Bændablaðið - 28.03.2006, Page 36

36 Þriðjudagur 28. mars 2006
Inn- og útflutningur landbúnaðarvöru 2005
Ef skoðaður er inn- og útflutningur landbúnaðar-
vöru ársins 2005 kemur ýmislegt fróðlegt í ljós.
Þar sést að fluttar eru inn landbúnaðarvörur fyrir
rúmlega fjóra milljarða króna. Útflutningur er hins
vegar fyrir tæpa fjóra milljarða. Meðfylgjandi tafla
er sett saman úr gögnum frá Hagstofu Íslands.
Inn- og útflutningur Landbúnaðarvöru 2005
Það vekur athygli að afurðir fiskeldis eru um
40% af útflutningsverðmæti landbúnaðar í fyrra.
Síðan kemur dilkakjötið og afurðir sauðfjár fyrir
tæpar 700 milljónir eða tæp 18% af útflutningn-
um, þá afurðir minnka og síðan hestar. Dúnn er
rúmlega 7% og sjávargróður og þörungar tæp
7%. Aðrar afurðir eru einungis í litlum mæli í
krónum talið og útflutningur „hefðbundinnar“
landbúnaðarframleiðslu er hverfandi lítill, að
frátöldum sauðfjárafurðum og hrossum.
Hvað varðar innflutning staðfestist það enn einu
sinni, að við flytjum aðallega inn landbúnaðar-
vöru sem ekki er framleidd hér á landi. Af þeim
rúmlega 4 milljörðum króna, sem flutt er inn fyrir,
eru tæplega 3,7 milljarðar fyrir „aðrar landbúnað-
arvörur“, þ.e.a.s. landbúnaðarvörur sem ekki eru
framleiddar hér heima. Það vekur ef til vill líka at-
hygli að við flytjum inn afurðir nautgripa, svína og
meira að segja sauðfjár - fyrir nokkra tugi millj-
óna. Hér er líklega aðallega um tilbúin matvæli
að ræða. Þá eru fluttar inn mjólkurvörur fyrir rúm-
ar 100 milljónir.
Töluverð „verkaskipting“
Þegar upp er staðið er allgott jafnvægi á milli inn-
og útflutnings. Auðvitað væri æskilegt að meira
væri flutt út en inn og vöruskiptajöfnuðurinn hag-
stæðari í þá veruna. Tölurnar sýna einnig tölu-
verða „verkaskiptingu“ á milli íslenskrar fram-
leiðslu og innfluttrar. Fyrir nokkrum árum var
vægi sauðfjárafurða mun meira í útflutningnum.
Afurðir fiskeldis hafa tekið þann sess, í bili að
minnsta kosti.
Þessar tölur og samanburður eru gott veganesti í
umræðunni um matvælaverð. Varla er innlend
framleiðsla ábyrg fyrir verðlagi þeirrar innfluttu.
Þá er einnig gott að hafa þessi hlutföll og magn-
tölur í huga í yfirstandandi WTO-umræðum og
við gerð tvíhliða verslunarsamninga milli landa.
Eins og margoft hefur komið fram í þeirri umræðu
er Ísland í hópi landa, sem flytja inn meira af
landbúnaðarvörum en út og eru auk þess opin
fyrir margvíslegri landbúnaðarframleiðslu þróun-
arlandanna./ÞES.
Inn- og útflutningur Landbúnaðarvöru 2005.
Innflutningur Útflutningur
TEXTI Þyngd kg Fob kr Þyngd kg Fob kr
Fiskeldi
210 Lax 126.001 46.147.016 4.482.425 1.111.158.220
211 Silungur 5.930 1.685.420 532.774 268.970.408
219 Annar fiskur 89.046 10.293.333 338.502 149.294.641
Búfé
227 Minkar 1.275 3.073.575
229 Annar búfénaður3.437 9.008.156
220 Hestar 523.580 370.548.882
Afurðir sláturdýra
229 Annar búfénaður 139 276.709
231 Afurðir hrossa 344.951 45.559.276
232 Afurðir nautgripa 62.801 58.262.968 561.844 49.274.961
233 Afurðir svína 12.060 15.636.345 24.107 2.067.969
234 Afurðir sauðfjár 76.067 18.746.348 3.489.710 667.577.268
235 Afurðir minnka 20.166 424.026.647
236 Afurðir refa 3.906 23.120.759
239 Afurðir annarra sláturdýra 128.223 97.038.860 24.700 4.342.824
Mjólk og mjólkurvörur
240 Mjólkurvörur 221.519 106.534.954 705.828 84.487.439
Aðrar land- og sjávarnytjar
250 Dúnn 657 1.205.189 3.153 289.182.957
251 Sjávargróður og þörungar 2.363 2.056.669 6.152.763 249.625.096
Aðrar landbúnaðarvörur
299 Aðrar landbúnaðarvörur 98.401.763 3.698.710.201 397.240 20.132.820
SAMTALS 99.131.142 4.068.399.034 17.605.788 3.759.646.876
Reykhólahreppur
Verulegar fram-
kvæmdir bæði í
raforku- og hita-
veitumálum
Á yfirstandandi ári er gert ráð
fyrir verulegum framkvæmdum
í bæði hitaveitu- og rafmagns-
málum á Reykhólum. Einar Örn
Thorlacius, sveitarstjóri Reyk-
hólahrepps, segir að þessar
framkvæmdir séu tímabærar
enda hafi Reykhólar setið á hak-
anum í þessum efnum í mörg ár.
Einar bendir á að Reykhólar
séu með frumstætt raforkukerfi
sem sé fjarri því að vera boðlegt
fyrir þéttbýlisstað. Nú ætlar Orku-
bú Vestfjarða að koma þessu í nú-
tímanlegt horf. Sömuleiðis á að
endurbæta hitaveitukerfið með því
að tengja saman hveri, sem hafa
verið virkjaðir, og borholur fyrir
hitaveituna.
„Þessar framkvæmdir Orku-
búsins í ár verða miklu meiri en
verið hefur undanfarin ár og Orku-
búsmenn viðurkenna að Reykhól-
ar hafi lengi mætt afgangi. Þeir
segjast ætla að koma hlutunum í
það gott stand að eftir það verði
bara um eðlilegt viðhald að ræða,“
segir Einar Örn Thorlacius.
Bændablaðið
kemur næst út
þriðjudaginn
11. apríl