Bændablaðið - 22.11.2005, Blaðsíða 22

22 Þriðjudagur 22. nóvember 2005
Loðskinn sem tískufatnaður
Hinir árlegu bændadagar, sem
Skagfirðingabúð á Sauðákróki
gengst fyrir, voru haldnir fyrir
skömmu. Bændadagarnir sem
eru tveir samliggjandi dagar fel-
ast í því að sauðfjár- og kúa-
bændur koma í verslunina og
kynna framleiðsluvörur sínar og
eru dagarnir haldnir í samvinnu
við sláturhúsið og mjólkursam-
lagið. Verslunin er með sérstak
tilboð á mjólkur- og kjötvörum
þessa daga og nemur afsláttur frá
hefðbundnu verði á bilinu 25-
35%. Hafa þessir dagar mælst
mjög vel fyrir hjá neytendum,
sem auk þess að kaupa vöru á
sérlega hagstæðu verði, gefst
þarna kostur á að hitta bændur
og ræða við þá um þær vörur sem
eru á boðstólum.
Landbúnaðar-
ráðherra í heimsókn
„Þessir dagar gengu ljómandi vel
eins og þeir hafa raunar gengið frá
upphafi. Hér var mikill fjöldi fólks
báða dagana enda veit heimafólk
að það er hægt að gera mjög góð
kaup. Við seldum um 10 tonn af
mjólkur- og kjötvörum sem var
svipað magn og við áttum von á.
Það fór t.d. heilt tonn af osti þessa
tvo daga og það var algengt að sjá
fólk fara út með 10-15 dilkalæri í
kerrunni. Svo var mjög ánægjulegt
að landbúnaðarráðherra, Guðni
Ágústsson, var hjá okkur fyrri dag-
inn og kynnti þá m.a. skagfirska
kjötsúpu. Einnig vorum við með
matreiðslumeistara á staðnum sem
gaf fólki góð ráð varðandi með-
höndlun og matreiðslu,“ sagði Árni
Kristinsson, verslunarstjóri í Skag-
firðingabúð aðspurður um hvernig
gengið hefði.
Að sögn Árna er markmiðið
með þessum dögum að kynna þá
úrvalsvöru sem bændur eru að
framleiða og reyna jafnframt að
örva kynningu og sölu á henni.
Einnig að leiða saman neytendur,
bændur og starfsmenn afurðastöðv-
anna í þeim tilgangi að þeir skiptist
á skoðunum. Það eru félög sauð-
fjár- og kúabænda í héraðinu sem
sjá um að fá fólk úr sínum röðum
til að annast kynninguna og eru
gjarnan tveir frá hvoru félagi á
vaktinni í senn. /ÖÞ
Bændadagar haldnir í þriðja skipti
F.v. Árni Kristinsson verslunarstjóri, Guðmundur Gíslason sölustjóri hjá
KS og Smári Borgarsson formaður Félags sauðfjárbænda í Skagafirði
tóku þátt í bændadögunum. /Bbl. Örn
Guðni Ágústsson, landbúnaðar-
ráðherra, kynnti skagfirska kjöt-
súpu.
Áður fyrr klæddist fólk pelsfatnaði til að halda á sér hita.
Þannig er hann að sjálfsögðu enn notaður, ekki síst í
norðlægum löndum, svo sem í Rússlandi, Kanada og á
Grænlandi. Í þessum löndum eru pelsar notaðir bæði sem
síðar kápur, höfuðföt og fótabúnaður.
En vegna þess að skinnin eru bæði falleg og ótrúlega
fjölbreytt er æ meira um að þau séu notuð til skrauts.
Hattar eru klæddir skinnborðum og jakkar og kjólar eru
með kraga og leggingar úr skinni af minkum eða chincilla,
það eru saumaðar slár úr refaskinnum og fjölda margt
annað. Það er hugmyndaflugið eitt sem setur mörkin. Og
hvað sæmir nýfæddum prinsi betur en að vera umvafinn
minkaskinni. Sölusamtök danskra loðdýrabænda,
Kopenhagen Fur, hafa í tilefni af fæðingu nýja danska
prinsins látið hanna og sauma burðarrúm handa honum úr
heimsins flottasta efni, minkaskinni.
Danmörk er í forystu minkaræktar í heiminum og
burðarrúmið er saumað úr dönsku minkaskinni af gerðinni
Pearl, (Perla) og gæðaflokknum Kopenhagen Platinum,
sem litið er á sem fremst í gæðum.
Hér má sjá nokkrar flíkur sem sýndar voru í
Kaupmannahöfn fyrr á árinu. - án efa er eitthvað af
flíkunum ættað frá Íslandi!
Burðarrúm úr heimsins flottasta
skinni.
Ljósmyndir: Jesper Clausen