Bændablaðið - 07.07.2011, Page 11

Bændablaðið | fimmtudagur 7. júlí 2011 11
Það kemur greinilega fram að
ESB leggur höfuðáherslu á
eflingu og velferð dreifbýlis í
ríkjum sambandsins og tekur
það markmið fram yfir stuðning
við framleiðslu í einstökum,
völdum búgreinum. Þetta kom
fyrst fram í þróun blómlegra
byggða í Alpafjöllunum og öðrum
fjallbyggðum á ESB-svæðinu, þar
sem skilyrði til búvöruframleiðslu
eru fremur bágborin. Í stað
framleiðslutengdra styrkja, eins
og tíðkast hérlendis í völdum
búgreinum, er lögð áhersla á
eflingu byggða í dreifbýli, verndun
umhverfis í sveitum, s.s. verndun
votlendis, aðgæslu og vandvirkni
í notkun áburðar og eiturefna. Þá
er áhersla lögð á bætta meðferð
búfjár og velferð þess og viðhald og
ræktun skóglendis. Mikil áhersla
er lögð á menningarstarfsemi
til sveita og eflingu félagslífs og
upplýsingatækni, nýtingu endur-
nýjanlegrar orku og stuðning við
nýliðun í landbúnaði o.fl. Ýmis
sérákvæði gætu komið íslenskum
landbúnaði til góða. Svæði norðan
62. breiddargráðu eru skilgreind
sem harðbýl svæði og er því
heimilt að styrkja búskap á þeim
sérstaklega. Dæmi um slík svæði
eru nyrstu hlutar Svíþjóðar og
Finnlands. Ísland allt er norðan 62.
breiddargráðu. Þá eru önnur svæði
styrkt sérstaklega sem annaðhvort
liggja langt frá innri mörkuðum
Evrópu eða búa við erfið náttúruleg
skilyrði til búskapar. Dæmi um
þau eru Azoreyjar. Með slíkum
stuðningi má koma í veg fyrir að
erfið búskaparskilyrði minnki
samkeppnishæfni og að rask
komist á búsetu í dreifbýli. Ísland
er jafnvel verr sett en Azoreyjar
í þessu tilliti. Stuðningskerfi ESB
virðist því vel henta íslenskum
búskaparháttum. samhliða verndun
náttúrunnar.
Þá er rétt að geta þess að búfjár-
búskapur nýtur meiri styrkja en
aðrar búgreinar í ESB-löndum.
Þessi áhersla á byggðasjónarmið
og að efla mannlíf í dreifbýli hefur
leitt til þess að ESB hefur lagt
niður framleiðslutengda styrki til
landbúnaðar, en miðar styrkjakerfi
sitt frekar við landnotkun og
styrkir eru því greiddir per hektara
eftir því hver notkun landsins er.
Mér sýnist á þessu að ESB vilji
stuðla að því að land sé í byggð
óháð því hvort þar er framleidd
búvara og að íbúar í dreifbýli
geti stundað hvers konar aðra
atvinnu sem hægt er að lifa á, s.s.
ferðamennsku, úrvinnslu hráefna,
heimilisiðnað og sölu varnings frá
býli o.fl. Þar sem eitt aðaleinkenni
samstarfs ESB-ríkjanna er frjáls
verslun á innri mörkuðum þeirra,
myndi tollvernd búvara falla niður
hér með afdrifaríkum afleiðingum
fyrir sumar búgreinar. Mér
sýnist því að áhrif inngöngu
Íslands í ESB gæti leitt til þess að
sauðfjárrækt og nautgriparækt,
ásamt ferðaþjónustu, skógrækt,
ræktun ýmissa garðávaxta og
ýmisleg önnur starfsemi, gætu
haldið áfram að dafna og skapa
þeim sem þetta stunda viðunandi
framfærslu. Á hinn bóginn
gæti aðild leitt til þess að okkar
eini kalkúnabóndi, okkar ca 4
svínabændur og 10-20 kjúklinga-
og eggjaframleiðendur gætu
lent í erfiðri samkeppni þar sem
framleiðsla þeirra, a.m.k. enn
sem komið er, byggist að mestu á
innflutningi fóðurs sem ræktað er
á erlendu akurlendi.
Þegar ég las þetta yfir fannst mér
eins og megin innihald þessarar
áhugaverðu landbúnaðarstefnu
ESB gæti sómt sér vel í stefnuskrá
Vinstri grænna og reyndar nær
allra hinna stjórnmálaflokkanna
á Íslandi, nema ef vera skyldi
Samfylkingarinnar sem er þó
eini stjórnmálaflokkurinn sem
hefur inngöngu Íslands í ESB á
stefnuskrá sinni! Þurfa ekki hinir
flokkarnir að leggjast undir feld og
skoða ESB og landbúnaðarmálin
betur?
Greinin birtist þann 16. júní sl. í
Fréttablaðinu
Landbúnaðarstefna
Evrópusambandsins.
Hugsum
m u
við viljum koma eftirfarandi skilaboðum til bænda um land allt.
Töluvert hefur verið birt í blöðunum að undanförnu af
gagnlegum upplýsingum um landbúnaðarstefnu ESB.
Umfjöllun um hana hefur verið af ýmsu tagi og sýnist sitt
hverjum sem algengt er um flókin og afdrifarík málefni. Ég
hef reynt að gera mér grein fyrir því hvaða stefnumál ESB
leggur aðaláherslu á og hver aðalmarkmiðin eru fyrir utan
það að tryggja tollfrítt flæði búvara á innri mörkuðum
sambandsins. Hér er aðeins rúm til að stikla á stóru.
Jaisland | www.jaisland.is
Já Ísland er sameiginlegur vettvangur
einstaklinga og félagasamtaka sem eru
hlynnt aðild Íslands að ESB enda
verði framtíðarhagsmunir þjóðarinnar
tryggðir. Auglýsingin er greidd með
frjálsum framlögum og vinnuframlagi
sjálfboðaliða. Já Ísland - Skipholti 50a,
105 Reykjavík | sími 517 8874 |
jaisland@jaisland.is
eftir Björn Sigurbjörnsson fyrrverandi ráðuneytisstjóri í landbúnaðarráðuneytinu
Beint frá smiðju, í sveit.
Íslensk gæða framleiðsla.
Vandaðar og fallegar
göngubrýr.
Vandaðir og traustir
ÞYNGDARKLOSSAR.
á þyngdarklossum.
Kynntu þér málið.
RÚLLUBAGGASPJÓT.
á rúllubaggaspjótum.
Kynntu þér málið.
ÞVOTTASNÚRUR.
Alvöru þvottasnúrur fyrir
íslenskar aðstæður.
Bendum á heimasíðuna okkar.
www.vig.is
Sími: 486-1810
LÉTTHLIÐ. Íslensk
framleiðsla á góðu verði.
HLIÐ fyrir þá sem gera kröfur.
Bændablaðið