blaðið - 30.11.2005, Qupperneq 15

1
blaðið MIÐVIKUDAGUR 30. NÓVEMBER 2005
Heilbrigðisráðherra,
jólasveinninn og
jólakötturinn
Heilbrigðisráð-
herra hefur
bakkað með að
skerða lífeyri frá
Tryggingastofnun
niður í o ef um
ofgreiðslur hefur
verið að ræða.
o-greiðslu-reglu-
gerðin hefur verið
afturkölluð. Gott
hjá Jóni. Svona er ekki hægt að
hegða sér, að skella á svona reglum
á aldraða og öryrkja með litlum fyr-
irvara. Þessum hópi er bjargað frá
jólakettinum um þessi jól.
Jón fór líka í stellingar jólasveins-
ins nú á aðventunni þegar hann
ákvað í síðustu viku að tæplega
2.000 sjúklingar á stofnunum, sem
einungis hafa vasapeninga fyrir
persónulegum útgjöldum að fjár-
hæð tæpar 22 þúsund kr. á mánuði,
fengju 26 þúsund króna eingreiðsl-
una nú um mánaðamótin. Þessu
fagna ég, en hvet um leið til að vasa-
peningakerfið verði endurskoðað.
Veikir og fátækir
Það kom fram i svari heilbrigðis-
ráðherra til mín sl. miðvikudag að
hann hefði undirritað samkomulag
um að þessi hópur, vasapeninga-
fólkið sem er bæði veikt og fátækast
í samfélaginu, 1.703 aldraðir og 230
öryrkjar, fari ekki í jólaköttinn í ár
heldur fái þær 26 þús. kr. sem lífeyr-
isþegar og launþegar fá 1. desember.
Ég fagna því.
Þetta er hópur sem fær yfirleitt
ekki uppbætur og ekki eingreiðslur.
Hann þarf að láta þessar 21.900 kr.
á mánuði duga fyrir persónulegum
nauðsynjum. Þetta er fólk sem er
svo illa statt fjárhagslega að það á
ekki peninga til að kaupa sér föt til
skiptanna. Ég hef margar staðfest-
ingar fyrir því. Það fær heldur ekki
stuðning frá félagsþjónustu sveit-
arfélaganna. Vasapeningakerfið
er gamaldags kerfi. Við verðum að
breyta því og hafa annan hátt á, sem
okkur er sæmandi, því þetta ölmusu-
kerfi er niðurlægjandi.
Engar jólagjafir
Vasapeningarnir eru tæpar 22.000
kr. á mánuði og þeir skerðast um
65% þeirra tekna sem viðkomandi
hefur yfir 7.000 kr. og falla alveg
niður við 39.000 krónurnar. Þetta
eru auðvitað óviðunandi kjör fyrir
veikt fólk, fólk sem nánast ekkert
getur veitt sér, hvað þá vikið ein-
hverju að sínum nánustu. Það getur
ekki gefið neinar jólagjafir eða bætt
fjárhagsstöðu sína á nokkurn hátt.
Þeir sem fá vasapeninga þurfa
að greiða fyrir ýmsar nauðsynjar,
svo sem snyrtivörur og ýmsa þjón-
ustu, en þó er það mismunandi
eftir hjúkrunarstofnunum hversu
mikið af þeirri þjónustu þeir þurfa
að greiða. En þetta dugar svo sann-
arlega ekki einu sinni fyrir fötum
til skiptanna. Þeir sem eiga rétt á líf-
eyrissjóði missa líka lífeyri sinn við
að fara inn á stofnun en halda eftir
48.000 kr., sem er þó heldur skárra
hlutskipti.
Því miður eru ekki áform uppi
hjá rikisstjórninni um að bæta kjör
þessa hóps samkvæmt svari ráð-
herra á Alþingi, en hann er þó opinn
fyrir því að kanna dönsku leiðina,
þar sem lífeyrisþegar halda lífeyri
sínum en greiða fyrir þjónustuna.
Höfundurer alþingiskona
Ásta
Ragnheiður
Jóhannesdóttir
Vatn fyrir alla
Viðskiptablaðið er
skemmtilegt blað
og á skilið mikla út-
breiðslu.Ekkiendi-
lega vegna þess að
skoðanir blaðsins
séu eftirsóknar-
3 . , uymunuui
verðar. Almennt jónasson,
séð eru þær það .................
ekki. Heldur vegna
hins að á blaðinu eru skemmtilegir
pennar, bæði hinir föstu og einnig
gestapennarnir. Ég gef mér að Birgir
Tjörvi Pétursson sé gestapenni.
Hann skrifar í síðustu útgáfu blaðs-
ins grein, sem ber sömu yfirskrift
og ég gef þessari, „Vatn fyrir alla.“
Grein Birgis Tjörva er um margt
ágæt nema hvað að niðurstöður
hans orka tvímælis.
Birgir Tjörvi skilur ekkert í því að
samtök á borð við BSRB skuli vera
að beita sér í þágu þess að vatn verði
skilgreint sem almannaeign en ekki
sem hver önnur verslunarvara. Ég
velti þvi fyrir mér hvort að Birgir
Tjörvi hafi kynnt sér afleiðingar þess
að einkavæða vatnsveiturnar. Þetta
hefur verið gert víða i þeim löndum
sem standa okkur nærri, Bretlandi,
Frakklandi og viðar. Einnig hefur
vatnið verið einkavætt í rikjum
þriðja heimsins. Nánast alls staðar
hefur þetta verið til ills. Sannast
sagna er ég svolitið undrandi á þvi
að skríbent Viðskiptablaðsins hafi
ekki kynnt sér þessar hliðar máls-
ins. Honum finnst greinilega skipta
mestu að á íslandi sé nóg vatn, hvaða
rellu menn yfirleitt þurfa að gera sér
út af vatni. Min tilfinning er sú að
Birgir Tjörvi vilji vera sanngjarn.
Þess vegna hika ég við að segja að
mér finnist jaðra við að málflutn-
ingur hans sé utan af þekju. Þegar
hann furðar sig á því að BSRB beiti
sér gegn einkavæðingu á vatni þá
vil ég upplýsa hann um að einkavæð-
ing á vatni hefur nánast alls staðar
leitt til hærra verðlags neytenda og
lakari starfskjara þeirra sem sinna
þessari þjónustu. Þeir sem hér eiga
hlut að máli eru félagar í samtökum
á borð við BSRB, sem eru bæði neyt-
endurnir og veitendurnir. Hvers
vegna ætti Birgi Tjörva að finnast
undarlegt að BSRB beiti sér í þágu
þessa fólks? Þegar allt kemur til
alls eru þetta félagar í BSRB. Bar-
áttan um vatnið er þó mikilvægari
en svo að hún tæki aðeins til okkar
hér og nú. Ákvörðun um eignarhald
á vatni skiptir framtíðina líka máli.
Hún skiptir allt samfélagið máli um
alla framtíð. Gæti verið að Viðskipta-
blaðinu og skríbentum þess finnist
aðeins leyfilegt að hafa skoðun og
berjast fyrir sannfæringu sinni ef
maður er að berjast fyrir þröngum
eiginhagsmunum? Það er til marks
um lifandi réttlætiskennd að vilja
varðveita umhverfið og þar með
vatnið sem eign okkar allra. Sú
hugsun að náttúruauðlindum eigi
að ráðstafa í þágu samfélagsins alls
fær góðan hljómgrunn hjá þjóðinni.
Til marks um það er sá breiði stuðn-
ingur sem þessi krafa fær. Þegar
hafa á annan tug stofnana og sam-
taka fylkt sér að baki henni. Það er
mikið ánæguefni. Verst er að rík-
isstjórnin skuli enn berja höfðinu
við steininn og neita að hlusta á
rödd þjóðarinnar í þessu efni. Þau
lagafrumvörp um eignarrétt á vatni,
sem nú liggja fyrir Alþingi, styrkja
eignarrétt einkaaðila og ganga þvert
á þær kröfur sem nú hljóma, ekki
aðeins hér á landi heldur um allan
heim, frá samtökum launafólks og
almannasamtökum, að vatnið skuli
um alla framtíð vera okkar allra.
Höfundur erformaður BSRB.
iSQUEEZ FÓTANUDD
Heilsunudd sem örvar blóðrásina, dregur úr spennu
og streitu, styrkir og fegrar fætur.
Með samvirkandi þrýstings- og titringsnuddi skilar
iSqueez nuddtækið besta árangri sem völ er á (tækjanuddi
Inspiring Life
osim
TAKIÐ
AF YKKUR SKÓNA!
Örvar viðbragðspunkta
orkurása Ifkamans.
Þriggja punkta nudd
samtlmis á kálfa, ökkla
og iljar.
Samvirkandi þrýstings-
og titringsnudd sem
skilar hámarksárangri.
rumcó
Langholtsvegi 111 * 104 Reykjavík ♦ Sími 568 7900 « www.rumco.is
Opið: Virka daga kl. 11-18 og laugardaga kl. 11-14
ilÍJJJJtíí s D JJ í ÉJ ii jJ
HEILSU OG SÆLKERAGRILLIN
Reykjavik: Hagkaup, Expert, Elko, Byko, Byggt Et Búið
Hafnarfjörður: Rafmætti, Fjaröarkaup
Akureyri: Byko, Hagkaup
Selfoss: Árvirkinn, Byko
Stykkishólmur: Heimahomið
Reykjanesbær: Byko
Akranes: Hljómsýn
Vestm.eyjar: Geisli
Siglufjöröur: Gjafakot
Húsavík: Öryggi
ísafjöröur: Þristur
Borgarnes: Samkaup
Egilsstaðir: Sindri KHB
Neskaupsstaöir: Rafalda
Reyðarfjörður: Byko
Fríhöfnin Keflavíkurflugvelli
marco heildverslun
www.marco.is