Bændablaðið - 22.11.2005, Blaðsíða 4
4 Þriðjudagur 22. nóvember 2005
Miklar umræður urðu á fundi fulltrúaráðs
MS föstudaginn 4. nóvember sl. á Radisson
SAS Hótel Sögu um fjárfestingarstefnu og
framtíðarmál mjólkuriðnaðarins. Á fundin-
um var hið nýja merki sameinaðs félags
samþykkt og var augljóst að það féll fundar-
mönnum almennt vel í geð, enda þótt ýmsir
gerðu athugasemdir við framvindu nafna-
málsins.
Samhæfing gengur vel
Á fundinum gerði Magnús H. Sigurðsson,
formaður stjórnar MS, grein fyrir samhæf-
ingu starfseminnar í MBF og MS og þróun í
framleiðslumálum, en talsvert hefur vantað
upp á að náðst hafi að framleiða í takt við
mikinn söluárangur síðustu misseri. Hann
flutti einnig tillögu að breytingum á sam-
þykktum sem bornar voru upp og samþykkt-
ar. Guðbrandur Sigurðsson forstjóri gaf yfir-
lit um starfsemi og rekstur MS og greindi ít-
arlega frá þeim fjárfestingum sem félags-
stjórnin hefur ráðist í á síðustu mánuðum.
Einnig lagði hann áherslu á að í kjölfar þess
að vel hafi verið unnið að samhæfingu innan
MS þurfi nú að taka fyrir samræmingu í
framleiðslumálum til þess að auka framlegð
úr rekstrinum.
Guðlaugur Björgvinsson sagði frá þróun
fjármála og reksturs og kom m.a. fram í máli
hans að hluti af starfsemi skrifstofu og fimm
stöðugildi hefðu verið flutt á Selfoss. Í erindi
Birgis Guðmundssonar framkvæmdastjóra
um aðföng, framleiðslu og flutning var m.a.
fjallað um það stóra og ábatasama verkefni
að koma öllum afurðaflutningum í eitt flutn-
ingskerfi á starfssvæði MS. Pálmi Vil-
hjálmsson, framkvæmdastjóri SAM, fór á
fundinum yfir uppgjör vegna verðlagsársins
2004 /2005 og Auðunn Hermannsson gæða-
stjóri fjallaði um viðhorf í gæðamálum.
Umræða um fjárfestingar
Á fulltrúaráðsfundinum var það áberandi í
máli félagsmanna að 16% hlutur KS í
Norðurmjólk þótti of dýru verði keyptur.
Forstjóri MS og stjórnarmenn lögðu hins
vegar áherslu á að fjárfesting MS í Norður-
mjólk væri lykilþáttur í frekari samhæf-
ingu mjólkuriðnaðarins sem brýn nauðsyn
væri á til þess að geta mætt aukinni sam-
keppni þegar að henni drægi vegna breyt-
inga á reglum um alþjóðaviðskipti. Hlutur
MS í Norðurmjólk er nú 48%. Það var hins
vegar ekki annað að heyra en að félags-
menn væru sáttir við aukinn hlut MS í
AGRICE, sem vinnur að því að selja sér-
leyfi til framleiðslu á skyri erlendis og
tryggja einkarétt á vörumerkjunum skyr og
skyr.is á heimsmarkaði. MS á nú 66% hlut
í fyrirtækinu.
Mestar umræður urðu um kaup MS á
15% hlut í Fóðurblöndunni hf. Eins og
einn fundarmanna komst að orði orkar það
tvímælis að afurðasala bænda fjárfesti „aft-
ur fyrir þá“. Eðlilegra væri að takmarka
umsvif MS við ferilinn frá bónda til mark-
aðar.
Guðbrandur Sigurðsson forstjóri sagðist
líta á fjárfestinguna í Fóðurblöndunni sem
áhugaverða fjárfestingu í umbreytingar-
verkefni sem gæti komið kúabændum til
góða og skilað arði til MS. Ekki væri endi-
lega stefnt að varanlegu eignarhaldi í Fóð-
urblöndunni og sjónarmið framleiðenda á
fundinum yrðu til umfjöllunar í stjórn MS.
Framtíðarmál
á döfinni
Á fundinum bentu stjórnarmenn á að þær
fjárfestingar, sem til umræðu voru, væru að-
eins hluti af þeim fjármunum sem félagið
hefði til ávöxtunar. Það væri eitt af mikil-
vægustu verkefnum stjórnenda MS að
ávaxta þessa fjármuni og þar hefði vel til
tekist. Hins vegar gæti verið þörf á því að
fjallað yrði almennt um fjárfestingarstefnu
MS á vettvangi fulltrúaráðsins.
Guðbrandur Sigurðsson forstjóri spurði í
lok fundar hvort framtíð væri í útflutningi
mjólkurafurða. Þar kvað við bjartsýnistón og
ljóst var að ýmsir möguleikar verða til skoð-
unar á næstunni. Guðbrandur sagði að fjórar
leiðir kæmu einkum til greina: Í fyrsta lagi
beinn útflutningur mjólkurafurða, t.d. til
Færeyja eða á fjarlægari markaði; í öðru lagi
sala á sérleyfum eins og unnið er að á vegum
AGRICE; í þriðja lagi fjárfesting í mjólkur-
iðnaði á erlendum vettvangi og í fjórða lagi
ráðgjöf og verkefnisstjórnun, sem mikil
spurn er eftir í ýmsum þróunarlöndum.
Fundur fulltrúaráðs MS
Fjárfestingar og útflutningur í brennidepli
Borgarland
kaupir á
Hvanneyri
„Við teljum þetta mjög gott
tækifæri til þess að taka þátt í
þeirri uppbyggingu sem nú á sér
stað á Hvanneyri, rétt eins og
víðar hér í Borgarfirði,“ segir
Guðsteinn Einarsson, kaupfé-
lagsstjóri Kaupfélags Borgfirð-
inga.
Félagið og Sparisjóður Mýra-
sýslu eru tveir stærstu eigendur
Borgarlands ehf. sem á fasteignir í
Borgarnesi. Þar má nefna verslun-
armiðstöðina Hyrnutorg, auk lóða
í Borgarnesi sem félagið hyggur á
uppbygginu á. Félagið er m.a.
með í undirbúningi byggingu á
glæsilegri íbúðablokk í miðbæ
Borgarness.
Nú eru frágengnir samningar
milli Borgarfjarðarsveitar og
Borgarlands um kaup á öllu hluta-
fé í Hvönnum ehf. sem á húseign-
ina Hvanneyrarbraut 3 á Hvann-
eyri þar sem m.a. eru til húsa ýms-
ar stofnanir og fyrirtæki sem
tengjast landbúnaðinum. Kaup-
verð er ekki gefið upp en Guð-
steinn segir þó menn ganga sátta
frá viðskiptunum.
„Um þessar munir erum við
með ýmis fleiri mál í skoðun og
raunar erum við tilbúnir að skoða
öll þau verkefni sem snúast um að
byggja, eiga og leigja húsnæði á
félags- og viðskiptasvæði okkar,“
segir Guðsteinn Einarsson.
ISDNplús
áskrift kost-
ar 3.900
krónur á
mánuði
Eins og kom fram í síðasta tbl.
Bændablaðsins, hóf Síminn að
bjóða ISDNplús áskrift þann 1.
nóvember sl. Verð áskriftarinn-
ar er 3.900 kr. á mánuði og er þá
innifalið 3.600 mínútna (60 klst.)
notkun og fastagjaldið af
ISDNplús, sem er 590 kr. Síminn
býður jafnframt upp á þá þjón-
ustu að láta notendur vita um
notkunina í mánuðinum til að
tryggja að ekki verði farið yfir
þessa inniföldu notkun. Ef Netið
er notað meira í mánuðinum
þarf að greiða venjulegt gjald
fyrir það en upphringigjald er
fellt niður.
Jón Baldur Lorange, forstöðu-
maður tölvudeildar Bændasamtak-
anna, hvetur bændur til að nýta sér
þennan kost enda hafa Bændasam-
tökin barist lengi fyrir því að Sím-
inn bjóði bændum þessa áskriftar-
leið, sem er áfangi á langri leið við
að auka jöfnuð milli íbúa í þéttbýli
og dreifbýli. Lengra hefði ekki
verið komist að þessu sinni.
Bændur njóti góðs af aukinni
samkeppni
Jón Baldur bindur vonir við að
bændur muni njóta aukinnar sam-
keppni og tækninýjunga á fjar-
skiptamarkaðnum á næstu árum.
Þar eigi eMAX fyrirtækið hrós
skilið fyrir að koma upp háhraða-
tengingum með örbylgju á lands-
byggðinni við erfiðar aðstæður.
Það sé engu að síður ljóst að
stjórnvöld verði að koma að upp-
byggingu á fjarskiptaþjónustu í
dreifbýlinu í framtíðinni til að
styðja við bakið á framsæknum
fyrirtækjum. Það hafi stjórnvöld
raunar þegar ákveðið að gera með
því að leggja 2,5 milljarða króna í
þessa uppbyggingu á næstu árum.
Aðalfundur Eigenda- og rækt-
endafélags land-
námshænsna
(ERL) hald-
inn 5. nóv-
ember 2005
hefur áhyggj-
ur af gömlu
erfðaefni
landnáms-
hænunnar sem gæti farið for-
görðum ef H5N1-smit (fugla-
flensa) berst til landsins.
Aðalfundur ERL skorar á land-
búnaðarráðuneytið og embætti yfir-
dýralæknis að ganga strax til sam-
starfs við stjórn félagsins til varnar
stofninum.
Hafa áhyggjur af
landnámshænunni
Kemur næst út 13. desember.
Auglýsendur eru hvattir til að
panta pláss í jólablaðinu með
góðum fyrirvara.
Í Húnaþingi vestra starfar kór
eldiborgara. Nýlega hóf kórinn
vetrarstarfið og auglýsti um leið
eftir fleiri söngvurum. Fjóla
Eggertsdóttir, einn af talsmönn-
um kórsins, sagði í samtali við
Bændablaðið að allir sem gaman
hafa af söng séu velkomnir í kór-
inn. Ekki sé skilyrði fyrir þátt-
töku að vera í félagi eldri borg-
ara.
Fjóla sagði að kórstarfið hafi
byrjað fyrir þremur árum með því
að fólk fór að syngja saman þegar
það hittist. Hún segir að þau geri
lítið af því að syngja raddað því
það vanti tilfinnanlega milliraddir.
Þau hafi góðan tenór, sópran og
bassa en milliraddirnar vanti.
Helgi Ólafsson er stjórnandi kórs-
ins en hann hefur verið kirkjuorg-
anisti í nær 40 ár.
,,Við höfum fyrst og fremst
sungið innan félags eldri borgara
en síðastliðin 3 ár höfum við sung-
ið við messu á uppstigningardag í
kirkjunni á Hvammstanga. En kór-
starfið er fyrst og fremst okkur
sjálfum til ánægjuauka því kórinn
er glaður hópur fólks sem nýtur
þess að syngja saman,“ sagði Fjóla
Eggertsdóttir.
Glaður hópur sem nýtur þess að syngja saman
Kórfélagar talið frá vinstri. Dóra Eðvaldsdóttir, Elísabet Eggertsdóttir, Theodór Pálsson, Fjóla Eggertsdóttir,
Guðrún Sigurðardóttir, Garðar Hannesson, Þorbjörg Konráðsdóttir, Baldur Skarphéðinsson, Þóra Eggertsdóttir,
Lilja Lárusdóttir,Helgi S Ólafsson. Á myndina vantar. Gissur Sigurðsson, Guðrúnu Árnadóttir og Ölmu Levý
Ágústdóttir. Þetta er 5. starfsár kórsins.
Bændur og aðrir áhugasamir um kúabúskap:
Fimmtudaginn 24. nóvember nk. kl. 21:00 verða
haldnar kappræður um innflutning á erfðaefni í
kýr. Atburður þessi verður haldinn á Hvanneyri,
nánar tiltekið í matsal heimavistar Land-
búnaðarháskóla Íslands (LBHÍ).
Allir sem láta sig þetta málefni einhverju varða
eru hvattir til að mæta og taka þátt í umræðum að
framsögu lokinni. Frummælendur verða valinkunnir
menn úr landbúnaðargeiranum og stjórnandi verður
Gísli Einarsson fréttamaður.
Aðgangseyrir er kr. 500 fyrir almenning en
ókeypis fyrir meðlimi skólafélags LBHÍ.
Kappræður þessar eru haldnar til styrktar búfjár-
ræktarklúbbi LBHÍ sem stendur á hverjum vetri
fyrir fyrirlestrum og fræðsluferðum tengdum
landbúnaði.
Kappræður um innflutning á erfðaefni í kýr