blaðið - 21.12.2005, Blaðsíða 8

8 I ERLENDAR FRÉTTIR
MIÐVIKUDAGUR 21. DESEMBER 2005 Maöi6
Dæmdur til dauða
fyrir eiturlyfjasmygl
Ástralskur ríkisborgari af viet-
nömskum uppruna hefur verið
dæmdur til dauða fyrir heróínsmygl
í suðurhluta Víetnams. Ekki er langt
síðan annar Ástrali var hengdur í Sin-
gapúr fyrir eiturlyfjasmygl en það
mál olli mikilli ólgu í Ástralíu þar
sem dauðarefsingar voru aflagðar
árið 1985. Hinn seki heitir Tay Ninh
og er 53 ára gamall. Hann var sak-
felldur fyrir að smygla um tveimur
kílóum af heróíni til landsins. Hann
var handtekinn í desember á síðasta
ári við landamærin við Kampútseu
ásamt þremur samverkamönnum
sínum. Samverkamennirnir hlutu
fangelsisdóma allt frá 15 árum til lífs-
tíðar. Útlendingar eru sjaldan teknir
af lífi í Víetnam en óvíða er tekið
jafnhart á málum sem tengjast eit-
urlyfjum og þar. Fjórmenningarnir
fá nú tvær vikur til að ákveða hvort
að dómunum verði áfrýjað til hærra
dómstigs. ■
Palestínumenn mótmæla auknu ofbeldi á heimastjórnarsvæðunum fyrir utan höfuð-
stöövar Mahmoud Abbas, forseta, f gær.
Vopnaðir Palestínumenn gera usla í Betlehem:
Lögðu undir
sig ráðhúsið
Palestínskir byssumenn yfirgáfu
ráðhúsið í Betlehem í gær, skömmu
eftir að þeir höfðu gert áhlaup á
bygginguna. Vitni segja að 20 fé-
lagar í hinum herskáa hópi píslar-
votta A1 Aqsa hafi yfirgefið ráðhúsið
eftir að borgarstjóri Betlehem lofaði
að bregðast við kröfum þeirra um at-
vinnu og laun. Píslarvottar A1 Aqsa
tilheyra Fatah-hreyfingu Mahmoud
Abbas, forseta. Byssumennirnir
hleyptu nokkrum skotum út i loftið
þegar þeir lögðu bygginguna undir
sig en ekki er vitað tilþess að nokkur
hafi særst. Þeir komu sér fyrir viða í
byggingunni og á þaki hennar áður
en samningaviðræður hófust.
Atvikið sem átti sér stað fimm
dögum fyrir jól þykir vera til marks
um aukið stjórnleysi á heimastjórn-
arsvæðum Palestínumanna og
spennu innan Fatah-hreyfingar-
innar i aðdraganda þingkosning-
anna sem fram fara í næsta mánuði.
Palestínumenn mótmæltu aukinni
spennu á heimastjórnarsvæðunum
fyrir utan höfuðstöðvar Mahmoud
Abbas í Gasaborg í kjölfar atviksins
en hann hefur heitið því að taka á
málunum. Mannréttindasamtök
Palestínumanna segja að meira en
200 Palestínumenn hafi látið lífið í
átökum sín á milli á árinu. ■
Amerísk jólatré
netbudir.is
Fallegustu tré í heimi
Margar stærðir
Margar gerðir
Landsins mesta úrvai af jólatrjám
Umhverfisverndarsinnar höfðu sig mikið í frammi fyrir utan fundarstað sjávarútvegsráðherra Evrópusambandsríkja í Brussel í gær.
Dregið úr þorskkvóta
Framkvœmdastjórn Evrópusambandsins leggur til að dregið verði
úr veiðum á þorski á nœsta ári. Ennfremur verður verulega dregið
úr veiðum á djúpsjávarfiski.
Framkvæmdastjórn Evrópusam-
bandsins leggur til að þorskkvóti
verði minnkaður, dregið verði veru-
lega úr kvóta í djúpsjávarfiski en að
síldarkvótinn verði lítillega aukinn.
Sjávarútvegsráðherrar aðildarríkja
Evrópusambandsins reyna nú að
koma sér saman um fiskveiðikvóta
fyrir næsta ár.
Fiskifræðingar mæltu með því í
október að þorskveiðum yrði tíma-
bundið hætt á vissum svæðum en
vegna þrýstings hagsmunaaðila má
telja ólíklegt að fari verði eftir þeim
tilmælum.
Samkvæmt nýjustu skýrslu Al-
þjóðahafrannsóknarráðsins eru
þorskstofnar í Norðursjó, írlands-
hafi og á hafssvæðinu vestur af Skot-
landi langt fyrir neðan þau mörk
sem talin eru æskileg og því lagt til
að engar veiðar verði stundaðar á
þessum svæðum. Ráðið lagði einnig
til að lýsingsveiðum yrði hætt tíma-
bundið við strendur Spánar og
Portúgals.
Framkvæmdastjórn ESB hefur
engu að síður ákveðið að taka ekki
fullt tillit til ráðlegginga vísinda-
manna og mælir með að dregið
verði úr þorskveiðum um 15% og að
veiðidögum verði einnig fækkað.
Blendnar viðtökur
Meira en helmingur þess þorsks sem
veiðist kemur í net sem ætluð voru
til veiða á öðrum fisktegundum og
því leggur Framkvæmdastjórnin
einnig til að dregið verði úr veiðum
á fleiri fisktegundum.
Tillögurnar hafa fengið blendnar
viðtökur hjá sjávarútvegsráðherrum
og stjórnmálamönnum þeirra landa
sem eiga hagsmuna að gæta og hefur
meðal annars Ross Finnie, sjávarút-
vegsráðherra Skotlands, lýst yfir
andstöðu sinni við að veiðidögum
verði fækkað. ■
Almenningssamgöngur
lamaðar í Wew York
Allsherjarverkfall hófst hjá starfs-
fólki almenningssamgangna í New
York í gær eftir að samningavið-
ræður höfðu runnið út í sandinn.
Um sjö milljónir manna nota stræt-
isvagna og neðanjarðarlestir New
York á degi hverjum og urðu því
miklar raskanir á daglegu lífi fólks í
borginni. Verkfallið kemur á versta
tíma enda stendur undirbúningur
jólanna sem hæst um þessar mundir.
Þetta er fyrsta verkfall í samgöngu-
kerfi borgarinnar í aldafjórðung.
Talið er að kostnaður vegna verkfalls-
ins geti numið um 400 milljónum
Bandaríkjadala á degi hverjum.
Neðanjarðarlestastöðvum var
lokað skömmu eftir að verkfallinu
hafði verið lýst yfir og neyðaráætlun
Michael Bloomberg, borgarstjóra,
tók gildi. Áætluninni er meðal ann-
ars ætlað að koma í veg fyrir að um-
ferðaröngþveiti myndist og tryggja
að neyðarbílar komist leiðar sinnar.
Samkvæmt neyðaráætluninni var
til dæmis engum bílum hleypt inn á
stóran hluta Manhattan nema í þeim
væru að minnsta kosti fjórir. Borgar-
búar voru hvattir til að fjölmenna
í bíla, nota reiðhjól eða ganga til
vinnu eða breyta áætlunum slnum
og vinna heima.
Starfsmenn krefjast meðal ann-
ars launahækkunar á næstu þremur
árum og frekari þjálfunar vegna
hættu af hryðjuverkum. ■
Michael Bloomberg, borgarstjóri New York, gengur yfir Brooklynbrúna ásamt fylgdar-
liði sinu.