Dagsbrún - 01.02.1989, Blaðsíða 12
Dagsbrún
1. TBL. 40. ÁRG.
FEBRÚAR 1989
NÁMSKEIÐ 1988—1989
Engir lokaðir
sellufundir
Fyrsta námskeið vetrarins var kynnt á
trúnaðarráðsfundi 17. nóvember. Svo
margir skráðu sig á fundinum að ljóst
var þá strax, að halda þyrfti að minnsta
kosti annað námskeið svo fleiri kæmust
að. Það námskeið var svo haldið í
januar og fullt útlit er fyrir að við þurf-
um að bæta því þriðja við, sem verður
gert ef óskir berast um það.
Þetta eru ræðunámskeið. Þjálfun í
góðum framburði, upplestri, funda-
stjórn, þátttakendur æfa sig í að flytja
mál, sækja og verja.
Við þessi námskeið höfum við notið
leiðsagnar þeirra Þráins Hallgrímssonar
og Baldvins Halldórssonar og mér er
það bæði ljúft og skylt að þakka þeim
frábæra kennslu og öllum þátttakendum
góðan og ánægjulegan árangur.
Það er ekkert minna en stórkostlegt
að sjá fjötra, feimni og óframfærni falla
af mönnum eins og helsi.
En auðvitað þarf meira en stutt nám-
skeið, þetta er þjálfun, sem þarf að
styðja við og rækta.
Hæfileikamenn
Á námskeiðunum er þátttakendum
kennt og hjálpað að taka fyrstu sporin
til virkrar tjáningar — en það er ekki
nóg. Það þarf að gefa því góðan tíma að
þjálfa menn í ræðumennsku og félags-
störfum. Það eru svo margir hæfileika-
menn í Dagsbrún. Hæfileikamenn á svo
mörgum sviðum.
Fram undir vorið, að minnsta kosti,
reynum við að hittast eitt kvöld í viku á
Lindargötunni til að spjalla saman og
æfa ræðumennsku og fundarstjóm.
Þetta eru engir lokaðir sellufundir. Allir
félagar, sem vilja koma, eru velkomnir,
það þarf bara að hringja og tilkynna
þátttöku.
Yfirleitt kemur Baldvin Halldórsson
leikari þessi kvöld og miðlar af sinni
ríkulegu þekkingu og reynslu.
Trúnaðarmannanámskeið stendur nú
yfir í febrúar undir styrkri stjórn Snorra
S. Konráðssonar. Snorri er landsþekkt-
ur leiðbeinandi og einn af aðalkennur-
um Félagsmálaskólans í Ölfusborgum.
Fjórir félagar úr Dagsbrún verða núna í
febrúar á Félagsmálaskólanum.
Þessi námskeið gera meira en að afla
mönnum þekkingar. Félagsskapurinn
og samveran hafa líka sitt gildi og það er
mjög gagnlegt, ekki hvað síst fyrir trún-
aðarmenn frá vinnustöðum, iíkum og
ólíkum, að geta hist og rætt saman
vandamál og viðhorf.
Námskeið af þessu tagi kosta vinnu,
tíma, húspláss og peninga. Ég vil tjá
formanni og stjórn bestu þakkir fyrir að
gefa mér svo frjálsar hendur við fram-
kvæmd þeirra.
Hjálmfríður
i —— —«j—
Trúnaðarmenn á námskeiði í Dagsbrúnarhúsinu við Lindargötu.
Það er engin léttúð í svip þessara trúnaðarmanna — en þeir eru heldur
ekki á sellufundi.