Bændablaðið - 22.11.2005, Blaðsíða 32
32 Þriðjudagur 22. nóvember 2005
Eftir um 10 mánaða fram-
kvæmdatíma er Vélaver hf.
flutt í nýtt 3.500 fermetra hús-
næði að Krókhálsi 16 í Reykja-
vík. Opnunarhátíðin var haldin
sl. laugardag.
Sérstök áhersla
lögð á snyrtilegt umhverfi
Húsið er nú fullfrágengið, en það
skiptist í um 1.000 fermetra
tæknideild, 1.000 fermetra vara-
hlutarými, 1.000 fermetra sýning-
arsal og 500 fermetra skrifstofu-
aðstöðu.
Lóð Vélavers er nær fullfrá-
gengin en hún er um tveir hektar-
ar að stærð. Við hönnun og frá-
gang lóðarinnar hefur verið tekið
tillit til nálægðar við golfvöllinn í
Grafarholti og útivistarsvæði
Reykvíkinga en lóðin liggur að
því svæði. Sérstök áhersla er lögð
á snyrtilegt umhverfi en um 3.000
fermetrar eru þaktir gróðri. Einn-
ig hefur verið komið fyrir fallegri
grjóthleðslu og upplýstri tjörn.
Mjög góð aðkoma er að fyrir-
tækinu fyrir allar gerðir ökutækja
og hátt í tvö hundruð malbikuð
bílastæði.
Stærsti sýningarsalur
landsins fyrir atvinnutæki
Eins og áður sagði er sýningarsal-
ur Vélavers yfir 1.000 fermetrar
og mun hann þar með vera stærsti
sýningarsalur landsins fyrir at-
vinnutæki.
Salurinn er mjög glæsilegur og
lofthæð mikil, þannig að í honum
rúmast allar gerðir vinnuvéla,
vörubíla, landbúnaðarvéla, lyftara
og önnur atvinnutæki sem fyrir-
tækið selur. Hin nýja aðstaða
ásamt aukinni skrifstofuaðstöðu
gerir Vélaveri kleift að auka enn
frekar tækja- og vöruval sitt.
Í varahlutaverslun fyrirtækis-
ins er þjónustuafgreiðsla sérhönn-
uð með persónulega þjónustu við
viðskiptavininn í huga og góða
aðstöðu fyrir afgreiðslumenn, en
þeim mun fjölga í varahlutaversl-
un við þessa breytingu, jafnframt
því sem vöruúrval verður aukið.
Tölvubúnaður hefur einnig verið
endurnýjaður
Nýtt símkerfi hefur verið tekið
í notkun og þar er áfram lögð
áhersla á persónulega þjónustu,
sem mun auðvelda viðskiptavin-
um að ná sambandi við starfsfólk
fyrirtækisins, hvar sem það er
statt.
Tæknideild í fremstu röð
Tæknideild fyrirtækisins hefur að
mestu verið búin nýjum tækjum
af fullkomnustu gerð. Í því sam-
bandi má nefna nýja 25 tonna
skæralyftu fyrir vörubifreiðar,
sem er sú eina sinna tegundar hér
á landi, auk frístandandi pósta-
lyftu fyrir traktorsgröfur, dráttar-
vélar og rafmagnslyftara. Auk
þess hefur tæknideildin á að skipa
mælitæki sem getur m.a. mælt afl
dráttarvéla.
Sérstök áhersla hefur verið
lögð á góða starfsmannaaðstöðu
tæknideildar og hún byggð sam-
kvæmt ströngustu kröfum um
umhverfis- og hollustuhætti á
vinnustöðum.
Tæknideild Vélavers hefur á
að skipa einni bestu og fullkomn-
ustu aðstöðu sem völ er á til að
þjónusta viðskiptavini fyrirtækis-
ins.
Stefnt er að því að auka enn
frekar menntunar- og þekkingar-
stig starfsmanna tæknideildar
þannig að hún verði í fremstu röð
hér á landi.
Framkvæmdin á áætlun
Þrátt fyrir mikla þenslu á vinnu-
markaði á yfirstandandi ári, bend-
ir flest til þess að kostnaðaráætlun
varðandi framkvæmdina hafi í
meginatriðum staðist og fermetra-
verð í húsinu sé hagstætt miðað
við verðlag á atvinnuhúsnæði.
Það sem af er árinu hefur verið
annasamt hjá Vélaveri í viðskipt-
um en rekstrartekjur félagsins
hafa aukist um liðlega 50% á
fyrstu 10 mánuðum ársins, sam-
anborið við sama tíma í fyrra, að
sögn Magnúsar Ingþórssonar,
framkvæmdastjóri fyrirtækisins.
Vélaver flytur í
stórglæsilegt húsnæði
Helstu framkvæmdaaðilar við bygginguna voru fyrirtækin Borg-
arvirki og JMP-vélar, sem sáu um jarðvinnu, Alefli hf. sem tók að
sér sökkla, plötu og innanhússfrágang. Fyrirtækið Grand-Lagnir
sá um pípulagnir og Rafþjónustan sá um raflagnir. Húsið er keypt
af fyrirtækinu Límtré-Vírneti og sá það um að reisa húsið og
klæða það með yleingingum.
Hönnuðir hússins er Teiknistofan upp á lofti, aðalarkitekt Mar-
teinn Huntingdon en innanhússarkitekt Hans Unnþór Ólason.
Verkfræði- og eftirlitsþjónusta var í höndum fyrirtækins Ferils.
Greining hey-
sýna hjá LBHÍ
-Athugasemdir vegna greinar í
Bændablaðinu 8. nóvember sl.
Í tilefni af frétt Bændablaðsins frá
8. nóvember um að bændur hafi
sent heysýni til Noregs vegna
seinagangs í afgreiðslu heyefna-
greininga hjá Landbúnaðarhá-
skóla Íslands (LBHÍ) viljum við
koma á framfæri eftirfarandi
staðreyndum:
1. Landbúnaðarháskóli Íslands býð-
ur upp á heyefnagreiningar og
fylgir þar fyrirkomulagi sem var
rækilega kynnt í Bændablaðinu
og einstökum búnaðarsambönd-
um. Þar kemur fram bæði verð og
afgreiðslufrestur. Miðað er við að
afgreiðslufrestur niðurstaðna frá
móttöku sýnis sé um 30 dagar
fyrir hefðbundna greiningu með
steinefnum. Í ár var reiknað með
að fyrsta útsending niðurstaðna
gæti orðið um miðjan ágúst og að
10 október yrði síðasti móttöku-
dagur á haustönninni.
2. Sá háttur hefur verið hafður á að
búnaðarsambönd safna saman
sýnum hvert hjá sér og senda síð-
an að Hvanneyri. Á sama hátt eru
niðurstöður sendar til flestra bún-
aðarsambanda að þeirra ósk og
þau koma þeim síðan áfram til
bænda með leiðbeiningum.
3. Okkur sýnist að LBHÍ hafi staðið
við þann mánaðarafgreiðslufrest,
sem gefinn var á þessari vertíð.
Við höfum hins vegar hvorki upp-
lýsingar um hversu lengi sýni
bíða hjá búnaðarsamböndum eftir
að þau fara frá okkur né hvenær
þau koma niðurstöðum okkar
áfram til bænda.
4. Gerð var tilraun til þess fyrir
nokkrum árum að bjóða upp á 10
daga afgreiðslufrest gegn auka-
gjaldi. Enginn sýndi því áhuga.
5. Þeir bændur, sem sendu sýni sín
til Noregs nú, þurftu að greiða
fyrir það umtalsvert hærra gjald
en þeim stóð til boða með því að
skipta við LBHÍ. Reikna má með
að niðurstöður sem þaðan koma
séu tæplega eins áreiðanlegar þar
sem stuðst er við aðferðir sem
ekki byggjast á niðurstöðum
mælinga á íslenskum heysýnum.
Umhugað að bæta þjónustuna
Landbúnaðarháskóla Íslands er um-
hugað að bæta þjónustu sína við ís-
lenska bændur. Til þess að hraða
þjónustunni gætu bændur sent sýni
sín beint til okkar og við kæmum
niðurstöðum síðan rakleiðis til
þeirra. Hins vegar er okkur til efs að
unnt sé að hraða greiningum um-
talsvert á háannatíma umfram það
sem nú er, við óbreytt fyrirkomulag.
Tryggvi Eiríksson,
Landbúnaðarháskóla Íslands
Jólablað Bændablaðsins
kemur út þriðjudaginn
13. desember
Frestur til að panta stærri
auglýsingar er á hádegi
miðvikudaginn 7. desember.
Smáauglýsingum þarf að
skila í síðasta lagi
fimmtudaginn 8. desember.
Viðskiptavinir og lesendur eru beðnir
að athuga að þrjár vikur líða á milli
þessara blaða en að öðru jöfnu kemur
blaðið út með tveggja vikna millibili.
Þeir voru að vonum ánægðir á opnunarhátíðinni sem var haldin sl.
laugardag. F.v. Pétur Guðmundarson stjórnarformaður og Magnús
Ingþórsson framkvæmdastjóri.
Á opnunarhátíðinni lögðu margir leið sína á verkstæðið til að skoða
nýju 25 tonna skæralyftuna, sem er sú eina sinna tegundar hér á landi.
Efri mynd: Margir bændur komu til að fagna með Vélaversmönnum. Á
neðri mynd má sjá nokkra af gestum fyrirtækisins sl. laugardag.