Bændablaðið - 28.09.2004, Page 11

Þriðjudagur 28. september 2004 11
það tilbúið frá fóðurfyrir-
tækjunum, en aðeins undir
eftirliti. Það eru þó sömu fimm
fyrirtækin sem eru í því að blanda
og selja fóður, tvö í Reykjavík,
Mjólkurfélag Reykjavíkur og
Fóðurblandan, tvö á Akureyri,
Bústólpi og Laxá, og eitt í
Vallhólma í Skagafirði sem er í
eigu Kaupfélags Skagfirðinga.
Sú breyting hefur orðið að
framleiðsla á korni innanlands
hefur aukist verulega. Þar tak-
markast okkar eftirlit við þurrkun-
arstöðvarnar og þá bændur sem
selja korn beint til fyrirtækja sem
framleiða fóður. Þetta er í raun
sama eftirlit og með innfluttu
fóðri. Við höfum hins vegar ekki
verið að skipta okkur af við-
skiptum nágranna með korn. Við
fylgjumst heldur ekki með hálmi
og heyi."
- Hvernig fer eftirlitið fram,
takið þið reglulega sýni af
framleiðslunni?
"Kannski ekki reglulega en
við tökum sýni af og til. Það er
hins vega óskaplega dýrt að láta
rannsaka sýni og þess vegna
gerum við minna af því en við
vildum. Þegar upp koma mál eins
og það sem gerðist í fyrravetur þá
förum við ekki heim til hvers
bónda heldur tökum stikkprufur
hjá nokkrum og höfum síðan
samband við framleiðendur ef
eitthvað misjafnt kemur í ljós."
- En ef þið komist að þeirri
niðurstöðu að einhverju sé
ábótavant hjá framleiðanda eða
söluaðila, hvað getið þið þá gert?
"Við reynum að leysa málin
með samtölum en ef það dugar
ekki er ekki margt sem við getum
gert. Eina valdið sem við höfum
er að við getum tekið fyrirtæki út
af skrá sem heimilar þeim að nota
tiltekin aukefni í fóður og þannig
nánast komið í veg fyrir að þau
geti starfað við fóðurgerð. Þetta er
þó því aðeins hægt að þau brjóti
af sér varðandi þær reglur sem
settar eru um aukefnin og við
getum ekki beitt þessu ef um er að
ræða mylsnu, rusl eða sand í
fóðri. Annars getum við lítið gert
nema vísa málum til lögreglu. Við
höfum gert það en það hefur ekki
skilað miklum árangri, einfaldlega
vegna þess að lögreglan telur sig
hafa öðrum og brýnni verkefnum
að sinna en fylgjast með rusli og
sandi í korni."
Verðum að leita af okkur grun
Ólafur segir hins vegar að
ekki hafi komið upp nein mál þar
sem fundist hefði of mikið af
óæskilegum aukaefnum í fóðri.
Hann upplýsti að allur maís og
mestallt fóður sem kemur frá
Bandaríkjunum væri ræktað með
erfðabreyttum plöntum. "Við
höfum lítið sem ekkert fylgst með
því vegna þess að hér hafa ekki
verið neinar reglur um
erfðabreyttar plöntur til að
styðjast við en það er að breytast
eins og ég nefndi áðan."
Hann sagði að vegna þess
hversu lítið fyndist af óæskilegum
efnum hefði það oft hvarflað að
starfsmönnum Aðfangaeftirlitsins
hvort ástæða væri til að fylgjast
svo grannt með þessu. "Það sem
við höfum gert er að koma okkur
upp gagnagrunni um fram-
leiðsluna sem hægt er að nota til
að finna veiku hlekkina og þá
staði sem sérstök ástæða er til að
fylgjast með. Við sjáum til dæmis
að hættan á díoxíni er mest í fiski-
mjöli og öðru fóðri sem unnið er
úr sjávarafla en minni í fóðri sem
unnið er úr afurðum af landi. Þess
vegna munum við framvegis
fylgjast betur með fiskimjöli og
fóðri sem inniheldur afurðir úr
sjávarafla. Við getum þó ekki
hætt að taka sýni af annarri
framleiðslu. Til dæmis er ekkert
kjötmjöl á markaði hér á landi en
samt verðum við að rannsaka
fiskimjöl og fóðurblöndur sem hér
eru seldar til að sjá hvort í því
leynist kjötmjöl. Við höfum
fengið þau skilaboð frá ESB að
við verðum að geta sýnt fram á að
ekki sé kjötmjöl í þessu fóðri.
Sama má segja um önnur efni sem
eru bönnuð eða óæskileg. Þess
vegna verðum við að fylgjast með
óæskilegum efnum þar sem við
eigum enga von á að finna slík
efni," sagði Ólafur.
Því má bæta við í lokin að
Aðfangaeftirlitið fékk fyrir
skemmstu heimsókn frá Brussel
sem hafði þann tilgang að fylgjast
með starfsemi stofnunarinnar.
Ólafur sagði að þeir hefðu fundið
að ýmsu og starfsmennirnir væru
fegnir að fá utanaðkomandi mat á
störf sín, því alltaf mætti betur
gera. "Hins vegar eru reglurnar
sniðnar að þörfum milljónaþjóð-
félaga og þeir í Brussel eiga erfitt
með að skilja þau lögmál sem
gilda hér á landi þar sem fá-
mennið tryggir gegnsæi og auð-
velt er að leysa málin í samræðum
manna á milli," sagði hann. -ÞH
Girðingaefni
hefðbundnar girðingar og rafmagnsgirðingar
Vissir þú, að FB býður eitt stærsta og fjölbreyttasta úrval af girðingaefnum á
landinu? Hvort sem um er að ræða hefðbundnar girðingar eða rafmagnsgirðingar.
Starfsmenn FB aðstoða við útreikning á efnisþörf og gera tilboð í stærri verk.
Útsölustaðir:
Fóðurblandan, Reykjavík
FB Búvörur, Selfossi
FB Búvörur, Hvolsvelli,
Bústólpi, Akureyri
www.fodur.is sími: 570 - 9800