Bændablaðið - 09.06.2011, Blaðsíða 21

BLAÐAUKI BÆNDABLAÐSINS 9. JÚNÍ 2011 Ýmsir viðburðir sumarsins - 21
Á vegum Þekkingarnets
Þingeyinga verður í sumar unnið
að menningar- og ferðamála-
tengdu verkefni sem felst í því að
safna heimildum, upplýsingum,
ljósmyndum og fleiru er varðar
hús á Þórshöfn á Langanesi í því
skyni að miðla sögu þeirra bæði til
heimamanna og ferðalanga. Síðar
er svo ætlunin að setja upp skilti
við sögufræg hús og miðla sögunni.
„Þetta verkefni er rétt um það bil
að fara í gang,“ segir Sunna Björk
Ragnarsdóttir háskólanemi, sem í
sumar mun vinna við heimildasöfnun
í tengslum við verkefnið. „Ég mun
safna myndum og upplýsingum um
byggingar og mannlíf á Þórshöfn,“
segir hún. Leitað verður til heima-
manna í tengslum við söfnun ljós-
mynda af mannlífi, byggingum og
öðru sem tengist Þórshöfn, en síðar
gætu þær prýtt skilti sem komið
verður fyrir í bænum. Bæði verður
um að ræða hús sem enn standa og
eins þau sem hafa verið rifin í tímans
rás.
Leita gamalla ljósmynda
Byggt er á hugmynd Helga Mars
Árnasonar og Sóleyjar Indriðadóttur
um Söguslóð á Þórshöfn, sem þau
kynntu fyrir atvinnu-, menningar- og
ferðamálanefnd Langanesbyggðar.
Farið er út í verkefnið á þeim for-
sendum að hægt verði seinna meir að
vinna úr þessum upplýsingum skilti
þar sem saga viðkomandi húsa er
sýnd í máli og myndum. Þessum
skiltum verður síðan komið fyrir
í þorpinu, á þeim stað sem ljós-
myndarinn stóð þegar hann festi
viðkomandi hús á filmu.
Þetta er annað sumarið í röð sem
Sunna starfar fyrir Þekkingarnetið.
Í fyrrasumar vann hún við að safna
saman þjóðsögum og öðrum sögum
úr Þistilfirði, en fyrir síðustu jól var
gefin úr kiljan Þistlar – sögur og
munnmæli úr Þistilfirði.
„Að mínu mati á Þekkingarnetið
hrós skilið, bæði fyrir að ýta undir og
aðstoða mörg menningar-, nýsköp-
unar- og atvinnutengd verkefni, sem
og að gefa háskólanemum af svæð-
inu möguleika á að koma heim yfir
sumartímann með því að bjóða upp
á áhugaverð og skemmtileg sumar-
störf,“ segir Sunna.
Elsta húsið sem enn stendur
byggt árið 1902
Þórshöfn hefur verið löggiltur
verslunarstaður frá árinu 1846 og
fyrsta skráða búsetan á staðnum er
frá árunum 1881 til 1882. „Þetta er
mikil og löng saga sem mikilvægt
er að skrásetja og varðveita fyrir
komandi kynslóðir,“ segir Sunna.
Afrakstur verkefnisins er hugsaður
sem afþreying fyrir ferðamenn, en
fram til þessa hefur skort á menn-
ingartengda afþreyingu fyrir ferða-
menn innan þorpsins.
Elsta húsið sem enn stendur í
þorpinu er Sandvík og var byggt árið
1902 af Friðriki beyki Stefánssyni.
Þá segir Sunna að á Þórshöfn sé
mikill fjöldi merkilegra húsa, en
m.a. hafi hús verið flutt þangað
frá Skálum og frá Heiðarhöfn á
Langanesi, „á þeim tíma þegar
hvorki voru góðir vegir til staðar
né vélakostur upp á marga fiska
fyrir þessa flutninga,“ segir hún.
Þegar heimildaöflun lýkur er
ætlunin að útbúa gönguleið um
bæinn þar sem fólki gefst kostur
á að fræðast um sögu staðarins
með því að þræða leið á milli skilta
sem komið verður fyrir í þorpinu.
Jafnframt gefst fólki kostur á að
skoða bæinn og mannlíf Þórshafnar
á þessari göngu.
„Eins má hugsa sér að útbúa bækl-
ing eða stórt skilti miðsvæðis, sem
myndi veita yfirsýn og uppástungur
um gönguleið á milli skiltanna og
um bæinn,“ segir Sunna.
/MÞÞ
Unnið að verkefni um Söguslóð á Þórshöfn:
Löng og merkileg saga sem mikilvægt er að varðveita
Sunna Björk. Ragnarsdóttir.
Mynd | Berglind Sigurðardóttir
Sandvík, elsta húsið á Þórshöfn sem enn stendur, byggt árið 1902. Nú er
Mynd | Sunna Björk Ragnarsdóttir
Bjartar nætur
– Fjöruhlaðborðið
Sumarhátíðin Bjartar nætur á
Vatnsnesi verður að þessu sinni
haldin 25. júní, en hún var fyrst
haldin fyrir 17 árum. Frá byrj-
un hefur þessi hátíð verið vegleg
matar- og menningarveisla, þar
sem Húsfreyjurnar leitast við að
halda gamalli matarhefð á lofti. Á
Fjöruhlaðborðinu í Hamarsbúð
á Vatnsnesi er því boðið upp
á margar gerðir af mat, sem
almennt ekki eru á borð bornar,
ásamt nýrri og hefðbundnari
tegundum.
Á staðnum verður stórtjald með
hljóðfæraleik, fjöldasöng og vin-
sælu bögglauppboði. Matseðilinn
verður birtur á www.nordanatt.is í
tæka tíð. Ekki er hægt að panta en
hópar sem hafa hug á að taka þátt í
fjörinu eru beðnir að láta vita fyrir-
fram síma 898 5154 eða á hamars-
bud@gmail.com.
Í tengslum við Fjöruhlaðborðið
er farið í gönguferð, frá
Illugastöðum, um Brandafell og
niður í Hamarsbúð. Ferðin endar
við Fjöruhlaðborðið. Nánar á www.
nordanatt.is í tæka tíð.


  
  !"#$$$%&%


        
   
      '((

) 
   **  
+, *    
- (.

+ /
 
0
 &
* 1 0 +(%