blaðið - 27.04.2006, Side 34
34 I ÝMISLEGT
FIMMTUDAGOR 27. APRÍL 2006 blaöiö
Dýrmœt og styrkjandi auðlind
Það er nauðsynlegt aðfá góðan nœtursvefn en það er margt sem getur haft áhrifá svefninn.
Svefn er dýrmætur og styrkjandi
auðlind sem er nauðsynlegur hluti
góðrar heilsu og almenns heilbrigðis.
Á stundum getur verið erfitt að fá
nægan svefn, sérstaklega fyrir þá
sem eiga annríkt og upplifa mikla
streitu í lífi sínu. Það er talað um að
best sé að ná um 7-8 tíma svefni á
nóttu, minni eða meiri svefn en það
er óhollur. Hér eru nokkrar góðar
kvöldvenjur til að ýta undir góðan
og árangursríkan nætursvefn.
Hreyfðu þig
Hreyfing vinnur
á stressi auk þess
að hafa góð áhrif á
heilsu. Mörg okkar
hafa einungis tíma
xtil að hreyfa okkur
á kvöldin og því
er best að hafa æfinguna þægilega
og létta. Nokkrar jógaæfingar eða
gönguferð að kvöldi til ýtir undir
þreytu og losar um streitu án þess
að líkaminn finni fyrir miklu álagi.
Hlustaðu á tónlist
.A Tónlist getur róað
huga þinn og lík-
W m f amaááhrifaríkan
^ hátt, sumir ganga
A m meira að segja
svo langt að nota
tónlist sem með-
ferðartæki. Hægt er að nýta tónlist
sem slökun fyrir svefn, með róandi
tónum. Einnig má spila afslappandi
tónlist allt kvöldið og þar með gera
hugann og líkamann tilbúinn undir
hvíid.
Taktu til
Drasl á heimil-
inu getur aukið
stress og van-
líðan. Með því
að þrífa og taka
tilílokdagskem-
urðu í veg fyrir
aukið álag auk
þess sem það að
vakna í hreinu
húsi gerir hvíld-
ina skemmtilegri. Varastu þó að
þrífa mjög seint á kvöldin því þá
getur verið enn erfiðara að sofna.
Dagbók
Það er fullkom-
inn endir á deg-
inum að skrifa
hugleiðingar
sínar í dagbók.
Að skrifa í dag-
bók hreinsar hugann, auðveldar
vinnslu tilfinninga, leysir vandamál
og auðveldar þér að undirbúa morg-
undaginn. Dagbókarskrif eru því á
allan hátt góð fyrir sál og líkama.
Freyðibað
Það er unaðslegt að liggja í heitu
freyðibaði eftir vinnu og streitan
hverfur eins og dögg fyrir sólu. Hug-
urinn fær einnig langþráða hvíld
og líkaminn er því tilbúinn undir
langan og góðan svefn.
Hugleiðsla
Hugleiðsla er oftsinnis notuð til
að aflétta stressi í líkama og huga.
Það hentar frábærlega að stunda
hugleiðslu rétt fyrir svefninn. Hún
slakar á líkamanum, hreinsar hug-
ann og skapar innri frið.
Kynlíf
Fyrir þá sem eru í föstu sambandi
getur kynlíf verið gott til að losa lík-
amann við streitu dagsins. Heilbrigt
kynlíf styrkir ekki einungis sam-
bandið heldur er það afslappandi
og losar um ýmis góð efni sem ýta
undir vellíðan.
Þrátt fyrir að
margir kjósi
að slaka á
fyrir framan
sjónvarpið
Rólegir leikir
á kvöldin er heilmikið áreiti fólgið
í því. Því ekki að taka upp gömlu
borðspilin eða leika sér í rólegum
leikjum í tölvunni. Það getur verið
góð leið til að róa sig niður og skipta
um gír án þess að vera það spenn-
andi að það svipti þig svefni. Margir
leikir geta auk þess aukið hugarleik-
fimi sem eykur þreytuna.
Nudd
Það er fátt sem losar streitu eins vel
og nudd auk þess sem það er ein-
staklega gott. Ef einhver heima við
vill nota þig skaltu hiklaust nýta
það. Nudd fyrir háttinn losar streitu,
eykur slökun og gerir svefninn
auðveldari.
Forðist þetta
Sumar athafnir geta verið örvandi
á kvöldin sem gerir það erfiðara að
sofna. Til að fá góðan nætursvefn er
best að forðast kaffi, deilur eða álags-
hvetjandi samræður eða eitthvað
annað sem getur reynst of örvandi.
Til að mynda geta sumir sjónvarps-
þættir eða bókhaldsmál haft örv-
andi áhrif á þig. Allir er misjafnir og
því er gott að fylgjast með hvaða at-
hafnir hafa slæm áhrif á svefnvenjur
þínar.
svanhvit@bladid.net
Nota Netið fyrír
ákvarðanatöku
Bandaríkjamenn treysta sífellt
meir á Netið til að aðstoða sig
við stórar ákvarðanir í lífi sínu
samkvæmt nýlegri könnun. Um
45% bandarískra netnotenda, 60
milljónir manns, segjast leita sér
hjálpar á Netinu við að taka stórar
ákvarðanir í lífi sínu eða til að
komast í gegnum áföll í lífi sínu.
Mikil ijölgun
Aðrar rannsóknir staðfesta að
Netið sé sífellt að verða vinsælla.
Á venjulegum degi í lok árs 2005
var 44% fullorðinna Bandaríkja-
manna á Netinu, samanborið við
36% í janúar 2002. Þeir sem sögðu
að Netið aðstoðaði þá í alvarlegum
veikindum fjölgaði um 54% frá ár-
inu 2002-2005. Þeir sem treystu
á Netið til að taka stórar fjárhags-
legar ákvarðanir fjölgaði um 45%.
Það mátti sjá svipaða fjölgun hjá
þeim sem notuðu Netið til að velja
sér skóla eða kaupa sér heimili. Át-
hygli vakti að á meðan 15% fólks
sagðist stundum finna of mikið
magn upplýsinga á Netinu, sagð-
ist 71% finna þær upplýsingar sem
Margir nota Netið sér til aðstoðar við
að taka arfiðar ákvarðanir
þau þyrftu og 11% vildi frekari
upplýsingar.
Draumastarfíð er þitt!
Það þekkja það flestir að leiðin að
draumastarfinu getur verið grýtt
á köflum. Sumir fá aldrei drauma-
starfið á meðan aðrir halda áfram
að reyna allt þar til það er komið
upp í hendurnar á þeim. Hér eru
nokkur góð ráð í leit þinni að
draumavinnunni.
IÞegar þú ferð í viðtalið skaltu
. klæðast fötum í hlutlausum
litum. Rannsóknir sýna að yfir-
mönnum líst betur á umsækjendur
sem klæðast bláum og gráum
fötum.
2Gættu að orðrómi þínum og
• málfari. Fæstir yfirmenn vilja
ráða starfsmenn sem hljóma eins og
óöruggir unglingar þegar þeir talar.
3Leggðu eitthvað til málanna á
. fyrstu starfsmannafundinum.
Starfsmenn sem leggja eitthvað til
málanna á starfsmannafundum
komast hraðar áfram í fyrirtæk-
inu enda virka þeir áhugasamir og
fróðir.
4Ekki biðjast afsökunar í sífellu.
• Sumir eiga það til að biðjast af-
sökunar þó þeir hafi ekki gert neitt
rangt.
Þegar þú ferð í viðtalið skaltu klæðast fötum í hlutlausum litum.
5Mundu að skilja einkalífið og til-
. finningarnar eftir heima. Sama
hvað gengur á í lífi þínu skaltu forð-
ast það að reiðast eða bresta í grát í
vinnunni. Ef tilfinningarnar bera
þig ofurliði skaltu reyna að láta lítið
á því bera.
ÓEnginn er ómissandi, ekki einu
. sinni þú. Ekki nálgast vinnuna
og samstarfsfélagana líkt og þú sért
ómissandi. Maður kemur í manns
stað, þótt það muni jafnvel kosta fyr-
irtækið tíma og fé.
7Taktu hressilega í hönd annarra.
> Sterkt og þétt handaband gefur
til kynna að þú sért sjálfsörugg á
meðan veiklulegt handaband gefur
til kynna að þú sért taugaóstyrk og
áhugalítil.
8Hættu að nöldra. Það er um
• að gera að kvarta yfir því sem
miður fer á vinnustað en bjóddu
fram lausn vandamálsins líka.