blaðið - 01.02.2006, Qupperneq 22
22 I ÍPRÓTTIR
MIÐVIKUDAGUR 1. FEBRÚAR 2006 Maöiö
EM í Sviss:
Rússneski björninn lagður í fyrsta sinn
Snorri Steinn fagnar einu af sínum Qórum mörkum gegn Rússum í gær
MorgunblaÖið/Brynjar Gauti
MÍN SKOÐUN
OLAFUR RAFNSSON FORMAÐUR KKI
íþróttarekstur
Islendingar og Rússar mættust í
gær í fyrsta leik 2. milliriðils á Evr-
ópumeistaramótinu í handknattleik
sem nú stendur yfir í Sviss. Fyrir
leikinn í gær hafði ísland ekki
unnið Rússland á stórmóti og oftar
en ekki hafa Rússar unnið okkur
með miklum mun. 1 upphafi leiks
í gær leist manni alls ekki á blik-
una þegar Rússar komust í 1-4 og
tæpar fjórar mínútur voru liðnar af
leiknum. Þá var eins og leikmenn
Islands vöknuðu af værum blundi
og í kjölfarið kom einhver besti leik-
kafli sem lengi hefur sést til íslensks
landsliðs í handbolta. Staðan breytt-
ist úr 1-4 í 10-5 fyrir „strákana okkar“
og á þessum leikkafla sem stóð
yfir í einar 13-14 mínútur var varn-
arleikur Islands frábær og okkar
menn skoruðu hvert markið á fætur
öðru úr hraðaupphlaupum. Ólafur
Stefánsson lék með að nýju og hann
var frábær í þessum fyrri hálfleik,
skoraði 6 mörk. Rússar réðu lítt sem
ekkert við þann mikla hraða sem
einkenndi leik íslenska liðsins og
Island komst í 16-12 þegar skammt
var til loka fyrri hálfleiks. Þá komu
nokkrar slæmar mínútur og Rússar
náðu að minnka muninn í tvö mörk
og staðan var 17-15 í hálfleik fyrir
Island. Upphaf seinni hálfleiks var
svipað og upphaf þess fyrri. Rússar
byrjuðu betur og lengi vel munaði
aðeins einu marki. 21-20, en þá
skoraði ísland fjögur mörk í röð og
skyndilega var fimm marka munur,
25-20 eftir ellefu mínútna leik. Þegar
þrjár mínútur voru til leiksloka var
staðan 33-29 fyrir Island en þá skor-
uðu Rússar þrjú næstu mörk og allt
í einu var eins marks munur, 33-32
og um mínúta var eftir. Spennan
var gríðarleg en Guðjón Valur inn-
siglaði sigur Islands með sínu ellefta
marki í leiknum og 34-32 glæsisigur
Islands á Rússum var í höfn. Þar
með er efsta sæti milliriðils íslend-
inga. Guðjón Valur skoraði 11 mörk,
Ólafur Stefánsson var með 8, Snorri
Steinn Guðjónsson, Róbert Gunnars-
son og Alexander Petterson skoruðu
4 mörk hver, Arnór Atlason skoraði
2 mörk og Vignir Svavarsson 1 mark.
Birkir Ivar Guðmundsson varði 7
skot í marki íslands og Roland Valur
Eradze 1 skot.
I dag verður leikið við Króata og
sigur í þeim leik tryggir Islandi vænt-
anlega réttinn í undanúrslit.
Stórkostlegur varnar-
leikur hjá Islandi
Þorbergur Aðalsteinsson, fyrrum
landsliðsþjálfari íslands, var í mik-
illi sigurvímu þegar Blaðið hafði
samband við hann eftir sigurinn á
Rússum í gær.
„Varnarleikurinn hjá okkar
mönnum var alveg ótrúlega vel út-
færður. Báðir bakverðirnir lágu fram-
arlega, Guðjón Valur og Alexander
og svo voru Sigfús og Arnór fyrir
aftan þá. Þetta var frábær varnar-
leikur og var mjög klókt spilað.
Þetta, fyrst og fremst, skóp þennan
sigur því við fengum mörg hraða-
upphlaup í kjölfarið á frábærum
varnarleik. Ólafur Stefánsson var
með ótrúlegan leik í gær ásamt Guð-
jóni Val. Það voru ekki mörg varin
skot hjá okkar mönnum í markinu
en þeir boltar sem voru varðir komu
á þýðingarmiklum augnablikum.
Yfir heildina má segja að liðið glansi
af sjálfstrausti", sagði Þorbergur. En
hvað segir hann um leikinn í dag
gegn Króötum?
„Leikurinn í dag gæti hugsanlega
tryggt okkur í undanúrslit, þ.e.a.s.
ef við vinnum Króata i dag. Ég held
að Króatar séu sterkari en Rússar
þrátt fyrir að Rússar hafi unnið þá í
riðlinum. Rússar gerðu óvenju mörg
mistök í leiknum gegn okkur og ég
held að leikurinn í dag verði mun
erfiðari en gegn Rússum. Króatar
eru sennilega með sterkara sóknar-
lið en Rússar og þeir spila væntan-
lega 3-2-1 vörn og ef allt er eðlilegt,
þá verður Ólafur tekinn úr umferð.
Hann er það þýðingarmikill í leik
Islands. Við eigum margar lausnir
ef Ólafur verður tekinn úr umferð í
dag, eins og t.d. gæti opnast meira
fyrir Guðjóni Val og auðveldara yrði
með línuspil. Þetta gæti gert okkur
dálítið erfitt fyrir en ég er bjartsýnn.
Ég segi að við vinnum þennan leik
í dag 31-28 og þar með tryggjum
við okkur farseðilinn í undanúr-
slit“, sagði Þorbergur Aðalsteinsson
fyrrum landsliðsþjálfari íslands í
samtali við Blaðið í gær.
Isíðustu pistlum hef ég gert ýmis
viðskiptatengd sjónarmið innan
íþrótta að umfjöllunarefni,
þ.m.t. ofurlaun og hagnaðarsjónar-
mið tiltekinna eininga íþróttasam-
félagsins, og lýst áhyggjum mínum
af því að jafnvægi grasrótar- og
uppbyggingarstarfs við afreksstarf
kunni að vera ógnað.
Stundum heyrast raddir á þá lund
að „reka beri íþróttahreyfinguna
á Islandi eins og hvert annað fyrir-
tæki“ og vinna þurfi að „markaðs-
setningu" o.s.frv. Þetta eru í sjálfu
sér góð og gild sjónarmið, og eflaust
vel meint - en þó má aldrei gleymast
að íþróttahreyfingin lýtur í eðli sínu
ekki öllum sömu lögmálum og fyrir-
tæki á viðskiptamarkaði sem þessi
samlíking visar til.
Hvort sem mönnum líkar betur
eða verr þá er íslensk íþróttahreyf-
ing félagasamtök en ekki fyrirtæki.
Endurspeglast það e.t.v. best í þeirri
staðreynd að markmið eru íþrótta-
legur árangur framar fjárhagslegri
aflcomu. E.t.v. væri auðvelt að ná
fram betri fjárhagsmarkmiðum s.s.
með því að takmarka þá þætti starf-
seminnar sem skila minnstum fjár-
hagslegum ávinningi. Kaldur raun-
veruleikinn myndi þannig í mörgum
tilvikum fela í sér niðurskurð á ung-
linga- og kvennastarfi íþróttahreyf-
ingarinnar. Ég hygg að allir séu sam-
mála um að slíkt myndi vinna gegn
meginmarkmiðum íþrótta.
Fyrirtæki á almennum markaði
myndi varla sætta sig við að vera
best eða stærst ef því fylgdi ekki
samsvarandi fjárhagslegur ávinn-
ingur - með sama hætti og flestir
afreksíþróttamenn myndu á hinn
bóginn ekki sætta sig við neðsta
sæti í árangri þótt því kynni að
fylgja einhver fjárhagslegur ávinn-
ingur eða sparnaður. Fjármunir eru
fyrir íþróttahreyfinguna tæki til
að ná árangri, en sigur fyrirtækis á
markaði felst í auknum arði. Þarna
er vissulega munur á.
[þróttir eru markaðsvara
Varðandi „markaðs-setningu“
íþrótta og samanburð við viðskipta-
lífið að því leyti, er rétt að hafa í
huga að markaðssetning fyrirtækja
felst í flestum tilvikum í því að ráð-
stafa tilteknum fjármunum til sölu á
afurðum eða þjónustu fyrirtækisins.
Markaðssetning íþrótta á það e.t.v.
sammerkt með slíku að aukin ásýnd
greinarinnar eða umfjöllun t.d. í
fjölmiðlum er fremur ætlað að laða
að fleiri og betri iðkendur og áhorf-
endur - en allt með það langtíma-
markmið að ná betri íþróttalegum
árangri. Félagslegum árangri.
Iþróttahreyfingin hefur ekki
varið stórum hluta fjármuna sinna
til kostunar auglýsinga - fremur
hefur verið viðtekin venja að afreks-
hluti íþróttahreyfingarinnar sé aug-
lýsingamiðill í sjálfu sér. Frá hvoru
tveggja eru þó undantekningar.
Raunar er iþróttahreyfingin
meira og minna í heild sinni að
þróa og markaðssetja „vöru“ sína á
hverjum einasta degi allt árið um
kring. Æfingar leikmanna, skipu-
lagning keppni og móthalds, dóm-
ara- og þjálfarafræðsla, foreldrasam-
starf og aðrir slíkir þættir fela i sér
umfangsmikla og viðvarandi mark-
aðssetningu. Það að bjóða upp á
betri „vöru“ í dag en í gær með betri
leikmönnum og þróaðri umgjörð
- útbúa leikskrár, hengja upp auglýs-
ingaspjöld og senda út boðsmiða -
er i senn gríðarlega öflug vöruþróun
og markaðssetning.
Það sem aðgreinir þetta starf frá
“markaðssetningu” viðskiptalífsins
er á hinn bóginn sú staðreynd að
þetta er meira og minna allt unnið
í sjálfboðavinnu - aukastörfum
eftir að daglaunahlutverki ósérhlíf-
inna sjálfboðaliða lýkur í atvinnu-
lifinu. Afraksturinn er ekki arður
af hlutafé heldur langtimaágóði í
formi betra mannlífs og efnilegri
æsku. Menn geta svo endalaust velt
fyrir sér hvort sé mikilvægara.
Það er nauðsynlegt fyrir þá sem
starfa innan íþróttahreyfingarinnar
að vera meðvitaðir um þann veru-
leika sem við störfum í. Ég mun í
næsta pistli reyna að gera grein fyrir
ólikum sjónarmiðum úti í hinum
stóra heimi.
Bílageymsla, FIRÐI Hafnarfirði
Pöntunarsími: 555 3766