Vér mótmælum allir - 01.05.1946, Blaðsíða 6

Vér mótmælum allir - 01.05.1946, Blaðsíða 6
GUÐMUNDUR ÁSMUNDSSON, formaður Stúdentaráðs Háskólans: T í M A M Ó T Avarp flutt d útvarpskvöldvöku stúdenta siðasta vetrardag 19h6. Það er orðin föst venja, að Stúdentaráð Há- skólans standi fyrir kvöldvöku í útvarpinu síð- asta vetrardag, enda er ráðinu ánægja að því, ef verða mætti til að hafa ofan af fyrir hlust- endum eina kvöldstund. Það er gamall og góður siður að minnast árstíðaskipta og annarra tímamóta. I augum okkar námsmannanna, ef til vill mörgum öðr- um fremur, hafa sumar- og vetrarkomur tals- verða þýðingu. Þegar sumarið kemur, kveðjum við skruddurnar og kennarana og tökum til við margvísleg störf, sem of langt yrði upp að telja. En með haustinu tökum við okkur á ný bók í hönd og byrjum að kúra. Oftast verðum við báðum tilbreytingunum fegnir, og þá varla síður hinni fyrrnefndu, sem sé flóttanum frá bókunum. - Veturinn er nú að kveðja. Það eru tímamót. Lífið er eiginlega eintóm tímamót. Sekúndur, mínútur, stundir, dagar, vikur, mánuðir, ár og aldir líða, og nýr tími fer í hönd. En tíma- mót eru ekki ávallt bundin við slíkar einingar. Viðburðir og þróun marka einnig tímamót. — Á slíkum tímamótum eru íslendingar stadd- ir. Við höfum skapað lýðveldi og unnið okkur l'ullt frelsi, að minnsta kosti í orði. Næsta skref- ið hlýtur að vera að skapa þjóðinni raunveru- legt frelsi og óskorað fullveldi í hennar eigin landi. Vonandi er enginn ágreiningur með þjóðinni um það, að til þessa markmiðs beri að stefna. En um leiðirnar er hins vegar ágrein- ingur, en óvíst þó hve mikill. Stúdentar hafa markað sér á þessu sviði ákveðna stefnu. Þjóðinni mun hún kunn. Stúd: entar hafa boðað til funda til þess að vinna henni sem mest fylgi. Einnig gefa þeir út blað í sama skyni. Stúdentar eru sannfærðir um, að stefna þeirra sé rétt, og þeir eru alráðnir í því að vinna sem þeir mega að framgangi hennar. Nú sé það fjarri mér að fara að hrópa um það, að íslenzkir stúdentar séu öðrum fremur frelsishetjur eða föðurlandsvinir. Við vitum, að við erum ekki einir um stefnu okkar. Og Jiitt vitum við einnig, að í hópi andstæðinga okkar í þessu máli eru menn, sem vilja vinna íslandi sem mest gagn, enda þótt þeir hafi, að okkar hyggju, valið ranga leið og þjóðhættulega. Á sumrinu, sem nú fer í hönd, verður væntan- lega úr því skorið, hver staða íslands skuli verða í þeim heimi, sem rís úr rústum nýafstaðinnar lieimsstyrjaldar. Það þarf ekki að taka það fram, að á úrslitum þess máls veltur gervöll liamingja þjóðarinnar og raunar tilvera hennar. íslendingar una ekki ófrelsi, í hvaða mynd, sem það kann að birtast. Þeir kvöldust, meðan á kúgun Dana stóð. En á þeirra kúgun og öðr- um höftum á landi eða þjóð er einungis stig- munur, en eðlismunur ekki. Óverulegt afsal á yfirráðarétti þjóðarinnar að landi sínu yrði ætíð verulegt. Það yrði, að minnsta kosti þegar til lengdar léti, eðlilegri þróun fjötur um fót. Þjóð- in yrði sér þess ávallt meðvitandi, að hún væri ekki alfrjáls. Hún myndi ekki njóta sín. Lýðræðið hefur nú sigrað einræðið, — að minnsta kosti er sagt svo. Það ætti því að mega treysta því, að ekki verði, að þjóðinni forspurðri, skertur réttur hennar til lands síns. Annars væri að minnsta kosti óglæsilega af stað farið um skipan mála í hinum nýja heimi, sem lýð- ræðisþjóðirnar, að íslendingum meðtöldum, úthelltu blóði sínu til að skapa. Þjóðin treystir því, að það verði á hennar valdi að ákveða örlög sín. þá ætti engu að þurfa að kvíða, því að við stúdentar erum sannfærðir um, að mikill meirihluti þjóðarinnar vill fara sömu leið og við. Halda óskertum eignarrétti íslendinga að íslandi. Enginn þumlungur lands undanskilinn. Þau málalok yrðu ekki til þess að slá einhverjum sérstökum ljóma um stúdenta, heldur til þess að búa þjóðinni þá blessun, sem hún á skilið. Ég óska hlustendum gleðilegs sumars. 6 VÉR MÓTMÆLUM ALLIR!

x

Vér mótmælum allir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vér mótmælum allir
https://timarit.is/publication/937

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.