blaðið - 29.06.2007, Qupperneq 22

22
FOSTUDAGUR 29. JUNi 2007
blaóiö
LÍFSSTÍLLBÍLAR
bilar@bladid.net
Ef einhver telur sig vera ofboðslega
góðan ökumann getur hann komið og
keppt við mig. Ef hann vinnur mig má
hann eiga rallýbílinn minn.
Nýr Defender á Selfossi
I tilefni eins árs starfsafmælis
B&L Selfoss verður blásið til
afmælishátíðar þar á bæ á
morgun, laugardag. Meðal
annars verður þar íslandsfrum-
sýning á splunkunýjum Land
Rover Defender en það mun
heyra til undantekninga að
umboðin frumsýni bíla utan
höfuðborgarinnar.
Meðal nýjunga í þessari
útgáfu Defender eru nýtt mæla-
borð, fjarstýrðar samlæsingar
og ný sæti. Nú heyra hliðar-
bekkirnir í skottinu sögunni til
og þeirra í stað eru komin tvö
uppreisanleg sæti.
Meðal annarra bíla sem verða
til sýnis má nefna BMW Z4 og
X5, auk fleiri Land Rover-bíla.
Volkswagen fær
umhverfisviðurkenningu
Fyrst bílaframleiðslufyr-
irtækja í heiminum hefur
Volkswagen uppfyllt kröfur
Evrópusambandsins um 85%
endurvinnanleika. Dr. Ulrich
Hackenbert, í framkvæmda-
stjórn VW, tók nýlega við
tveimur viðurkenningum vegna
þessa áfanga.
Síðan 1999 hefur Volkswagen
unnið að því að þróa endur-
vinnsluferli fyrir bíla sína og nú
er svo komið að allir bílar eru end-
urnýtanlegir að 85% hið minnsta,
eða yfir 95% af eigin þyngd.
Fyrir utan vistfræðilegt
gildi ferlisins felst einnig
efnahagslegur ávinn-
ingur í endurnýtingu
hráefnisins.
STUTT
• Bensínverð Síðustu tvær vikur
hefur meðalverð á bensíni í Banda-
ríkjunum lækkað úr 3,18 dölum
niður í 3 dali slétta fyrir gallonið.
Verðið rokkar þó frá 2,75 og upp í
3,39 dali, eða jafngildi 45,8 - 56,5
króna fyrir lítrann, um 40 prósent
af verðinu hérlendis.
• Tvinnbílar Alan Mulally, for-
stjóri Ford, sagði síðastliðinn
þriðjudag að hann ætti von á að
tvinnbílar skipuðu stóran sess í
bílaflota framtíðarinnar. „Ekki
bara bensín-rafmagnstvinn-
bílar, heldur líka dísil-rafmagns-
og jafnvel bensin-rafmagns-vetn-
isbílar," sagði Mulally.
• Innköllun DaimlerChrysler til-
kynnti í vikunni innköllun á 1650
Smart ForTwo MKII bílum vegna
bilana í stýrisbúnaði. Gert verður
við búnaðinn og bílunum skilað
aftur, eigendum að kostnaðar-
lausu. Engin slys eða óhöpp hafa
orðið vegna bilananna.

Vantar úrræoi Daníel segir
nauðsynlegt að bjóða hraðafíklum
að fá útrás I öruggu umhverfi.
Myní/>orgcrður Gunnarsdóttir
íslandsmeistarinn í rallý um hraðakstur og forvamir gegn honum
Sjálfsblekking að telja
sig ráða við hraðann
Daníel Sigurðarson,
íslandsmeistari í rallý
2006 og stigahæstur öku-
manna á yfirstandandi
tímabili, hefur sterkar
skoðanir á hraðakstri.
Eftir Einar Elí Magnússon
elnareli@bladid.net
„Það er ekkert annað en sjálfs-
blekking að halda að maður ráði við
það að keyra bíl á ofsahraða. Það
verður enginn svo klár ökumaður
á einni nóttu og ungt fólk fær ekki
tækifæri til að ná sér í nema mjög
takmarkaða reynslu áður en það fer
út í umferðina," segir Daníel.
„Það er ekki hægt að þurrka út
þessa spennufíkn, einhvers staðar
verður hún að fá útrás. í dag hafa
spennufíklarnir engan stað til
fara á og losa um þessa spennu.
Það er ekki hægt að fyrirbyggja
hraðakstur algjörlega með boðum,
bönnum, reglum, sektum og hraða-
hindrunum - það ætti öllum að
vera orðið ljóst.
Mín tillaga hefur alltaf verið að
fara að erlendum fyrirmyndum og
útbúa braut sem hægt er að keyra á
undir eftirliti og í eins öruggu um-
hverfi og hægt er. Á svona brautum
eru engar óvæntar uppákomur þar
sem saklausir vegfarendur eru
ekki á ferðinni, engir ljósastaurar
eða aðrir hlutir sem valda yfirleitt
mestum skaða ef ökumenn missa
stjórn á ökutækinu. Fífldirfskan
sem er í gangi í dag hjá mörgum bíl-
eigendum er þvílík að ég veit ekki
hvernig er hægt að koma í veg fyrir
þetta öðruvísi, fólk hættir þessu ekk-
ert upp úr þurru. Hvort sem þú ert
tvítugur eða fertugur þá er þetta
bara tilhneigingin, sama hvort þú
ert á 50 eða 500 hestafla bíl.“
Ráða ekki við aðstæður
Daníel hefur undanfarið talað í
forvarnarskyni við unga ökumenn
og grunnskólanema um hraðakstur
og segir mjög algengt að hann sé
spurður hvert ökumenn eigi að fara
til að stunda hraðakstur, ef ekki á
götuna.
„Menn eru líka harðir á því að þeir
séu „bara að spyrna beint“, eins og
það sé eitthvað öruggara. Það sem
veldur flestum slysunum er hraðinn
sem menn eru komnir á þegar eitt-
hvað utanaðkomandi truflar og þá
gerast slæmu hlutirnir á andartaki
vegna kunnáttuleysis í viðbrögðum;
það gengur köttur eða manneskja
út á veginn eða það svínar einhver í
veg fyrir þá. Sagt er að 70 prósent al-
varlegra mótorhjólaslysa verði þegar
annað ökutæki keyrir í veg fyrir
hjólið - sennilega oft eftir að hafa
vanmetið hraðaþess. Hinn almenni
reynslulitli ökumaður hefur yfirleitt
hvorki viðbragðshraða né þekkingu
á ökutækinu til að bregðast við svona
löguðu og engan stað til að fara á til
að fá útrás og öðlast meiri færni.
OFSAAKSTUR
Alvarleg umferðarslys
eru algengust í júlf og
ágúst
Af 28 banaslysum í fyrra
voru 11 tengd ofsaakstri
en 8 ölvunarakstri
; Umferðarslysum fjölgar
um u.þ.b. 40% frá síð-
asta ári
Núverandi forvarnarstarf skilar
ekki tilætluðum árangri; að útrýma
hraðakstri. Það þarf að beisla og
stýra þessum hvötum og kenna fólki
að bera virðingu fyrir öryggi sínu,
ökutækjum og náunganum en þetta
eru raunar aðalatriði reglna um
akstursíþróttir. Ráðamenn verða
að átta sig á því að flesta langar
aðeins að kitla pinnann, og flestir
gera það líka við aðstæður sem þeir
„telja“ vera öruggar, en eru samt í al-
mennri umferð. Ég er þess fullviss
að aksturssvæði fyrir ökunema og
áhugamenn um akstursleikni og
hraða mun draga úr þessari hegðun
í almennri umferð. En þó að akstur-
svæði fyrir almenning muni aldrei
útrýma alveg hraðakstri á götunum
þá er það staðföst trú mín að svæðið
myndi draga úr hraðakstrinum og
bjarga þannig jafnvel mannslífum."
Spurning um reynslu
Daníel segir gríðarlega mikinn
mun á hraðakstri á götum og hrað-
akstri í til dæmis rallý. „Munurinn
er allur. Við erum á lokaðri braut,
í fullum öryggisbúnaði, með velti-
búr, hjálm, slökkvikerfi í bílnum
og þurfum að fylgja þeim öryggis-
stöðlum sem gilda í öllum aksturs-
íþróttum. Rétt áður en ég legg af
stað inn á sérleiðir eru öll öryggisat-
riði yfirfarin í bílnum. Svo er þetta
bara spurning um æfingu og reynslu
- enda fæðist enginn fullkominn
ökumaður. Ég teldi það fyrsta
flokks forvörn að halda til dæmis
reglulega námskeið fyrir krakka frá
14 ára aldri að bílprófsaldri þar sem
þau verða að leysa akstursþrautir í
braut. Fyrst á körtum og svo smám
saman á stærri tækjum. Þegar bíl-
prófi væri lokið gæti þetta unga fólk
haldið áfram að koma á brautir og
ná úr sér spennunni, að því gefnu að
þau væru ekki komin með punkta
í ökuferilsskrá. Ég held að þetta
mundi virka eins og sleikjó fyrir
barn. Þetta er bara sálfræðilegt at-
riði. í dag vantar okkur sleikjó fyrir
hinn almenna ökumann.
Ökutækin öflugri en ökumennirnir
„Ég er búinn að vera í rallý síðan
1998 og enginn af þeim sem hafa
verið í kringum mig síðan þá hefur
orðið valdur að alvarlegu umferð-
arslysi. Sumir vilja meina að akst-
ursíþróttir ali af sér hraðafíkla. Ég
>ir þessu algjörlega ósammála. Ætli
það sé tilviljun að þeir sem eru í
kringum okkur, fólk sem þekkir
akstursíþróttir, lögin og reglurnar í
kringum þær, séu nær allir góðborg-
arar og löghlýðnir ökumenn?"
Aðspurður um skilaboð til öku-
manna sem stunda hraðakstur segir
Daníel: „Berið virðingu fyrir sjálfum
ykkur, ökutækjunum og síðast en
ekki síst mannslífum. Hraðakstur
í almennri umferð er ekki ykkar
einkamál. Ef þið verðið að fá útrás,
komið og keppið í rallý og gerið þetta
löglega eða biðið eftir braut. Ef þið
eruð svona klár, sýnið það löglega og
án þess að skapa stórhættu í umferð-
inni. Ef einhver sem hefur ekki keppt
í akstursíþróttum telur sig vera
ofboðslega góðan ökumann getur
hann komið og keppt við okkur. Ef
hann vinnur má hann eiga rallýbíl-
inn minn,“ segir Daniel að lokum.
VILTU VITA A/IEIRA?
Hringdu í síma 510 3700 eða
sendu póst á bladid@bladid.net.