blaðið - 15.09.2005, Page 20

FIMMTUDAGUR 15. SEPTEMBER 2005 blaðiö
20 I FERÐALÖG
... * ? f pjh ^ 1 ■***

■;-|S rftf
Æ m m ,’fjg 1 ‘'
'Uffl -Mpj m
' S ygp msm ’jffla
Athyglisverð heimasíða
Saínið skoðað
í gegnum netið
Áður en lagt er af stað í ferða-
lög getur verið gott að gefa sér
tíma til að kynna sér fyrirfram
áætlaða áfangastaði. Sérstaklega
ef mann langar að komast yfir
mikið á stuttum tíma. í svona
tilfellum getur netið verið afar
hjálplegt.
Boðið upp á mikið
Mörg söfn í Evrópu halda úti góðum
og yfirgripsmiklum heimasíðum
þar sem hægt er að kynna sér nán-
ast hvað sem er sem viðkemur safn-
inu. Þar er eflaust British Museum
fremst í flokki en heimasíða þess
skartar gríðarlega miklum upplýs-
ingum um safnið og starfsemi þess.
Þar er hægt að skoða yfirlitsmynd
af safninu og sjá staðsetningu ein-
stakra hluta og deilda. Sé áhugi fyrir
hendi geta menn einnig farið í stutt-
ar ferðir í gegnum einstaka hluta
safnsins. Þannig er t.d. boðið upp
á ferðir þar sem menning Afriku,
Japans og Irans til forna eru skoð-
aðar sérstaklega svo fáein dæmi séu
nefnd. Að auki gefst fólki kostur á
að kynna sér einstaka gripi safnsins
og lesa ítarlega um sögu þeirra og
merkingu.
Netverslun
Einnig býður heimasíða British
Museum upp á aðra hagnýta hluti,
t.a.m. er hægt að panta miða og
skoða dagskrá safnsins næstu mán-
uðina. Fyrir þá sem vilja fjárfesta í
fróðlegum bókum eða athyglisverð-
um hlutum býður heimasíðan upp
á nettengda verslun. I heildina er
þetta góð heimasíða fyrir jafnt fróð-
leiksþyrsta og þá sem vilja einfald-
lega skipuleggja væntanlega heim-
sókn í þetta mikla safn. Heimasíðu
safnsins má finnu undir slóðinni
www.thebritishmuseum.ac.uk.
Gyða Sigrtður Björnsdóttir skellti sér í œvintýraferð
Á framandi slóðum
Gyða við rætur Everest fjalls
Margir láta sig dreyma um ævintýra-
ferðir til ókunnra landa og að kynn-
ast framandi menningum. Fáir þora
hins vegar eða hreinlega nenna að
láta þennan draum rætast. Gyða Sig-
ríður Björnsdóttir lét þó slag standa
þegar hún skellti sér í sumar í nærri
fimm vikna ferðalag til Mið-Asíu
sem leiddi hana yfir fjögur fjarlæg
lönd. „Fyrst og fremst var það áhugi
á Tíbet sem dró mig af stað en ég
hef alltaf heillast af menningu þessa
lands. Ég sá auglýsta ferð á heima-
síðu Stúdentaferða og í gegnum
hana rataði ég svo inn á heimasíðu
breskrar ferðaskrifstofu sem heit-
ir Dragoman en þeir sérhæfa sig í
svona ævintýraferðum."
Gamla silkileiðin
Ferðalagið hófst í Kyrgístan en það-
an lá leiðin til Kína yfir fjallaskarð
sem liggur í tæplega 3.700 metra
hæð. I hópnum ásamt Gyðu voru
tuttugu ferðamenn þar af fjórir ís-
lendingar. Tveir bílstjórar sáu svo
um að koma hópnum á milli staða
í stórum fjallatrukk. „I rauninni er
þetta hluti af gömlu silkileiðinni og
eftir að komið var til Kína keyrðum
við í átt að Tíbet meðfram Taklam-
aken-eyðimörkinni“, segir Gyða og
bætir við að ekki hafi alltaf verið
einfalt að komast yfir landamærin
og stundum nauðsynlegt að ferðast
í hóp. „Þú þarft helst að vera í skipu-
lögðum hóp til að komast inn í Tí-
bet. Það þurfa að vera fleiri en fimm
í einu og það gilda strangar reglur
um þetta. Svo þarf einnig sérstök
leyfi frá Kína en ferðaskrifstofan
var búin að ganga frá öllu slíku fyr-
ir ferðina.“ Hópurinn ferðaðist um
Tíbet í tæplega tvær vikur þar sem
tíminn var m.a. nýttur til göngu- og
skoðanaferða en hápunkturinn var
ferð að rótum Everestfjalls. „Við fór-
um og skoðuðum mörg klaustur og
önnur menningarverðmæti. Síðan
gistum við í fjóra daga í höfuðborg-
inni Lhasa sem er alveg einstaklega
áhugaverð borg.“ Að lokum var hald-
ið yfir til Nepal en þaðan lá leiðin
síðan heim.
Að þenja sín eigin mörk
Að sögn Gyðu eru svona ferðir alls
ekki bara fyrir vana göngumenn.
„Flestar gönguferðir voru stuttar og
yfirleitt gengið á tilbúnum göngu-
stígum. Það skrýtnasta var að venj-
ast háfjallaloftinu en það kom smám
saman.“ Gyða segir að fyrir ferðina
hafi ferðaskrifstofan sent henni
tæmandi lista yfir allt sem þurfti að
gera og taka með. Þannig hafi verið
lokað á alla óvissuþætti. Heildar-
kostnaður ferðarinnar var á bilinu
300 til 350 þúsund en Gyða segir að
þeim peningum hafi verið vel eytt.
„Maður var að þenja sin eigin mörk
og kynnast alveg ótrúlegum hlutum.
Þetta var upplifun sem ég mun allt-
af búa að og sjóndeildarhringurinn
hefur víkkað til muna.“ ■