blaðið - 15.09.2005, Qupperneq 18

18 I BÍLAR
FIMMTUDAGUR 15. SEPTEMBER 2005 blaöiö
Heilsársdekk geta
veríð hagkvœm
Nú nálgast óðfluga sá árstími þar
sem allra veðra er von. Óvænt næt-
urfrost getur breytt vegum landsins
í fljúgandi svell og stuttu er í að bið-
raðir myndist fyrir framan dekkja-
verkstæðin en eftir í. nóvember
verður leyfilegt að skipta yfir á vetr-
ardekkin. Fyrir þá sem keyra um á
heilsársdekkjum er þetta kannski
minna vandamál því þeir þurfa ekki
endilega að leiða hugann að umfelg-
un.
Hægt að spara hátt í 12
þúsund krónur á ári
Heilsársdekk geta verið góður kost-
ur sé ætlunin að spara þann pening
er snertir umfelganir. Venjuleg um-
felgun kostar á bilinu 4.500 uppí
7.000 krónur en á móti kemur að
eigendur heilsársdekkja þurfa að
víxla dekkjum a.m.k. einu sinni á
ári til að tryggja að dekkin slitni
jafht. Kostnaður við slíka víxlun er
þó aðeins einn þriðji af þeim kostn-
aði sem ein umfelgun kostar og því
hægt að reikna lauslega að árlegur
sparnaður gæti numið á bilinu 7 til
12 þúsund krónum. Að auki eru not-
endur heilsársdekkja ekki bundnir
við eitthvað ákveðið tímabil þegar
kemur að víxluninni. Þeir geta því
valið að framkvæma hana á þeim
tíma þegar rólegt er á dekkjaverk-
stæðum. Þó verður að hafa í huga að
við vetraraðstæður eru sérhönnuð
vetrardekk alltaf öruggari. Veggrip
þeirra er meira og því minni hætta
á að bifreið renni til í mikilli hálku.
Einn viðmælandi Blaðsins sagði að
þó heilsársdekk væru góður kostur
væri það svipað og vera alltaf í skóm
sem passa ekki alveg nákvæmlega.
Þau væru hvorki sérhönnuð fyrir
vetrar- né sumaraðstæður. Þau hent-
uðu ágætlega fyrir innanbæjarakst-
ur en varhugaverðara væri að treysta
fullkomlega á þau í utanbæjarakstri
um vetrartíma.
Best að kaupa dekk miðað
við ferðavenjur
Sigurður Helgason, verkefnastjóri
hjá Umferðarstofu, segir mikilvægt
að menn kaupi dekk sem miðast
við þeirra ferðavenjur. „Það sem ég
hef heyrt er að ef varlega er ekið þá
eru heilsárdekk í góðu lagi og ekki
verri en önnur dekk. Þetta byggist
náttúrulega að stærstum hluta á
því hvernig menn keyra. Ef við höf-
um oftrú á bílnum, tækjunum og
dekkjunum þá getur skapast hætta.“
Sigurður segir Umferðarstofu ekki
hafa neina sérstaka afstöðu til heils-
ársdekkja og aðalatriðið sé, sama
hvað dekk er um að ræða, að þau
séu í góðu standi. Samkvæmt óform-
legri verðkönnun Blaðsins kosta ný
heilsársdekk um 26 til 32 þúsund
fyrir lítinn fólksbíl og um 60 til 70
þúsund fyrir meðalstóran jeppa. ■
FORD ESCAPE 2005 Á ÓTRÚLEGU VERÐI!
Getum útvegað nokkrar FORD ESCAPE XLT 4X4 bifreiðar frá Hertz í USA.
Bílarnir eru 2005 árgerð, (óaðfinnanlegu ástandi. Eknir 25 til 45 þús. km.
Vel búnir þægindum s.s V6 3000cc vél, 200 hestöfl, loftkælingu, CÐ spil-
ara, Cruise Control, ABS, sjálfskiptingu o.m.fl. Verðiö er aðeins 2.299.000
kr. Fyrir 99 þúsund aukalega getum við boðið ábyrgð frá íslensku trygg-
ingafélagi til 130.000 km eða til þriggja ára. Afgreiðslutími er um 6 vikur.
SAGA Group ehf uppl. veitir Magnús í sfma 891 8277
Gnmmívinnustofan
HEILSÁRSDEKK

Hyundai:
Rannsóknarmiðstöð
fyrir umhverfisvæna bíla
Hyundai opnaði á dögunum
nýja rannsóknarmiðstöð
sem verður helguð rann-
sóknum og þróun á umhverfisvæn-
um bílum. Fjárfesting Hyundai í
miðstöðinni nemur um 7,5 milljörð-
um króna, en miðstöðin er í nýrri
14.000 fermetra byggingu sem stað-
sett er í útjaðri Seoul, höfuðborgar
Kóreu. Athygli vekur að byggingin
er, líkt og starfsemin sem fram fer
í henni, reist á umhverfisvænum for-
sendum.
Stefnt að forystuhlutverki
Alls hafa um 200 starfsmenn verið
ráðnir til miðstöðvarinnar, sem
hýsir háþróaðan tækjabúnað fyrir
m.a. þolprófanir á efnarafölum, út-
blástursgreiningu og orkumælingar
auk 700 bar vetnisáfyllingarstöðvar.
Þarna er einnig til húsa nýja tilrauna-
stöð Hyundai fyrir sjálfvirka og jafn-
framt umhverfsvæna endurvinnslu
bíla. Framkvæmdir við stöðina hóf-
ust fyrir rúmum tveimur árum eða
um það leyti sem Hyundai lýsti því
yfir að fyrirtækið stefndi að forystu-
hlutverki í þróun umhverfisvænna
bíla.
Umhverfisvænt í orði og á borði
Nýja rannsóknarmiðstöðin í Seoul
er ekki aðeins helguð umhverfis-
vænni tækni, heldur er hún einnig
reist á umhverfisvænum forsendum.
Byggingarefni eru umhverfisvæn,
eins og t.d. gólfin sem eru úr endu-
runnum hjólbörðum. Rafmagn til
lýsingar er fengið úr sólarrafhlöð-
um og til að orkunýting verði enn
umhverfisvænni, er sú raforka sem
verður til vegna tilrauna á rafölum
nýtt innan stöðvarinnar. Gert er ráð
fyrir að þetta fyrirkomulag minnki
útsleppi á CO2 um 1.000 tonn. Þá
eru klósettin búin umhverfisvænni
loftþrýstitækni, sem sparar um
1.500 tonn af vatni árlega. ■
Ökuþórar
og ökuþórur
Bílpróf er eitt.hvað sem ungling-
ar fara að hugsa um löngu áð-
ur en þeir ná löglegum aldri
til að keyra bil, og langflestir taka
það við fyrsta tækifæri. Ekki eru þó
allir sem telja það svo mikilvægt, og
geyma sér það þar til síðar á ævinni.
Arni Viljálmsson er einn þeirra: 25
ára piltur sem er að taka bílprófið i
fyrsta skipti. Hann hefur farið í þrjá
ökutíma og ætlar i þrjá í röð í þess-
ari viku, og er bara nokkuð spennt-
ur. Hann féllst á að svara nokkrum
spurningum um hvernig er að keyra
bíl.
Finnurðu nokkurn mun á þér sem
ökumanni strax eftir nokkra tima?
„Já, ég er hættur að ofnota kúpling-
una. Ég fór reyndar í síðasta tíma
óvart úr þriðja gír í annan, þegar
ég ætlaði að fara í fjórða gír. Eg var
óánægður með það, því það var bú-
ið að ganga svo vel fyrri part tímans.
Ég var að renna inni hringtorg og
var afslappaður og svona.“
Hvers vegna ertu fyrst núna að
taka bílprófið?
„Einfaldlega vegna þess að ég get
ekki verið án þess lengur. Ég finn
það alltaf betur og betur hvað það er
nauðsynlegt að vera á bíl. Til dæm-
is þegar ég þarf að útrétta, og þeg-
ar þarf að gera svona ýmislegt, og
það þarf að ganga strax, þá er ekki
möguleiki að vera ekki á bíl. Þetta
var kannski hægt fyrir einhverjum
árum, því vinirnir redduðu manni
alltaf. En svo gerist eitthvað við 25
ára aldurinn, og það verður of mik-
ið af hlutum sem maður þarf á bíl að
halda við.“
Er öðruvísi að keyra bíl en þú
ímyndaðir þér?
„Já, ég hélt að maður þyrfti að vera
að gera miklu meira, t.d. þegar mað-
ur væri að keyra beinskiptan bíl, þá
þyrfti maður alltaf að vera að skipta
um gír og vera á kúplingunni og
bremsunni. En það er ekki þannig.
Maður bara rétt stígur á bremsuna
öðru hverju, og skiptir um gír miklu
sjaldnaren éghélt. En maðurþarfað
venjast öllu áreitinu sem er í gangi."
Hvernigfinnst þér umferðarmenn-
ingin vera i Reykjavík í dag?
„Sem nýr ökumaður er erfitt að
svara þessari spurningu, því ég hef
engan samanburð. Ég finn samt að
fólk keyrir hratt, og er ekkert endi-
lega að gefa sénsa. Þegar menn sjá
ökumann í bíl sem er merktur öku-
skóla, er tekið framúr, og svínað og
flautað. Það er hlegið að manni og
híað líka.“
Heldurðu að líf þitt breytist mikið
við að fá bilpróf?
„Það einfaldast gifurlega að mörgu
leyti, og ég mun öðlast mikið frelsi,
en jafnframt mun frelsi mitt skerð-
ast. Sérstaklega því ég skulda vin-
um mínum ofsalega mikið af skutli,
þannig að ég held að næstu fimm
árin fari bara í að skutla vinum mín-
um og borga greiðana."
Ertu búinn að kaupa þér bil?
„Nei, ég á eftir að fá mér bíl, en ég á
15 lítra af bensíni sem ég vann á Sjáv-
arútvegssýningunni. Markmiðið er
að eiga bíl og 15 lítra af bensíni áður
en ég fæ bílprófið.“
Eru einhver góð ráð sem þú hefur
til allra bílstjóra svona í lokin?
„Bara ekki ofnota kúplinguna og
muna að gefa stefnuljós. Svo var ég
líka að lesa rannsókn þar sem fram
kom að þeir sem eru gáfaðir, eru lík-
legri til að gefa sénsa í umferðinni.
Þannig að munið bara: Þeir sem eru
gáfaðir gefa séns! “ g