blaðið - 12.08.2005, Side 6

6 I IMMLENDÆR FRÉTTIR_______
Verðhjöðnun á
vörum og þjónustu
Vísitala neysluverðs, án húsnæðis, lækkar annan
mánuðinn í röð
Verð á vörum og þjónustu hér
á landi hefur lækkað undan-
farna tvo mánuði samkvæmt
tölum frá Hagstofu fslands. Þar
segir að vísitala neysluverðs, án hús-
næðis, hafi lækkað um 0,18% frá því
í júlí, en þetta er annar mánuðurinn
í röð sem vísitalan hefur lækkað. Ef
húsnæðisverð er hinsvegar haft með
í útreikningnum kemur í ljós að vísi-
talan hefur hækkað um 0,21% frá
fyrri mánuði.
Sumarútsölurnar hafa mikil áhrif
á verðbólgumælingar um þessar
mundir, en verð á fötum og skóm
hefur lækkað um 6,6% í kjölfar út-
sala. Á móti kemur hækkun á bens-
íni og olíu um 1,9%.
Samkvæmt Hagstofunni er verð-
bólga síðustu tólf mánuði 3,7%. Það
vekur hinsvegar athygli að ef hús-
næðisverð er tekið út kemur í ljós að
verð hér á landi hefur nánast staðið
í stað síðustu 12 mánuði - hefur að-
eins hækkað um 0,2%.
ASÍ hefur áhyggjur
Alþýðusamband fslands (ASf) bend-
ir í þessu sambandi á að síðastliðna
12 mánuði hefur vísitalan hækkað
um 3,7%. Verðbólgan i júlí mæld-
ist 3,5% og í júní 2,8%. Verðbólgan
hefur því vaxið um 0,9% á tveimur
mánuðum og er nú 1,2% yfir verð-
bólgumarkmiði Seðlabanka íslands.
f tilkynningu frá samtökunum í gær
segir að Þetta séu slæm tíðindi fyrir
þá sem iáta sig stöðugleika varða.
„Vísitalan hækkaði nú meira en
flestir höfðu spáð. Útlitið framund-
an er heldur ekki sérlega bjart. Bú-
ast má við að verðbólga fari vaxandi
með haustinu þegar sumarútsölum
líkur. Hætt er við að olíuverð hald-
ist áfram hátt og margt sem bendir
til þess að áfram dragi úr verðstríði
lágvöruverslana á matvörumarkaði.
Ekki virðist ætla að draga úr hækk-
unum á húsnæðisverði a.m.k. ekki
enn sem komið er“ segir ennfremur
í tifkynningunni.
Húsnæöis- og olíuverð hefur mikil áhrif á veröbólgu um þessar mundir.
UTSALA
20% afsláttur af öllum garð
álfum og ferðatöskum
Verð með 20% afslætti
kr. 1.192,-
Margar
tegundir af
garðáifum.
Verð með 20% afslætti kr. 472,
Verð með 20%
afslætti kr. 316,
Verð með 20%
afslætti kr. 472,
Ferðatöskur í
settum og í
stöku.
20" ferðataska,
Verð áður kr. 2.990,
Verð með 20%
afslætti kr. 2.392,-
5 töskur. váfi áður
kr. 6.990,-,
Verð með 20% afslættl
kr. 5.592,-
Otrúlega búðin
K r i n g
F ,j ö r ú u r
FÖSTUDAGUR 12.ÁGÚST2005 blaöiö
Barn hætt komið
í baðsæti
Herdis Storgaard, verkefnisstjóri
barnaslysavarna hjá Lýðheilsustöð
varar við því að fólk skilji börn eft-
ir ein í baðsætum. „Því miður líta
of margir á þessi sæti sem öryggis-
tæki en þau eru það engan veginn.
Baðsæti eru einungis ætluð til þess
að auðvelda fólki að baða börnin
sín“, segir Herdís. Fyrir skömmu
lenti rúmlega fimm mánaða gam-
alt barn í nærdrukknun en það er
þegar öndunarstopp verður, e.t.v.
einnig hjartastopp, og endurlífgun-
ar er þörf. Slíkt ástand getur verið
lífshættulegt þar sem þá er hætta á
súrefnisskorti sem leitt getur til var-
anlegs heilaskaða. Slysið varð þegar
verið var að baða barnið. Barnið
var í baðsæti en litið var af því eitt
augnablik. Baðsætið sem fest er við
baðkarið með sogkoppum losnaði
með þeim afleiðingum að barninu
hvolfdi. Barninu var strax komið
til aðstoðar og flutt á sjúkrahús og
virðist ekki hafa orðið meint af. Á ár-
inu 2005 hafa 6 börn tveggja ára og
yngri verið næstum drukknuð hér á
landi og er þetta skelfileg þróun. ■
Akvarðað um
Norðlingaölduveitu
I dag mun samvinnunefnd um mið-
hálendi Islands afgreiða tillögu um
Norðlingaölduveitu og úrskurð Jóns
Kristjánssonar, setts umhverfisráð-
herra, um mat á umhverfisáhrifum
veitunnar.
Annars vegar liggur fyrir vilji
Landsvirkjunar og sveitarfélaga
austan Þjórsár um að nýta þá orku
sem er í boði. Hins vegar eru sjón-
armið heimamanna í Skeiða- og
Gnúpverjahreppi um að vernda það
sem þeir segja viðkvæmasta náttúru-
verndarsvæði í náttúru íslands.
Engin þörf á virkjun
Náttúruverndarsamtök íslands
segja að fyrirhugaðar framkvæmdir
séu óþarfar. „Engin brýn og óum-
deilanleg þjóðhagsleg þörf er fyrir
orku frá Norðlingaölduveitu. Aftur
á móti er náttúruverndargildi Þjórs-
árvera mjög hátt“, segir í tilkynn-
ingu frá samtökunum. Þá er pressað
á Dag B. Eggertsson borgarfulltrúa
í Reykjavík að taka afstöðu gegn
breytingunum en hann er einn
12 atkvæðisbærra manna i nefnd-
inni. „Reykjavíkurborg ber sérstaka
ábyrgð sem einn eigandi Landsvirkj-
unar. Bent skal á að Samfylkingin
samþykkti á flokksþingi sínu í vor
stuðning við stækkun friðlandsins
í Þjórsárverum og Vinstri-grænir
hafa alla tíð verið andsnúnir Norð-
lingaölduveitu.“ ■
Aukin réttindi
samkynhneigðra
.Stjórn Sambands ungra sjálfstæð-
ismanna hvetur þingmenn til þess
að má úr lögum alla mismunun á
grundvelli kynhneigðar. I lögum
um staðfesta samvist og lögum um
tæknifrjóvganir eru ákvæði sem
fela í sér þessa mismunun“. Þetta
segir í ályktun Sambands ungra
Sjálfstæðismanna (SUS) fráþví í gær.
Þar benda samtökin á að síðastliðið
haust hafi nefnd um réttarstöðu
samkynhneigðra lokið störfum. Þar
hafi helmingur nefndarinnar lagst
gegn þvi að samkynhneigðum yrði
leyft að ættleiða erlend börn og nýta
sér tæknifrjóvgun. I ályktuninni
segir ennfremur:
„Niðurstaða ofangreindra nefnd-
armanna gegn tæknifrjóvgunum
samkynhneigðra kvenna er ekki
byggð á rökum heldur fordómum.
Sömu fordómar eru nú í lögum um
tæknifrjóvganir. Lögin kveða á um
rétt tæknifrjóvgaðs barns að njóta
bæði móður og föður. Stjórn SUS. tel-
ur það vera rétt barna að fá að alast
upp hjá samkynhneigðum jafnt sem
gagnkynhneigðum“. ■
Skíðavertiðin
lengd á Akureyri
„Við stefnum á að búa til snjó í fyrstu
frostum í byrjun nóvember svo
framarlega sem að veturinn komi
snemma," segir Guðmundur Karl
Jónsson hjá Akureyrarbæ. Fyrsta
skóflustunga að snjóframleiðslu-
kerfi, sem er hið fyrsta sinnar teg-
undar hér á landi, var tekin í Hlíðar-
fjalli fyrir ofan Akureyrarbæ í gær.
Á næstunni verður hafist handa við
lagningu veitukerfis um skíðasvæð-
ið sem verður um 2.600 metrar að
lengd. Um kerfið verður hægt að
dæla 80 sekúndulítrum af vatni sem
fást úr stórri tjörn sem grafin verð-
ur nokkru sunnan við skíðasvæðið.
Búist er við að framkvæmdum ljúki
um miðjan október.
100 milljón króna verkefni
Gert er ráð fyrir að kostnaður við
framkvæmdirnar sé um 100 milljón-
ir króna. Að sögn Guðmundar snýst
verkefnið augljóslega um að geta
opnað skíðasvæðið fyrr en áður hef-
ur verið mögulegt og halda því opnu
lengur.
„En til viðbótar verðum við betur
í stakk búnir til að verjast hinum
tíðu hlákum sem verið hafa undan-
1—-iiii___\___________;____:___
Ný vél mun hefja snjóframleiðslu I Hlíðar-
fjalli í haust.
farna vetur“. Með verkefninu, sem
ríkið og Akureyrarbær standa að, er
stefnt á að styrkja skíðaíþróttina fyr-
ir norðan, sem og ferðaþjónustuna á
svæðinu. ■