Bændablaðið - 13.01.2009, Page 3

3 Bændablaðið | þriðjudagur 13. janúar 2009
Íbúar víða á landsbyggðinni bíða
óþreyjufullir eftir háhraðanet-
sambandi til að geta tekið þátt í
upplýsingasamfélaginu, en fjar-
skipti eru mikilvægur þáttur af
grunnþjónustu við þegnana.
Bændablaðið leitaði upplýsinga
um stöðu mála hjá Fjarskiptasjóði
hjá Jóni Baldri Lorange, forstöðu-
manni tölvudeildar Bændasamtaka
Íslands, en hann á einnig sæti í
Fjarskiptasjóði. Jón Baldur sagði
að það fjármálafárviðri sem skoll-
ið hefði á þjóðinni á haustdög-
um hefði sett niðurstöðu útboðs
Fjarskiptasjóðs á háhraðanetteng-
ingum til um 1.100 staða í upp-
nám, eins og flest annað í þjóð-
félaginu. Eina leiðin hefði verið
að bíða veðrið af sér, sem var gert
með framlengingu tilboða til 20.
þessa mánaðar. Skýringarviðræður
hefðu verið í fullum gangi milli
Ríkiskaupa og Símans, sem fékk
flest stig í útboðinu með tilboði
sínu upp á háhraðanettengingu með
6 Mb gagnaflutningshraða og 12
mánaða uppbyggingarhraða. Tilboð
Símans var upp á 379 milljónir kr.,
mun lægri upphæð en kostnaðar-
áætlun sem Fjarskiptasjóður hafði
látið gera og hljóðaði upp á um
2 milljarða kr. Önnur tilboð sem
bárust eru ennþá inni í myndinni
en allir tilboðsgjafar samþykktu
framlengingu. „Á ágætu samráðs-
þingi hagsmunaaðila, sveitarfélaga,
fjarskiptafyrirtækja og fleiri aðila
sem verkefnanefnd fjarskiptaáætl-
unar og samgönguráðuneytið efndu
til í desember vegna endurskoð-
unar fjarskiptaáætlunar stjórnvalda
fannst mér koma fram ríkur vilji
til að skoða betur aðkomu ríkisins
að grunnþjónustu í fjarskiptum á
landsbyggðinni til að ná fram og
tryggja jafnræði allra íbúa til sjós
og lands. Hér er náttúrulega átt við
hið umtalaða grunnnet fjarskipta,
sem við sölu Símans fékkst ekki
skilgreint af sérfræðingum, en síðar
var fært til sérstaks dótturfyrirtækis
Símans, þ.e. Mílu. Það er einnig rétt
að minna á ályktun Búnaðarþings
frá því í fyrra þar sem lagt var til
að Fjarskiptasjóði yrði breytt í sjóð
sem myndi styrkja sveitarfélögin
í uppbyggingu fjarskipta í heima-
byggð. Hér er verið að horfa til
framtíðar. Það sem er núna brýnast
er að klára háhraðanetsútboðið og
hefja uppbyggingu á fjarskiptaþjón-
ustunni þar sem markaðsforsendur
eru ekki fyrir hendi í dag. Það þarf
jafnframt að leysa fjarskiptamál um
500 staða í viðbót við þá sem skil-
greindir eru í háhraðanetsútboðinu
og mér finnst vera fullur vilji til
þess hjá stjórnvöldum. Allt snýst
þetta þó á endanum um fjármuni,“
sagði Jón Baldur.
Um gagnrýni margra á starfsemi
Fjarskiptasjóðs á síðustu misserum
vildi Jón Baldur segja að oft væri
þessi gagnrýni byggð á grundvallar
misskilningi á því hvað sjóðurinn
gæti gert. Það mætti heldur ekki
gleymast að Fjarskiptasjóður væri
búinn að byggja upp GSM samband
á nær öllum stofnvegum í kringum
landið, á helstu ferðamannastöð-
um og á hálendinu í góðu sam-
starfi við stærstu fjarskiptafyrirtæki
landsins, Símann og Vodafone.
Þá væri samningur í gangi milli
Telenor og Fjarskiptasjóðs um að
tryggja útsendingar RÚV í gegnum
gervihnött, sem stæðu sjómönnum
og bændum til boða. Verkefni og
umsvif Fjarskiptasjóðs væru hins
vegar takmörkuð með lögum um
Fjarskiptasjóðinn nr. 132 frá árinu
2005. Lögbundið hlutverk hans er
að stuðla að uppbyggingu á sviði
fjarskiptamála á grundvelli fjar-
skiptaáætlunar stjórnvalda. Þar
má sjóðurinn aðeins úthluta fjár-
magni til verkefna sem stuðla að
uppbyggingu stofnkerfa fjarskipta
og annarra verkefna „og ætla má
að ekki verði ráðist í á markaðs-
legum forsendum,“ eins og segir
orðrétt í lögum nr. 132/2005 um
Fjarskiptasjóð. Síðan þarf að
fylgja ströngum ESB-reglugerðum
um ríkisstyrki samkvæmt EES-
samningnum. Þannig hefur ekki
verið talið mögulegt að veita ein-
staka styrki til fjarskiptafyrirtækja
eða sveitarfélaga á landsbyggðinni
svo dæmi sé tekið. Jón Baldur vildi
að síðustu að kæmi fram að hann
teldi alla, sem hefðu komið að þess-
um málum í samgönguráðuneytinu
og nefndarmenn í Fjarskiptasjóði,
hafa lagt sig alla fram við að vinna
þessu mikilvæga máli fyrir lands-
byggðarfólk brautargengi. Þá hefði
vilji og stuðningur samgönguráð-
herra og allrar ríkisstjórnarinnar
komið fram í þessu þýðingarmikla
byggðamáli þegar litið væri til mál-
efnasamnings og stuðnings við
verkefnið t.d. með því að tryggja
fjárveitingu til þess á þessu ári þrátt
fyrir þrönga stöðu ríkissjóðs.
Hvenær fær landsbyggðin langþráða háhraðanettengingu?
JANÚAR-TILBOÐ!
McCormik CX105 HeyþyrlurStjörnumúgavélar
B-Niewiado BE6317U
Flutningakerra 304 x 130 cm
Tilboðsverð með vsk. kr. 299.000
B-Niewiado A2532HTP
Vélafl utningavagn 300 x 150 cm
Tilboðsverð með vsk. kr. 494.265
B-Niewiado BE6317U
Flutningakerra 170 x 1,3 m
Tilboðsverð með vsk. kr. 118.960
CT 0080 Galvaniseruð
Flutningakerra 224x115x40 cm
Tilboðsverð með vsk. kr. 75.000
Ótrúlegt verð á kerrum
Zagroda fl aghefi ll Brettagafl arStoll blokkskerar Zagroda valtariTanco rúllugreipar
Warfarma sturtuvagnar HiSpec haugsugurBreviglieri pinnatætarar Örfáar notaðar dráttarvélar
á frábæru verði
Stoll ámoksturstæki
Allt á gamla genginu
Gæði á góðu verði
Minnt á skil
á sauðfjár-
skýrsluhaldi
Skil á skýrslum í sauðfjár-
ræktinni hafa verið góð, en
samt er mikið enn ókomið.
Rétt er að minna á að með
reglugerðarbreytingu á síð-
asta ári var skiladeginum
breytt þannig að nú þarf að
skila öllum skýrslum fyrir 1.
febrúar til að uppfylla skil-
yrði gæðastýringar. Þeir sem
enn eiga verki ólokið eru því
hvattir til að beita pennanum
eða hamra á lyklaborð tölv-
unnar sem allra fyrst.