Vér mótmælum allir - 01.05.1946, Blaðsíða 4

Vér mótmælum allir - 01.05.1946, Blaðsíða 4
ÞORGEIR SVEINBJARNARSON, varaforseti Í.S.Í. Sagan er miitnug Árið 1944 var íslendingum íagnaðarár. Ein- ing þjóðarinnar á þeim hátíðastundum, þegar undirbúin var stofnun lýðveldis á íslandi, var frábær og vakti virðingu á íslendingum víðs vegar um heim. Á þeim stundum féll niður pólitískur metingur sundurleitra flokka, og stéttirnar stóðu lilið við hlið. Lýðveldishátíðahöldin um land allt fóru fram í fullri vissu þess, að aldalöngu ófrelsi væri af létt og raunverulegt sjálfstæði þjóðarinnar væri á næstu grösum. Á Þingvöllum, helgasta stað þjóðarinnar, var aðalhátíðin haldin. Hinn nýkjörni forseti lýð- veldisins og alþingismenn þjóðarinnar stóðu á Lögbergi frammi fyrir tugum þúsunda lands- manna. Þennan dag var stormur og regn, en þarna stóðu þeir „þéttir á velli og þéttir í lund" eins og þeir vildu segja: Hér stöndum við vörð um helgustu eign þjóðarinnar, frelsi hennar og sjálfstæði, þótt á mótr blási og hvað sem í kann að skerast. Og kvikmyndir voru teknar af hverj- um einasta þessara framherja þjóðarinnar, og bækur voru gefnar út um þessi dýrðlegustu hátíðahöld íslendinga. Sagan geymir minningu þeirra manna, sem stuðluðu að þessum lokasigri í sjálfstæðisbar- áttunni. Hún man þá og alla þá, sem hafa borið merki hennar fram til aukins frelsis í þessu landi. Minning þeirra er krýnd ævarandi heiðri . En það er ekki ofsögum sagt af því, að ísland sé land hinna miklu mótsetninga. Tveimur ár- um eftir að lýðveldið var stofnað, er talað um það upp við fjöll og út við sæ, að einhver hluti íslenzku. þjóðarinnar vilji láta af hendi land og landsréttindi, til þess að erlendur her geti haft hér aðsetur og ægivald. Og það hlakkar í mönnum Guðmundar hins ríka, að það sé boð- ið fé fyrir. Og því er hvíslað, að forráðamenn þjóðarinnar, alþingismennirnir einhverjir séu þessu hliðhollir. Trúið þið þessu. — Það eru enn ekki tvö ár liðin, síðan þeir stóðu á Lögbergi og strengdu sín heit. — Við segjum nei. — Þeir geta ekki gert það, ekki mennirnir, sem stóðu þar, ekki þjóðin, sem stofnaði lýðveldið. Slíkt nær engri átt. En því er ekki að neita, að allar þjóðir á öllum tímum hafa átt menn, sem gjarnan hafa kosið að fórna fjöreggi þjóðar sinnar fyrir efna- legt hagræði eða pólitíska upphefð. Sagan er einnig minnug hér. Hún gleymir ekki þeim, sem svíkja. Hún er miskunnarlaus og geymir þá krýnda ævarandi skömm. Enn trúir íslenzka þjóðin ekki nema fáu, sem sagt er um hin viðkvæmu herverndar- og her- 'stöðvamál, annars hefði hún þegar risið upp ,sem einn maður. Hún trúir ekki á launráð og stigarnennsku. En þó veit hún það og finnur, að reynt er að læða á íslenzka sjálfstæðismeð- vitund svefnþornum víða að. f frelsisstríði Norðmanna í síðustu styrjöld voru það menntamennirnir og íþróttamennirn- ir, sem vöktu þjóðina og börðust skeleggustu baráttunni. Ef stjórnmálamennirnir einir hefðu markað þar stefnuna, myndi stríðið hafa verið háð þar með minni glæsileik. Ef til vill er það einnig svo hér, að við megum ekki treysta um of á forystu stjórnmálamannanna. Við lifum á tímum, þar sem mikil saga getur verið skráð á skammri stund og þar sem örlög þjóða eru sköpuð á fáum augnablikum. Við höfum fund- ið það, hvernig leyndin, grunurinn, hikið hefur eitrað andrúmsloft íslenzku þjóðarinnar í nærri misseri. Hver veit.nema hún hefði getað skapað sér að nýju aldarlangt ófrelsi með slíku háttalagi ef forystumenn þjóðarinnar hefðu ekki verið tilneyddir að gefa þjóðinni skýrslu um málið? — Og því er það hlutskipti allra góðra íslend- inga að vera hér á verði og til taks. — Þeir gera það og skapa sér sögu, ekki þrældómssögu aumr- ar hjálendu eiiends valds, heldur sigursögu þróttmikils, sjálfstæðs ríkis. 4 VÉR MÓTMÆLUM ALLIR!

x

Vér mótmælum allir

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vér mótmælum allir
https://timarit.is/publication/937

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.