Bændablaðið - 09.06.2011, Blaðsíða 8
8 Bændablaðið | fimmtudagur 9. júní 2011
Fréttir
Ragnheiður Hlín Símonardóttir
bóndi og sjúkraliði býr ásamt
Birni Helga Snorrasyni, bónda og
húsasmíðameistara, að Kálfafelli í
Fljótshverfi. Sá bær er einn þeirra
sem verst urðu úti í öskufallinu
vegna eldgossins í Grímsvötnum.
Þrátt fyrir að útlitið hafi um tíma
verið dökkt segir Ragnheiður að
örvæntingin hafi aldrei náð á þeim
tökum. Hún segir upplifunina þó
hafa verið skelfilega en nokkur
bjartsýni hafi kviknað þegar
gosinu lauk. Þegar blaðamaður
hringdi í Ragnheiði á sunnudags-
kvöldið hafði sú bjartsýni heldur
dofnað enda skaðinn á dýrum og
gróðri af völdum öskufallsins far-
inn að koma betur í ljós. Margt fé
er enn staurblint og viðbúið að við-
varandi öskufok verði á svæðinu
í hvert sinn sem hvessir í sumar.
Búið að keyra burt 14
trukkaförmum af ösku
„Það er búið að þrífa hér gríðarlegt
magn af ösku og enn er verið að.
Hann er búinn að vera að skafa
hér í kringum bæinn hann Helgi
Kjartansson á Fossi. Það er búið að
hreinsa hér úr garðinum og í kring-
um húsin. Ætli það sé ekki búið að
keyra hér í burtu um 14 „trailerum“
af ösku.“
Ragnheiður segir ljóst að mikið
sé af ösku á afrétti. Þau beiti fénu á
Kálfafellsheiði, sem er dökk af ösku.
„Þaðan er að fjúka á okkur og það
veldur okkur vandræðum að koma
fénu ekki inn í heiði til beitar."
Ljóst er að þessi aska muna fjúka
yfir byggðina um ófyrirséðan tíma.
„Það var mikið öskufok nú í dag.
Á milli klukkan sex og sjö dimmdi
svakalega hér við bæinn og þá sá ég
ekki niður á veg í nokkrar mínútur.“
Ragnheiður segir hundleiðinlegt
að vera útivið af þessum sökum og
fólk geri vart annað en að bryðja sand
við útistörfin.
„Mér finnst því svolítið hafa
dregið úr bjartsýninni sem skapaðist
strax eftir gosið.“
Rokið bjargaði miklu
Þegar blaðamenn Bændablaðsins
heimsóttu þau hjón fimmtudaginn
26. maí var allur kraftur búinn úr
gosinu og ekkert öskufall lengur.
Þá hafði mikið hvassviðri dagana
áður náð að feykja stærstum hluta
öskunnar á sjó út. Voru þau hjón
sammála um að rokið hefði bjargað
miklu. Eigi að síður var talsvert
öskulag á túnum þó grasið næði að
teygja sig upp úr því.
„Ráðunautarnir segja að túnin séu
slæm hér í Fljótshverfinu og það sé
sýnu verst af öllum svæðum sem
orðið hafa fyrir öskufalli. Það horfir
því ekki sérlega vel með heyskap
hér í sumar. Þeir segja okkur þó að
askan muni ekki ná að kæfa túnin og
að grasið muni spretta.“ Ragnheiður
sagðist á þeim tímapunkti ekki finna
neina uppgjöf í sveitinni þrátt fyrir
þetta áfall. „Maður hefur þó varla
haft tíma til að átta sig á hlutunum.“
Svakaleg upplifun
Um upplifunina af gosinu sagði
Ragnheiður:
„Við sóttum kvígur og hross
við fyrsta mögulega tækifæri sem
gafst, en það var ekki fyrr en síðla
mánudags að við gátum komið þeim
að opnu húsi svo skepnurnar hefðu
eitthvert afdrep ef slæmt væri. Einnig
var allt sauðfé úti.
Þetta var hreint út sagt ógeðslegt
og svakalegt. Það var lang verst á
sunnudagsmorgninum eftir að gosið
byrjaði [22. maí]. Þá fórum við út
í fjós og skyggnið var orðið mjög
lélegt vegna öskufalls. Við erum með
36 mjólkurkýr sem þurfti að sinna,
nautaeldi, nokkur hross og kindur
fyrir heimilið. Þegar við ætluðum til
baka sáum við ekki handa okkar skil.
Við settum bara á okkur stefnuna á
húsið og hittum á girðinguna. Við
þreifuðum okkur svo meðfram henni.
Það var svo ekki fyrr en við vorum
að verða komin að útihurðinni að við
sáum glitta í útiljósið.“
Börnin tóku þessu bara vel
Það er því ljóst að skyggnið hefur
nánast ekki verið neitt og til marks
um það nefnir hún að í garðinum rétt
fyrir utan stofugluggann er fánastöng
sem sást alls ekki fyrir öskukófinu.
Hjónin eiga fjögur börn, sem voru
heima þegar ósköpin dundu yfir.
„Þau tóku þessu bara vel og þetta
virðist ekki hafa bitið neitt á þau.“
Kálfarnir þögðu
„Það var svolítið skrítið að koma
út í fjós á meðan ósköpin dundu
yfir. Venjulega þegar við komum út
í fjós á morgnana taka kálfarnir á
móti okkur með bauli, þar sem þeir
vilja fá kjarnfóðrið sitt eins og venjan
er. Þennan morgunn var hinsvegar
algjör dauðaþögn í fjósinu og heyrð-
ist ekki múkk, hvorki frá kálfunum
né kúnum.“
Dýralæknirinn lét vita af gosinu
Gunnar dýralæknir hringdi í okkur á
Askan úr Grímsvatnagossinu enn til vandræða í Fljótshverfi:
Sumt fé enn staurblint og öskufok
af afréttum til mikils ama
- Búið er að hreinsa upp um 14 trukkafarma af ösku í kringum bæjarhúsin á Kálfafelli
Ragnheiður Hlín Símonardóttir bóndi og sjúkraliði á Kálfafelli ásamt eiginmanninum, Birni Helga Snorrasyni bónda og húsasmíðameistara. Myndir / HKr.
Þessar mynd sýnir vel öskuna á túnum hjónanna á Kálfafelli sem eru uppi í heiðinni (á Háubrún) rétt ofan við bæjarhúsin.