Neytendablaðið - 01.08.1998, Blaðsíða 17
Umferðaröryggi
Bílstólar ekki
alltaf rétt notaðir
Mismunandi aðferðir eru við að festa
barnabílstóla í bíla eftir tegundum og er
mikilvægt að fara eftir leiðbeiningum
framleiðenda þegar hann er festur í bíl-
inn. Flestir barnabílstólar eru festir með
þriggjafestu bílbelti en aðrir hafa viðbót-
arfestingar. Því stöðugri sem stóllinn er í
bflnum, þeim mun öruggari en hann.
Þyngd barns skiptir máli þegar
velja á öryggisbúnað
I könnun Umferðarráðs og Slysavarnafé-
lags Islands kom fram að börn hætta of
fljótt að nota bamabflstóla en eru látin
sitja á bílpúða. Bflpúði ásamt bflbelti er
ágætis öryggisbúnaður en barn getur að-
eins notað bílpúða ef öryggisbeltið fellur
þétt að líkamanum og liggur að lærum en
ekki maga og á öxl en ekki hálsi. Ef
barnið er of létt rennur beltið upp á
maga. Þessi staða beltisins getur verið
mjög hættuleg. Lítil börn eru með „stór-
an maga“ og líffærin liggja utar en á full-
orðnum. Við árekstur þrýstir beltið á
magann og getur skaðað innri líffæri
barnsins.
Nýjar reglur um
barnabílstóla
Frá og með 1. september 1998 má aðeins
flytja inn barnabflstóla sem viðurkenndir
eru samkvæmt ECE-reglugerð nr. 44.03
eða viðurkenndir samkvæmt viðeigandi
bandarfskum stöðlum, FMVSS, eða
kanadískum stöðlum, CMVSS.
Öryggispúðar
Barnabílstóll má aldrei vera í framsæti
bfls ef uppblásanlegur
öryggispúði er
framan við það.
Frá og með 1.
september 1998
er skylt að hafa
merki í bílnum
sem aðvarar öku-
menn við þessari
Hér sjáið þið hvað gerist ef ekki erfarið
eftir leiðbeiningum. Gleymst hefur að
þrœða öryggisbeltið í lykkju sem stýrir
því yfir lœrin. Beltið dregst því upp á
maga og getur skaðað barnið í árekstri.
Auk þess liggur beltið oflaust að
líkamanum.
Hér er rétt farið að . Beltið er þrœtt í
lykkju sem stýrir beltinu þannig að það
fellurþétt að líkamanum og liggur á
lœrum og öxl og barnsins.
Eftir Margréti
Sæmundsdóttur,
fræðslufulltrúa
Umferðarráðs
hættu. Merkið er yfirleitt á hurð við
framsæti farþegamegin og stendur á því
„AIRBAG“.
Barn þarf að hafa náð 140 sentimetra
hæð og vera a.m.k. 40 kg til þess að
mega sitja í sæti ef uppblásanlegur ör-
yggispúði er framan við það.
Gera þarf meiri kröfur til
festinga á barnabílstólum
Flestir eru sammála um að sú aðferð að
festa barnabflstóla eingöngu með örygg-
isbelti bflsins er ekki fullkomin. Þannig
hefur ANEC (samstarfsvettvangur neyt-
endasamtaka á EES-svæðinu um staðla-
mál) gagnrýnt að í þeirri viðleitni að fá
alla foreldra til þess að nota bílstóla fyrir
börn sín hafí verið lögð of mikil áhersla á
einfaldar lausnir eins og að festa stólinn
með öryggisbelti bflsins. Þannig hafi
þægindi orðið örygginu yfirsterkari.
ANEC hefur einnig gagnrýnt bflafram-
leiðendur fyrir að leggja aðaláherslu á að
verja ökumenn og fullorðna farþega, en
gert sáralítið til þess að auka öryggi
barna enn frekar. Nefna má sem dæmi
uppblásanlega öryggispúða, sem veita
fullorðnum mikla vörn, en eru lífshættu-
legir börnum.
Alþjóðlegur vinnuhópur hefur í nokk-
ur ár unnið að því að þróa staðlaðar fest-
ingar í bfla fyrir barnabílstóla, 'svokallað
ISOFIX. Nokkrir bílar eru þegar komnir
á markaðinn erlendis með þessum bún-
aði, en ennþá munu líða nokkur ár þar til
hann verður almennur. Þar að auki þarf
að breyta hönnun barnabflstóla þannig að
þeir passi í festingarnar. Nokkrar tegund-
ir barnabflstóla eru nú þegar með viðbót-
arfestingar auk bílbeltanna, en rannsókn-
ir sýna að þeir veita barninu betri vörn. í
júlíhefti bandaríska neytendablaðsins
„Consumer Reports“ var gerður saman-
burður á barnabílstól sem festur var með
bflbelti eingöngu og samskonar stól með
aukafestingum sem voru boltaðar í bíl-
inn. Síðarnefndi stóllinn kastaðist mun
styttra fram í árekstraprófuninni en sá
sem aðeins var festur með bflbeltinu. í
blaðinu er einnig sagt frá því að árið
2000 verða slíkar viðbótarfestingar stað-
albúnaður í bandarískum bílum.
NEYTENDASTARF ER ÍALLRA ÞÁGU
10-11 verslanirnar Olíufélagið ESSÓ Seðlabanki íslands G.J. Fossberg - vélaverslun
Hekla hf. Ágæti hf. Visa ísland Skúlagötu 63
Laugarvegi 170-74 Vagnhöfða 13-15 - Greiðslumiðlun hf. Olíuverslun íslands - Olís
Tryggingamiðstöðin Vátryggingafélag íslands Akron ehf. - Plastsmíði
Aðalstræti 6-8 Ármúla 3 Síðumúla 31 Glóbus hf.
Sjóvá-Almennar Kringlunni 5 íslenskir aðalverktakar Stjörnuegg - Vallá Kjalarnesi Skútuvogi 1f
NEYTENDABLAÐIÐ - ágúst 1998
17