhverjar
spurningar um neytendamál. Sendið bréfið til Neytendablaðsins, Póst-
hólfi 1096, 121 Reykjavík. Nafn og heimilisfang sendanda þarf að koma
fram, en er ekki birt í blaðinu nema þess sé sérstaklega óskað.
Komst ekki í ferða-
lagið vegna veikinda
Eg og maðurinn minn pöntuðum
okkur ferð til Spánar í sumar.
Nokkru áður en við áttum að fara
veiktist ég og þurfti að fara á sjúkra-
hús og því gátum við ekki farið. Við
höfðum greitt inn á ferðina 150.000
kr. og ferðaskrifstofan hefur neitað
okkur um endurgreiðslu. Er ferða-
skrifstofunni stætt á því?
Svar Neytendablaðsins: Sam-
kvæmt lögum um alferðir ber ferða-
skrifstofa ekki ábyrgð á því ef neyt-
endur geta ekki nýtt sér ferð vegna á-
stæðna sem ferðaskrifstofan ber ekki
ábyrgð á. Samkvæmt lögunum geta
neytendur einungis afpantað ferðir
vegna tiltekinna aðstæðna á áfanga-
stað ferðarinnar, t.d. stríðsaðgerða og
farsótta, og þá átt rétt til að fá endur-
greitt frá ferðaskrifstofum það fé sem
greitt hefur verið að frádregnu stað-
festingargjaldi. I þínu tilviki þarf
ferðaskrifstofan ekki að endurgreiða
féð. Ferðaskrifstofurnar eiga að upp-
lýsa neytendur sem kaupa sér ferð um
þann möguleika að taka forfallatrygg-
ingu, ef þeir geta ekki nýtt sér ferð-
ina, t.d. vegna veikinda. Hafið þið
keypt ykkur slíka tryggingu getið þið
sótt bætur til tryggingafélagsins.
Inneignar-
nótur
Nýlega skilaði ég peysu sem
mér líkaði ekki við í verslun,
en peysuna hafði ég fengið í af-
mælisgjöf. Peysan kostaði 4.500
kr. og fékk ég inneignamótu fyrir
þeirri upphæð. í gær fór ég svo r
verslunina, sem einnig selur
snyrtivörur, og keypti ég snyrti-
vörur fyrir 2.200 kr. og hélt að ég
mundi fá mismuninn endurgreidd-
an í peningum, en starfsmaður
verslunarinnar sagði að ég yrði
einnig að versla fyrir þá upphæð
sem eftir stóð. Eru þetta ekki mín-
ir peningar? Getur verslunin hag-
að sér svona gagnvart viðskipta-
vinum sínum?
Svar Neytendablaðsins: Þegar
neytendur hafa keypt vöru í versl-
un og varan er gallalaus hafa þeir
ekki lagalegan rétt til að skila vör-
unni og fá verð hennar endur-
greitt. I þínu tilviki var versluninni
ekki skylt að taka peysuna til
baka, nema verslunin hafí lofað
þeim sem keypti hana og gaf þér
hana að þú gætir skilað henni. Ef
verslunin hefur lofað því að hægt
væri að skila peysunni, en ekki
lofað að endurgreiða í peningum,
þá áttirðu aðeins rétt á að fá inn-
eignarnótu, sem þýðir að verslunin
heldur peningunum en þú verður
að taka nýja hluti í staðinn fyrir
peysuna.
Bíllinn var með ónýta vél
Fyrir tveim mánuðum keypti ég
mér sex ára gamlan bfl og var
hann þá sagður í góðu lagi. Nú er
hann kominn á verkstæði og er vélin í
honum ónýt. Fyrri eigandi hefur hafn-
að því með öllu að taka þátt í kostnaði
við nýja vél. Hver er réttur minn? A
ég kröfu á að fyrri eigandi greiði við-
gerðina að fullu eða að hluta?
Svar Neytendablaðsins: Seljandi
lausafjár á borð við bíla ber ábyrgð í
eitt ár eftir sölu á göllum sem koma
fram. í þínu tilviki þarf því að meta
hvort vélin hefur verið haldin galla í
skilningi laga. Við matið þarf bæði að
líta til ákvæða kaupsamnings og þess
hlutar sem keyptur var. Þetta mat get-
ur verið vandasamt því taka þarf tillit
til margra sjónarmiða. Þess vegna get-
ur oft verið erfitt að gefa ákveðið svar
um það hvort ákveðinn hlutur er hald-
inn galla. Þó er hægt að segja að ef þú
varst að kaupa bíl sem átti að vera í
því ástandi sem sex ára bflar almennt
eru, og þú átt engan þátt í því hvemig
fór með vélina, þá ætti að vera nokk-
uð víst að hér hafi verið um að ræða
galla sem seljandinn ber ábyrgð á.
Seljandanum ber því að greiða fyrir
þá viðgerð sem þarf til að koma bfln-
um í það ástand sem hann átti að vera
í þegar þú keyptir hann.