Bændablaðið - 28.09.2004, Blaðsíða 18

18 Þriðjudagur 28. september 2004
Auglýsingadeild Bændablaðsins hefur fengið nýtt netfang
Nýja netfangið er
augl@bondi.is
Landssam-
band kúa-
bænda
Haustfundir LK
Ákveðið hefur verið að halda
haustfundi LK um allt land í lok október
og byrjun nóvember nk. Fyrsti fundur
verður haldinn þriðjudaginn 26.
október, en fundarstaðir og fundartímar
verða kynntir í næsta Bændablaði. Þá
munu aðildarafélög LK auglýsa fundina
hvert á sínu svæði. Á fundunum verður
fjallað um innri málefni búgreinarinnar,
s.s. samningamál og hugsanleg áhrif
WTO- samkomulags á nýjan mjólkur-
samning, verðlags- og kjaramál, sem
og framleiðslu- og sölumál mjólkur og
nautgripakjöts. Forsvarsmenn LK
verða með framsögur á fundunum, en
Magnús Ólafsson, forstjóri Osta- og
smjörsölunnar og formaður Markaðs-
nefndar mjólkuriðnaðarins, verður
einnig með framsögu um markaðsmál
mjólkurvara á nokkrum fundum.
Ásetningur nautkálfa eykst
Síðustu 12 mánuði varð 0,8% aukning
í sölu á nautgripakjöti, og þá mest í
úrvals- og ungneytaflokkum. Slátrað
var 21.890 gripum og gerðu það rétt
tæplega 3.600 tonn, en sala á naut-
gripakjöti hefur sveiflast í kringum
3.600 tonn í mörg undanfarin ár. Sala
og framleiðsla nautgripakjöts dróst
hinsvegar saman um 3,2% í ágúst sl.
Þá vekur athygli að slátrun ungkálfa sl.
12 mánuði er verulega mikið minni en
undanfarin ár og hefur hún dregist
saman um 8% sl. 12 mánuði miðað
við sama tímabil fyrir ári og um 15%
ef horft er til síðustu 6 mánaða.
Samkvæmt skýrsluhaldi í nautgripa-
rækt nam ásetningur nautkálfa og sala
til lífs árið 2003 37%. Það sem af er
þessu ári er þetta hlutfall mun hærra,
eða 44%. Framangreindar tölur benda
því til þess að aukning verði í
nautakjötsframleiðslunni árið 2006.
Þar sem allir fæddir kálfar eiga nú að
vera merktir í sameiginlegan
gagnagrunn má vænta þess að hægt
verði að staðfesta framangreindar
upplýsingar á næstu misserum.
Kjarnfóður lækkar á ný
Eftir töluverða hækkun kjarnfóðurs í
sumar, hefur kjarnfóður nú lækkað
aftur um u.þ.b. 2% hjá flestum kjarn-
fóðurframleiðendum landsins. Nánari
upplýsingar um verð kjarnfóðurs má
sjá á vef LK: www.naut.is
Mjólk með skyndibitanum
10% Norðmanna kjósa að drekka
mjólk með pizzu og margir drekka
einnig mjólk með mexikönskum réttum
og hamborgurum. Þetta sýnir ný
könnun á mjólkurvenjum Norðmanna
sem mjólkursamlag þeirra, TINE, lét
gera fyrir skemmstu. Einnig kemur
fram í könnuninni að tvöfalt fleiri karlar
en konur vilja mjólk með áðurnefndum
réttum. Mun fleiri karlar en konur vilja
þar að auki mjólk með kvöldmatnum.
LK framkvæmdi litla könnun á sömu
mjólkurdrykkjarvenjum meðal 100 íbúa
í Borgarfirði í síðustu viku. Niðurstaðan
var mjög áþekk þeirri norsku, en í ljós
kom að um 10% aðspurðra kjósa
mjólk með pizzum og hamborgurum.
Athygli vekur að 75% kjósa að drekka
mjólk með pönnukökum, en einungis
um 44% með kvöldmatnum. Nánar má
lesa um könnunina á vef LK:
www.naut.is
Skrifstofa LK
Sími: 433 7077, fax: 433 7078.
Netfang: lk@naut.is. Veffang:
www.naut.is. Heimilisfang:
Landssamband kúabænda,
Hvanneyrargötu 3, Hvanneyri, 311
Borgarnesi.
Umsjón:
Snorri Sigurðsson, framkvæmdastjóri
LK
Fjölskylda
Eiginkona Jóns 29.8.1981 er Kristjana Stefanía
Jóhannesdóttir f. 22.12.1961 á Búðum við
Fáskrúðsfjörð, flutti til Sauðárkróks 1970 og að
Stóra-Búrfelli 1979. Foreldrar hennar eru Jóhannes
Stefán Jósefsson f. 11.10.1927 í Hvammi í
Hólahreppi í Skagafirði, múrarameistari á
Sauðárkróki og Guðrún Sigurbjörg Stefánsdóttir
f.26.7.1934 á Gestsstöðum í Fáskrúðsfjarðarhreppi,
húsfr. á Blönduósi.
Jón og Kristjana eiga þrjá syni:
Þröstur Gísli Jónsson f. 5.10.1987
Valur Stefán Jónsson f. 6.1.1991
Örn Smári Jónsson f. 19.6.1999
Fóstursonur: Ingólfur Eðvard Skarphéðinsson
f.25.8.1974.
Faðir Jóns, Gísli Húnfjörð fluttist 1918 með
foreldrum sínum að Ásum í Svínavatnshreppi, þar
sem hann hóf búskap með móður sinni að föður
sínum látnum og bjuggu þau þar til 1943 að hann
hóf búskap með Ingibjörgu Þórleifu konu sinni á
Litla-Búrfelli þar sem þau bjuggu til 1945 að þau
fluttu að Stóra-Búrfelli þar sem þau bjuggu til
dauðadags.
Gísli var mikill forystumaður gangnamanna á
Auðkúluheiði og var m.a. gangnastjóri í seinni
göngum í 20 ár.
Um hann var ort:
Klút og pontu kann að meta
kær er einnig stúturinn.
Léttan Blesa lætur feta,
lifi gangnaforinginn.
Systkini
Ásgerður Gísladóttir, f.16.10.1944, bóndi og
húsfreyja á Hrísbrú í Mosfellssveit.
Anna Ingibjörg Gísladóttir f. 7.8.1947,
ræstingastjóri á Sjúkrahúsi Skagfirðinga á
Sauðárkróki.
Föðursystkini
Helga Jónsdóttir f. 2.3.1911, d. 1.3.1989.
Guðrún Jónsdóttir f. 1.12.1914. d. 12.11.1946.
Ljósmóðir í Reykjavík.
Soffía Jónsdóttir f. 16.4.1916, d. 22.11.1991,
Verslunarmaður í Reykjavík.
Ása Jónsdóttir f. 28.2.1919, d. 20.5.1993, kennari
og skólastjóri í Reykjavík.
Móðursystkini
Þórey Daníelsdóttir f.22.12.1926 á Stóra-Búrfelli.
Húsfreyja og verkakona á Blönduósi.
Framætt
1. grein
1 Jón Gíslason, f. 27. mars 1959 á Stóra-Búrfelli.
Bóndi á Stóra-Búrfelli í Svínavatnshreppi
2 Gísli Húnfjörð Jónsson, f. 27. sept. 1912 á
Syðri-Löngumýri, d. 7. des. 1985. Bóndi á Stóra-
Búrfelli í Svínavatnshreppi - Ingibjörg Þórleif
Daníelsdóttir (sjá 2. grein)
3 Jón Gíslason, f. 28. mars 1881 í Austurhlíð, d.
2. apríl 1936. Bóndi í Austurhlíð í Blöndudal og
Syðri Löngumýri í Svínavatnshreppi og síðar
Ásum í sömu sveit. - Anna Jónsdóttir (sjá 3. grein)
4 Gísli Halldórsson, f. 12. ágúst 1847, d. 1. mars
1897. Bóndi í Eyvindarstaðagerði í Blöndudal -
Guðrún Ingibjörg Gísladóttir, f. 26. júlí 1857, d.
23. maí 1908. Húsfr. í Eyvindarstaðagerði
2. grein
2 Ingibjörg Þórleif Daníelsdóttir, f. 30. ágúst
1923 á Stóra- Búrfelli, d. 28.11.1978. Húsfr. á
Stóra-Búrfelli
3 Daníel Ásgeir Þorleifsson, f. 11. maí 1898 á
Stóra-Búrfelli, d. 9. ágúst 1984. Bóndi á Stóra-
Búrfelli - Jóna Rannveig Eyþórsdóttir (sjá 4. grein)
4 Þorleifur Pálmi Erlendsson, f. 24. febr. 1846,
d. 16. júní 1920. Bóndi á Stóra-Búrfelli - Rannveig
Ingibjörg Daníelsdóttir, f. 28. okt. 1860, d. 17.
ágúst 1947. Húsfr. á Stóra-Búrfelli
3. grein
3 Anna Jónsdóttir, f. 8. maí 1881 á Sauðanesi, d.
29. jan. 1948. Húsfr. í Austurhlíð í Blöndudal og
Syðri Löngumýri í Svínavatnshreppi og Ásum í
sömu sveit.
4 Jón Jónsson, f. 13. des. 1834, d. 15. apríl 1884
drukknaði. Bóndi á Sauðanesi við Blönduós - Helga
Gísladóttir, f. 1834. Húsfr. á Sauðanesi við
Blönduós
4. grein
3 Jóna Rannveig Eyþórsdóttir, f. 29. júlí 1894, d.
14. júlí 1972. Húsfr. á Stóra-Búrfelli
4 Eyþór Einarsson, f. 15. des. 1863, d. 23. apríl
1932. Verkamaður í Borgarnesi, seinna í Reykjavík
- Jónína Guðrún Jónsdóttir, f. 5. okt. 1876, d. 28.
jan. 1962. Húsfr. í Reykjavík.
Nokkrir langfeðgar
Gísli 1-4 var sonur Halldórs f. 21.8.1808, d.
20.8.1898, bónda í Ytra-Tungukoti, Gíslasonar f.
um 1771, d 24.3.1811, bónda í Mosfelli og Hofi í
Vatnsdal, Halldórssonar f. um 1727, d.1.5.1811,
bónda á Mosfelli, Helgasonar f. um 1701, d. um
1778, bónda á Másstöðum, Árnasonar f. um 1659,
bónda í Miðhópi 1703, Sigurðssonar.
Þorleifur Pálmi 2-4 var sonur Erlends f.
20.11.1820, d. 28.10.1888, bónda í Tungunesi,
Pálmasonar f. 22.9.1791, d. 23.12.1846, bónda á
Sólheimum í Svínadal, Jónssonar f. um 1741,
d.13.3.1835, bónda á Sólheimum, Benediktssonar
f. um 1715, d. um 1754, bónda í Kirkjubæ í
Norðurárdal, Steingrímssonar f. um 1691, bónda á
Sauðá í Borgarsveit og Auðólfsstöðum í Langadal,
Guðmundssonar f. um 1661, bónda á
Auðólfsstöðum, Steingrímssonar f. um 1630, d.
um 1690, bónda á Hofi í Vesturdal,
Guðmundssonar, f. um 1600, bónda á Lóni í
Viðvíkursveit, Magnússonar f. um 1560, bónda og
skálds í Hvammi á Galmaströnd, Sigurðssonar f.
um 1530, bónda í Hvammi, Ásgrímssonar f. um
1500, bónda og lögréttumanns í Hvammi ,
Jónssonar f. um 1460, d.um 1522, lögréttumanns
og sýslumanns á Espihóli, Ásgrímssonar f.um
1435, Þorkelssonar f. um 1405, d. um 1483,
prests í Laufási, Guðbjartssonar. Þessi leggur er
rakinn í beinan karllegg til Þorkels f. um 975,
Hallkelssonar. Kona Þorkels var Helga fagra
Þorsteinsdóttir Egilssonar.
Jón 3-4 var sonur Jóns f.1799 d. 29.7.1834, bónda
á Syðsta-Vatni í Efribyggð, Ólafssonar f. um 1742,
d. 1798, bónda í Flatartungu, Sjávarborg og
Álfgeirsvöllum, Jónssonar f. um 1704, d. 1777,
bónda í Flatartungu, Ólafssonar f. um 1646, d. um
1706, bónda á Ánastöðum í Lýtingsstaðahreppi
1703, Jónssonar rauðskeggs f. um 1615, bónda í
Gilhaga í Tungusveit, Ólafssonar f. um 1575 d. um
1660, bónda og lögréttumanns í Miklagarði og
Núpufelli í Saurbæjarhreppi, Jónssonar f. um
1535, d. um 1616, prests í Laufási Sigurðssonar.
Eyþór 4-4 var sonur Einars f. 13.2.1824, d.
19.5.1883, bónda í Þverholtum á Mýrum,
Þorvaldssonar f. um 1798, bónda á Álftá,
Þorvaldssonar f. um 1760 bónda á Þverholtum,
Sigurðssonar f. um 1704 Þórðarsonar f. um 1679,
bónda á Álftá, Gíslasonar, f. um 1648, hreppstjóra
á Álftá í Hraunhreppi 1703, Snorrasonar.
Jón Gíslason er fæddur 27.3.1959 á Stóra-Búrfelli í Svínavatnshreppi í Austur-Húnavatnssýslu. Hann er
búfræðingur frá Hvanneyri og hófu þau Kristjana Stefanía búskap á Stóra-Búrfelli 1979 í félagi við Gísla
föður Jóns en Ingibjörg móðir Jóns féll frá 1978 aðeins 55 ára gömul. Gísli tók þátt í búskapnum
meðan heilsan leyfði en hann dó 1985 eftir nokkurra ára baráttu við
krabbamein.
Á Stóra-Búrfelli er rekið blandað bú með sauðfé, kýr og hross.
1994 var sauðféð skorið niður vegna riðuveiki en aftur tekið fé
1997.
Jón hefur jafnhliða búskapnum tekið mikinn þátt í
félagsmálum. Hann hefur starfað í Karlakór Bólstaðarhlíðarhrepps
frá 1994, í stjórn Sölufélags Austur - Húnvetninga 1994-2002 og
deildarstjóri þess frá 1991-2002. Hann hefur setið í hreppsnefnd
Svínavatnshrepps frá 1994 og verið fjallskilastjóri
Upprekstrarfélags Auðkúluheiðar frá 1998, búnaðarþingsfulltrúi
Austur - Húnvetninga frá 1987, í stjórn Búnaðarsambands Austur
- Húnvetninga frá 1988 og stjórnarformaður frá 1989.
Stjórnarformaður Ráðunautaþjónustu Húnaþings og Stranda frá
stofnun hennar 1. janúar 2002. Formaður Búnaðarfélags
Svínavatnshrepps 1985-1989, í Náttúruverndarnefnd Austur -
Húnavatnssýslu frá 1993, sóknarnefndarformaður Svínavatnskirkju
frá 1993, formaður Svínavatnsdeildar Veiðifélagsins Orra frá 1994,
formaður Veiðifélags Auðkúluheiðar frá 2002 og í varastjórn BÍ frá
1998.
Ættir
& uppruni
Umsjón:
Ármann
Þorgrímsson,
Akureyri.
Stóra-Búrfell
Stóra-Búrfell stendur við norðanvert Svínavatn
og á töluvert land að vatninu, meðal annars er
þar Búrfellsskógur (svo nefndur frá fornu fari)
sem er bunga meðfram vatninu, en þar er
gróskumikið víðikjarr og töluvert af birkibróðir
og berjaland. M.a. hrútaberjalyng og einir. Á
þessu svæði er nú hafin skipulögð skógrækt á
52ja hektara svæði í samvinnu við
Norðurlandsskóga. Að öðru leyti er stór hluti
jarðarinnar frjósamt mýrlendi sem hentar vel
til ræktunar.
Ofan við bæinn er stuðlabergsfell sem heitir
Búrfell og dregur bærinn nafn sitt af því.
Austan fellsins er Búrfellstjörn.