blaðið - 23.11.2005, Page 23
blaðiö MIÐVIKUDAGUR 23. NÓVEMBER 2005
VIÐTAL I 23
ljósi fjölmiðla fjölgar innbrotstilraun-
unum. Það sjáum við á mælingum
hjá okkur. Þetta þýðir að við erum
sífellt á tánum, enda eru örar breyt-
ingar í þessu umhverfi. 1 þessu sam-
hengi er vert að nefna að við erum
eina íslenska fyrirtækið sem er bæði
vottað af alþjóða gæðastaðlinum ISO
9001 og VeriSign, sem er fremsta ör-
yggislausnafyrirtæki veraldar.
En þetta snýst líka um peninga,
hversu miklu menn vilja kosta til
þess að auka öryggið. Aðalatriðið
er að menn ákveði sig í þeim efnum
og hafi skýra stefnu varðandi
öryggismál.”
Erfitt að halda einbeitingunni
Þú nefndir að vöxturinn hefði fyrst
ogfremst verið í einkageiranum og
þið bjóðið altæka þjónustu. Hvernig
gengur að haldafókus?
„Það er miklu flóknara en var áður. 1
gamla daga vorum við einvörðungu
í stórtölvuumhverfinu, en nú erum
við líka i Unix, Linux, Microsoft og
fleiri kerfum. Við höfum fjölgað
þjónustunum verulega, bætt við
ýmsum stöðluðum hugbúnaðar-
lausnum og erum líka í sérsmíði.
Síðan er heilmikil breidd í rekstr-
arþjónustunni, allt frá því að við
sjáum um allt fyrir viðskiptavin-
inn niður í að við séum að vakta
einn netþjón. Þetta þýðir að flækj-
ustigið hefur aukist gífurlega, ekki
síst vegna þess að við viljum veita
víðtæka þjónustu og vera sem næst
viðskiptavininum.
Hluta af þessum vanda reynum
við að leysa með samstarfi við
birgja bæði á hugbúnaðar- og vél-
búnaðarsviðinu. A litlum markaði
eins og hér þurfum við að bjóða
mjög fjölbreytta þjónustu og getum
ekki einbeitt okkur að einum at-
vinnugeira, eins og tíðkast gjarnan
hjá sambærilegum fyrirtækjum
erlendis."
Stærsti kúnninn kærður
Hiðopinberaerykkarhelstiviðskipta-
vinur, en síðan eru helstu fréttirnar
af fyrirtcekinu þær að þið eruð að
kœra opinberar stofnanir fyrir Sam-
keppniseftirlitinu, standið í stappi
vegna útboðsmála og svo framvegis.
Er ekki erfitt að standa í skœrum
við stœrsta viðskiptavininn?
„Já, þetta hljómar kannski svo-
lítið einkennilega, en okkur finnst
þróunin á síðustu árum hafa verið
mjög í þá átt að ríkisvæða. Menn
einkavæddu Skýrr á sínum tíma,
en síðan finnst okkur að ríkisvæð-
ingin hafi vaxið á ný. Hún felst í því
að tölvudeildir opinberra stofnana
eru að vaxa mjög mikið. Hugbúnað-
arverkefni fyrir ríkið eru yfirleitt
boðin út, en rekstur á tölvukerfum
þeirra nánast aldrei.
Þar fyrir utan höfum við mátt
sjá á bak tekjum, sem við höfðum
áður, eins og miðlun upplýsinga
úr Ökutækjaskrá og Fasteignaskrá
varðandi rafræn veðbókarvottorð.
Þessi viðskipti eru nánast horfin frá
okkur, þó Skýrr hafi tekið þátt í að
byggja upp markaðinn fyrir þessar
upplýsingar. Það efast enginn um
að ríkið eigi þessar upplýsingar, en
við teljum að það eigi ekki að dreifa
þeim í samkeppni við fyrirtæki á
markaði."
En ná svona kœrumál að vinda ofan
þróun sem þessarri, þegar hið opin-
bera á í hlut?
„Okkur þótti erfitt að kæra opin-
bera stofnun, vegna þess hvað hið op-
inbera er stór kúnni, en raunar voru
það stjórnmálamenn, sem bentu
okkur á að þetta væri sjálfsagt eina
færa leiðin. Við sjáum ekki eftir því,
enda var úrskurðurinn gagnvart
Ökutækjaskrá okkur afar hagstæður
og tekið undir allar okkar athuga-
semdir. Og ekki nóg með það, því í
úrskurðinum var einnig ábending
til stjórnvalda, sem felst í því að op-
inberir aðilar ættu að draga sig út
úr þeim rekstri, þar sem verið er að
keppa við einkaaðila á þessum mark-
aði. Það var nú kannski það, sem
mér fannst merkilegast í þessum úr-
skurði og að hið opinbera þurfi líka
að lúta samkeppnislögum.
Við vonumst auðvitað til þess
að þessi úrskurður verði til þess
að stjórnvöld láti af þessari stefnu
sinnu og hugsi fremur um að útvista
verkefnum sem þessum.
Það er líka merkilegt, að þegar
stjórnvöld hafa spurt hvað þau geti
gert til þess að skapa betri skilyrði
fyrir upplýsingatæknifyrirtæki,
hefur svarið verið afskaplega einfalt:
Verslið þið við þessi fyrirtæki! Þá
myndu fyrirtækin styrkjast og efl-
ast, þau gætu veitt hagkvæmari þjón-
ustu og eiga þá kannski líka meira er-
indi út í hinn stóra heim. Þetta hafa
gjarnan verið lítil fyrirtæki, sem
hafa vaxið afar hægt, þó það hafi
orðið samþjöppun."
Getum boðið 20% sparnað
En væri hinu opinbera ekki líka akkur
í því að útvista þessi verkefni, bæði
með tilliti til kostnaðar oggæða?
„Auðvitað. Einkafyritækin hafa
áttað sig á því að það er alltof dýrt að
hver sé að reka sína tölvudeild í sinu
horni. Það er ekkert öðru vísi hjá rik-
inu. Við erum með 200 mann fyrir-
tæki og veitir raunar ekki af, en fyrir
vikið getum við boðið alla almenna
tölvuþjónustu mun ódýrar en hver
gæti ræktað í eigin garði. Nú eru auð-
vitað dæmi um stofnanir og fyrirtæki,
sem sinna sérhæfðum verkefnum, sem
kalla á sérhæfð kerfi og þekkingu, sem
aftur kallar á menn hafi þau verkefni
hjá sér, en rekstur á gagnagunnum,
staðarneti, bókhaldi og svo framvegis,
menn hafa ekkert við það að gera hjá
sér frekar en annars staðar.“
Ódýrar segirþú, hversu ódýrar?
Ég fullyrði það að við getum boðið
opinberum aðilum að reka tölvu-
kerfi 20% ódýrar en þeir geta. Nýlega
gerðum við blindandi til fjögurra
ráðuneyta, fjármála-, heilbrigðis-,
dómsmála- og samgönguráðuneyt-
inu tilboð um að reka tölvudeildir
fyrir fjórar stofnanir á þeirra vegum
fyrir 20% minna en þeir. Við bíðum
svo spennt eftir að fá viðbrögð! Við
höfum raunar fengið svar frá Sam-
gönguráðuneytinu, þar sem þeir
þökkuðu okkur fyrir þessa einstöku
hugulsemi um opinberan sparnað,
en að það standi ekki til að breyta
starfssemi Umferðarstofu að þessu
leyti, en ef svo færi yrði það boðið út.
Þetta kom okkur nokkuð á óvart,
því opinber stefna ríkisstjórnarinnar
er sú að ef sýnt er fram á hagkvæmni
þess að tiltekinn rekstur sé hjá einka-
aðilum fremur en opinberum aðilum
ber að líta til þess.“
En það er ekki gert?
„Nei, það er eitthvert tregðulögmál
til staðar þarna. Það kann að vera
metnaður forráðamanna einstakra
stofnana að fjölga starfsmönnum
og hafa umfangsmeiri rekstur, en
í einkageiranum er nú lexían sú að
menn ná auknum árangri vegna
þess að þeir fela sérhæfðum fyrir-
tækjum tiltekna rekstarrþætti, hvort
sem það er á sviði upplýsingatækni
eða ræstinga."
andres.mmagnusson@vbl.is
www.flugger.is