blaðið - 20.06.2007, Blaðsíða 15
blaðið
MIÐVIKUDAGUR 20. JÚNÍ 2007 2?
kolbrun@bladid.net
Afmælisborn dagsms
ULUAN HELLMAN LEIKSKÁLD, 1905
ERROL FLYNN LEIKARI, 1909
Frumleg og kröftug
markaðssetning
öfuðborgarstofa fékk
nýlega sérstaka viður-
kenningu á ársþingi
samtakanna Europe-
an City Marketing í
Aþenu fyrir gott markaðsstarf og
kynningu á Reykjavík. Svanhildur
Konráðsdóttir, sviðsstjóri Menn-
ingar- og ferðamálasviðs, tók við
verðlaununum í Aþenu fyrir hönd
Höfuðborgarstofu.
„Verðlaunin skipta mjög miklu
máli, eru mikil hvatning og viður-
kenning fyrir starfsfólk Höfuðborg-
arstofu sem hefur unnið hörðum
höndum að markaðssetningu og
kynningu á Reykjavík. Þau skipta
líka máli í samstarfinu við kolleg-
ana á þessum vettvangi en þar eru
130 Evrópuborgir. Mér þótti afar
vænt um viðbrögð forsvarsmanna
hinna borganna sem áttu fulltrúa í
Aþenu en þau voru undantekningar-
laust mjög góð og sýna að lykilfólk í
ferðaþjónustu í Evrópu hefur tekið
eftir því sem við erum að gera,“ seg-
ir Svanhildur.
Svanhildur Konraðsdóttir „Tækifærin
til aö efla Reykjavík sem áfangastað og
menningarborg eru því óþrjótandi og
bíða aðeins eftir því að við grípum þau.
Blómlegt mannlíf og
spennandi menning
Höfuðborgarstofa tók formlega
til starfa um áramótin 2002 - 2003
og spratt upp úr þeim jarðvegi sem
til varð á menningarborgarárinu
2000. „Þá var í fyrsta skipti farið að
kynna Reykjavík og markaðssetja
hana í samhengi við menningu.
Fram að þeim tíma var Reykjavík
meira eins og áfangastaður er-
lendra ferðamanna á leiðinni eitt-
hvað annað. Þeir létu sig hafa það
að stoppa í Reykjavík á leiðinni
upp á fjöll og firnindi. Með menn-
ingarborgarverkefninu var hins
vegar farið að horfa á Reykjavík
sem áfangastað í sjálfu sér og sér-
staklega sem menningarborg sem
hefði upp á áhugaverða upplifun
og menningu að bjóða,“ segir Svan-
hildur. „Síðustu fjögur árin höfum
við hjá Höfuðborgarstofu verið að
koma þessum skilaboðum á fram-
færi undir yfirskriftinni: Pure
Energy. Pure Energy stendur fyr-
ir hreina orku og náttúru en ekki
síður fyrir sköpunarkraft, ákveðið
frumkvæði, frumkvöðlahugsun
og gerjun sem einkennir menning-
arlífið á íslandi. Við höfum verið
með fjölbreytta útgáfu, höldum
úti öflugu vefsvæði og höfum tek-
ið þátt í að stofna sjóði sem styrkja
íslenska listamenn til að koma sér
á framfæri erlendis. Með slíkum
áherslum á skapandi markaðssetn-
ingu fæðast þau skilaboð að hér sé
blómlegt mannlíf og spennandi
menning.“
Hörð samkeppni
Svanhildur segir starfsemi Höf-
uðborgarstofu vera í stöðugri þró-
un. „Maður markaðssetur ekki
eða kynnir starfsemi í eitt skipti
fyrir öll,“ segir hún. „Við erum í
mjög harðri samkeppni, ekki við
aðra staði á íslandi heldur við aðr-
ar borgir í Evrópu. Meðan hörð
samkeppni er í gangi og markaðs-
skrifstofur samkeppnisborganna
eru stöðugt að þróa nýjar leiðir og
efla sína miðla þá er ekki um neitt
annað að ræða fyrir okkur, ef við
ætlum að halda okkar stöðu, en að
vera á tánum og reyna alltaf að ýta
okkur aðeins framar. Vörumerkið
Pure Energy er í mínum huga eins
og lifandi vera sem þarf að hugsa
vel um. Gott vörumerki borgar
þarf líka að endurspeglast í öllum
þáttum - ekki aðeins á glanspapp-
ír bæklinganna. í þessu sambandi
höfum við þróað skemmtilega
viðburði og borgarhátíðir, erum í
samstarfi við ýmsa lykilaðila sem
tengjast vistvænni orku og virkj-
um skapandi fólk úr öllum áttum
til þess að vinna með okkur að út-
breiðslu fagnaðarerindisins.
Reykjavíkurborg leggur nú vax-
andi áherslu á alþjóðleg samskipti
af ýmsu tagi og því fylgja verulega
mörg og dýrmæt tækifæri. Ég er til
dæmis nýkomin frá Frankfurt þar
sem borgarstjóri opnaði mánaðar-
langa menningarhátíð sem að hluta
er tileinkuð Reykjavík. Af þessu
tilefni voru birt viðtöl við hann í
þýskum fjölmiðlum og umfjöllun
um Reykjavík sjaldan verið meiri
á þeim markaði. Tækifærin til að
efla Reykjavík sem áfangastað og
menningarborg eru því óþrjótandi
og bíða aðeins eftir því að við gríp-
um þau.“
Verðlaunaathöfn á
íþróttaleikvangi
Svanhildur segir verðlaunaat-
höfnina í Aþenu hafa verið sérlega
ánægjulega. „Þetta var óskaplega
skemmtilegt, sérstaklega af því ég
bjóst ekki við neinu. Við vorum
tilnefnd ásamt fjórum öðrum borg-
um og sumar af þeim eru algjörar
kanónur með tugi starfsmanna og
gríðarlega peninga. Ég hugsaði með
mér að það væri alveg af og frá að
við fengjum verðlaun en það væri
gaman að fá tilnefningu. Það kom
því mjög á óvart þegar formaður
dómnefndar tilkynnti að nefndin
gæti ekki látið hjá líða að veita sér-
staka viðurkenningu fyrir frumlega
og kröftuga markaðssetningu sem
þau töldu hafa náð miklu lengra en
búast mætti við í ljósi smæðar Höf-
uðborgarstofu og ungs aldurs. Verð-
launaathöfnin fór fram á íþrótta-
leikvangi þar sem 200 manns voru
í hátíðarkvöldverði undir beru lofti
og sviðið var eins og rokktónleika-
svið. Þetta var alveg frábært. Ég
gæti hugsað mér að gera þetta á
hverju ári!“
Viktona tekur
við ríkinu
Á þessum degi árið 1837 tók Vikt-
oría drottning við bresku krúnunni
eftir dauða frænda síns Vilhjálms
IV. Viktoría var einungis 18 ára
gömul en ríkti í 63 ár, sem er lengsti
valdatími í sögu breska konung-
dæmisins.
Árið 1840 gekk Viktoría að eiga
frænda sinn, hinn þýska Albert
prins. Þau eignuðust níu börn og
hjónabandið var afar ástríkt. Albert
lést árið 1861 og eftir dauða hans dró
Viktoría sig í hlé frá opinberum skyld-
um. Hún var harðlega gagnrýnd fyr-
ir þetta og mjög dró úr vinsældum
hennar. Eftir því sem árin liðu kom
hún þó æ oftar fram opinberlega og
tókst að endurheimta fyrri vinsældir.
Þótt Viktoría hefði ekki pólitísk völd
átti hún mikil samskipti við forsætis-
ráðherra sína og gerði rækilega upp á
milli þeirra. Þegar hún lést árið 1901
var hún orðin tákn fyrir gott siðferði
og skyldurækni.
Sumarhefti
Þjóömála
Sumarhefti tímaritsins Þjóðmála
er komið út. Útgáfa Þjóðmála
hófst haustið 2005 og kemur
ritið út fjórum sinnum á ári
— vetur, sumar, vor og haust.
Meðal efnis er hinnMÁi
úttekt á öllum PJUtlWIAL
embættisveit-
ingum Björns
Bjarnasonar á
ellefu ára ráð-
herraferli þar
sem komist er
að þeirri niður-
stöðu að ekkert
sé hæft í fullyrðingum í frægri
blaðauglýsingu að embættisveit-
ingar Björns hafi verið umdeildar
og gagnrýniverðar. Eiður Guðna-
son segir ýtarlega frá upphafs-
árum sjónvarpsfrétta í tilefni af
staðhæfingum Ólafs Ragnars
Grímssonar um að fréttamenn
sjónvarps hafi í upphafi verið
mjög hallir undir valdhafa. Vísar
Eiður þessum ásökunum á bug.
Undir yfirskriftinni „Hvað á nýja
ríkisstjórnin að gera?“ skýra sex
einstaklingar, Hannes Hólm-
steinn Gissurarson, Heiðrún Lind
Marteinsdóttir, (var Páll Jónsson,
Ragnhildur Kolka og Sigrfður
Á. Andersen, frá því hvað þeim
finnst að ríkisstjómin eigi að
hafa að leiðarljósi. Óli Bjöm
Kárason veltir fyrir sér stöðu
Ingibjargar Sólrúnar Gísladóttur í
Ijósi úrslita alþingiskosninganna.
Þá fjallar Björn Bjarnason ýtar-
lega um úrslit kosninganna og
stjórnarmyndun.
Margt fleira fróðlegt er að finna í
tímaritinu.
Mann(erföa)-
fræði Gísla
Út er komin þókin Lífsmark:
Mann(erfða)fræði eftir Gísla
Pálsson prófessor í íslenskri
þýðingu Árna Óskarssonar
Framfarir á
sviði erfðafræði
hafa stóraukið
skilning á
mannslík-
amanum,
heilbrigði og
sjúkdómum.
Mannfræðingar
halda því fram
að þessar fram-
farir hafi umtalsverða félagslega
og menningarlega þýðingu
þar sem þær feli í sér róttækar
breytingar á sjálfsskilningi fólks.
Höfundur Lífsmarks sýnir fram
á að mannfræðin varpar nýju
og forvitnilegu Ijósi á mann-
erfðafræði og líftæknina sem
á henni er reist. Leidd eru rök
að því að til að átta sig á þeim
líffélagslegu umskiptum sem
eiga sér stað um þessar mundir -
og til að skilja flókið samspil
erfða, lífveru og umhverfis sé
nauðsynlegt að segja skilið við
tvíhyggju náttúru og samfélags
og setja spurningarmerki við
erfðahyggju og hugmyndir um
einangraða stofna.
Á stöku stað
Út er komin hjá Bjarti Ijóðabókin
Á stöku stað - með einnota
myndavél eftirÁrna Ibsen. Árni
fékk heilablóð-
fall fyrir tveimur
árum og hefur
verið alvarlega
veikur síðan.
Ljóðin skrifar
hann eftir að
hann áttar sig
á að hann muni
ekki ferðast
framar og
dregur upp Ijóslifandi myndir af
nálægum og fjarlægum stöðum.