Bændablaðið - 07.07.2011, Qupperneq 4

Bændablaðið | fimmtudagur 7. júlí 20114
Fréttir
Þann 30. nóvember 2010
rann út samningur milli Starfs-
greinasambands Íslands og
Bændasamtaka Íslands um kaup og
kjör starfsmanna sem vinna almenn
landbúnaðarstörf á bændabýlum.
Fundur hefur verið boðaður í kjara-
deilunni hjá Ríkissáttasemjara
fimmtudaginn 7. júlí.
BÍ hafa hins vegar kynnt stéttar-
félögunum Framsýn á Húsavík og
Bárunni á Selfossi þá skoðun sam-
takanna að þrátt fyrir að ekki hafi
verið gengið frá kjarasamningi fyrir
starfsmenn í almennum landbúnaðar-
störfum á bændabýlum, verði greidd
laun til félagsmanna í aðildarfélögun
SGS, samkvæmt 10. flokki launatöflu
sem samið var um í kjarasamningi
SGS og SA frá 5. maí 2011. Sú launa-
tafla fylgir hér með og gildir frá 1.
júní sl. að telja.
Kjarasamningur landbúnaðar-
verkafólks til Ríkissáttasemjara
Launaflokkur 10 (landbúnaðarverkamenn)
Byrjunarlaun Eftir 1 ár Eftir 3 ár Eftir 5 ár Eftir 7 ár
184.711 kr. 186.500 kr. 188.316 kr. 190.159 kr. 192.030 kr.
Héraðs- og Austurlandsskógar:
Planta 25 milljónustu
trjáplöntunni
Á vegum skógræktarverkefnis-
ins Héraðs- og Austurlandsskóga
verður á morgun, föstudaginn
8. júlí, plantað 25 milljónustu
trjáplöntunni. Plöntunin fer
fram í landi Litla-Steinsvaðs í
Hróarstungu klukkan 14:00.
Ólöf Inga Sigurbjartsdóttir
framkvæmdastjóri Héraðs- og
Austurlandsskóga segir þetta merkan
áfanga. „Þetta er elsta landshlutaverk-
efnið og 20 ár síðan Héraðsskógar
voru stofnaðir 1991. Svo eru tíu ár
síðan Austurlandsskógar voru settir á
laggirnar 2001. Verkefnin voru sam-
einuð um áramótin 2006/2007 eftir
að ný lög um landshlutaverkefnin
voru samþykkt í júní 2006.“
Hafa plantað í 7.200 hektara
Ólöf segir að nú sé búið að planta í
um 7.200 hektara á vegum bænda
og víða um Austurland farnir
að myndast skógar. Fyrir utan
þetta sé svo Skógrækt ríkisins
með rækt í Hallormsstaðaskógi.
Hún segir að verkefni Héraðs- og
Austurlandsskóga sé að byrja að
gefa af sér efni í girðingarstaura og
trjákurl.
„Skógarnir eru komnir í þá stærð
að þurfa fyrstu grisjun. Við markaðs-
hrunið breyttust aðstæður þannig að
hægt varð að selja allt sem úr skógun-
um kemur, sérstaklega kurl. Þar varð
m.a. til markaður með tilkomu kurl-
kyndistöðvarinnar á Hallormsstað.
Síðan eru það girðingastaurar sem
eru að koma úr bændaskógunum.“
Ólöf segir að ekki sé að búast við
að hægt verði að ná trjám í fram-
leiðslu á borðviði fyrr en í fyrsta lagi
þegar skógarnir eru búnir að ná 40-50
ára aldri. „Það er þó alltaf verið að
kanna nýjar leiðir við nýtingu á smá-
viði. Vandinn við grisjun er þó aðal-
lega að ná efninu út úr skógunum og
í það fer mikil vinna.“
Niðurskurður á fjárveitingum
mjög bagalegur
Efnahagshrunið 2008 olli því að
ríkið hefur dregið verulega úr fjár-
veitingum til landshlutaverkefn-
anna í skógrækt. Segir Ólöf þetta
verulega bagalegt því að í ræktun
nytjaskóga þurfi að vera samfella.
Eyður í gróðursetningu komi illa
niður á vinnslunni síðar. „Ég sé
ekki að fjárveitingar aukist neitt til
þessara verkefna á næsta ári. Þetta
er slæmt, því ef eitthvað fer að rofa
til þá tekur það talsverðan tíma að
koma þessum verkefnum í gang
aftur.“
Í kuldunum í vor hefur verið
áberandi hvað tún sem njóta skjól-
beltis virðast fljótari að spretta.
Ólöf segir því bagalegt að ræktun
skjólbelta hafi orðið að sitja á hak-
anum vegna niðurskurðar á fjár-
magni. Telur hún að miklu meira
megi gera af því að rækta skjólbelti
í sveitum, en bændur sjái samt oft
meira eftir þeim landræmum sem
fari undir slíkt en þeir horfi í nota-
gildi skjólbeltanna.
Hjá Héraðs- og Austurlands-
skógum starfa nú fimm manns en
ársverkin eru 4,2. Gróðursetningin
sjálf og umhirða skóganna eru svo
að mestu í höndum bænda. /HKr.
Búið er að planta í um 7.200 hektara lands á vegum Héraðs- og Austurlands-
skóga á síðastliðnum 20 árum. Þessi mynd er tekin á Litla-Steinsvaði 1.
Trjárækt getur líka skapað ævintýri
fyrir smáfólkið. Þessi mynd er frá
Vallanesi.
dögunum í dúnhreinsunarstöð Íslensks æðardúns ehf. í Stykkishólmi þar sem kvikmyndatökur fóru fram vegna
gerðar á fræðslumynd um æðarræktina og vinnslu æðardúns. Um þessar mundir er Æðarræktarfélagið að vinna að
nýju kynningarefni um búgreinina í samvinnu við Bændasamtökin en m.a. á að útbúa bækling og vef auk fræðslu-
myndarinnar. Páll Steingrímsson kvikmyndagerðarmaður á veg og vanda af myndinni sem verður að stærstu leyti
endurgerð á myndinni Nábúar - æður og maður sem hann frumsýndi árið 1995.
Á myndinni eru frá vinstri: Anna Guðný Guðmundsdóttir kvikmyndatökumaður, Agnieszka Galanty sem starfar
við dúnhreinsun, Páll Steingrímsson kvikmyndagerðarmaður, Erla Friðriksdóttir hjá Íslenskum æðardúni, Marek
Mynd / TB
Nýtt kynningarefni um æðarfuglinn í smíðum
Nýtt hlutafé í Moltu notað
til að greiða upp erlent lán
- Hefur tekið á móti 10.700 tonnum af úrgangi
Samþykkt var á hluthafafundi í
Moltu ehf. í liðinni viku að heimila
stjórn að auka hlutafé félagsins
um 40 milljónir króna. Aukið
hlutafé mun styrkja efnahag fyr-
irtækisins, en samið hefur verið
um að erlent lán sem tekið var
til tækjakaupa verði greitt upp.
Greiðslubyrði lánsins er þung og
hefur verið félaginu erfið.
Bæjarráð Akureyrar hefur sam-
þykkt að taka þátt í fyrirhugaðri
hlutafjáraukningu með allt að 25
milljóna króna framlagi. Bærinn
á hlut í félaginu í gegnum félagið
Flokkun Eyjafjörður ehf., en það
félag er stærsti hluthafi Moltu
með um 68% hlut. Öll sveitar-
félög í Eyjafirði eiga hlut í félaginu
sem eigendur í því félagi. Þá eru
stærstu matvælaframleiðendur á
Eyjafjarðarsvæðinu, Norðlenska,
Kjarnafæði, Samherji, Brim og B.
Jensen í hópi hluthafa. Alls eru hlut-
hafar 12 talsins, auk áður talinna eru í
hópnum Gámaþjónustan, Sagaplast,
Tækifæri, Þverár Fasteign, Virkni
og Preseco, en það fyrirtæki starfar
í Finnlandi og við það var samið um
kaup á vélbúnaði.
Eiður Guðmundsson fram-
kvæmdastjóri Moltu segir líklegt
að leitað verði til annarra hluthafa
félagsins um aukið hlutafé í sam-
ræmi við eignaraðild.
Fyrirtækið Molta var stofnað
í mars 2007, en hóf starfsemi um
miðjan júní árið 2009 og hefur því
verið í rekstri í um tvö ár. Á þeim
tíma hefur verið unnið úr 10.700
tonnum af úrgangi en innifalin í
þeirri tölu eru stoðefni sem notuð eru
við moltugerðina. Lífrænn úrgangur,
slátur- og fiskúrgangur sem og heim-
ilissorp er ríflega helmingur fram-
leiðslunnar.
Molta hefur undanfarið boðið
bæjarbúum að nýta afurðina, en
moltuhaugar eru við Gömlu gróðrar-
stöðina í Innbæ Akureyrar og hjá
Sólskógum í Kjarnaskógi. Eiður segir
að bæjarbúar hafi tekið vel við sér
og nýtt sér moltuna, Akureyrarbær
hafi notað hana í sína garða, hún hafi
veirð notuð í Lystigarðinum og þá
hafi skógræktendur einnig prófað.
Í framtíðinni segir Eiður að menn
sjái fyrir sér að unnt verði að nota
moltuna í landbúnaði. „Við teljum
að innan nokkurra missera verði
hægt að nýta moltuna í landbúnaði
og sjáum fjölmörg tækifæri á þeim
vettvangi, þetta er gott efni og alveg
örugglega hægt að nota það, en núna
erum við að skoða ýmsa möguleika
sem fyrir hendi eru í þeim efnum.“
Molta er eina jarðgerðarstöðin
hér á landi sem hefur öll tilskilin
leyfi varðandi nýtingu á moltu sem
framleidd er úr sláturúrgangi eða
heimilisúrgangi, en Eiður segir að
mikil vinna og strangar kröfur liggi
að baki áður en slík leyfi fáist.