Bændablaðið - 02.02.2012, Page 14

Bændablaðið | fimmtudagur 2. febrúar 201214
Hjónin Bergþóra Guðnadóttir og
Jóel Pálsson stofnuðu fatahönn-
unarfyrirtækið Farmers Market
fyrir sex árum og hefur starfsemin
vaxið ár frá ári. Þau eru einir
stærstu kaupendur ullar á Íslandi,
enda með um 400 vörunúmer á
lager og selja árlega hátt í 40 þús-
und flíkur til flestra heimshorna.
„Við höfum tekið varleg skref í
gegnum tíðina og því finnum við
ekki mikið fyrir efnahagsástand-
inu. Það varð mikil söluaukning
hér innanlands eftir hrun því versl-
unarferðum Íslendinga til útlanda
fækkaði mikið. Það sem hefur einnig
breyst frá því við byrjuðum fyrir sex
árum er að það er mun meira úrval
af íslenskri hönnun en var og okkur
finnst tíðarandinn vera þannig að
fólki finnist mikilvægara en áður
að versla hjá íslenskum hönnuðum
og fyrirtækjum,“ segir Bergþóra og
Jóel bætir við:
„Fólk vandar sig meira þegar það
verslar, það er ekki endilega magnið
sem skiptir máli heldur gæðin.“
Heimamarkaðurinn mjög stór
Þegar Jóel og Bergþóra hófu rekstur-
inn keyptu þau inn um 100 kíló af
íslenskri ull yfir árið en nú hlaupa
viðskiptin á fleiri tonnum á ári.
„Við erum talsvert í útflutningi
sem dreifist á mörg lönd. Stærstu
viðskiptavinirnir okkar eru í Japan
og hefur þetta útflutningsferli geng-
ið vel miðað við vinnu. Hingað til
höfum við farið á eina sýningu í
Kaupmannahöfn tvisvar sinnum á
ári, sem gefur vanalega af sér ný
sambönd, en einnig hafa fyrirtæki
samband við okkur að fyrra bragði,
einhver hefur séð vörurnar okkar í
verslunum og þannig veltur boltinn
áfram,“ útskýrir Jóel og segir jafn-
framt:
„Heimamarkaðurinn er enn mjög
stór hjá okkur og við finnum vel
hversu Íslendingar eru okkur vel-
viljaðir og hafa tekið vörunum okkar
vel, en það skiptir okkur miklu máli.
Vaxtarbroddurinn er augljóslega
erlendis en við tökum eitt skref í
einu í þeim efnum.“
Íslensk bæjarheiti á flíkunum
Í febrúar munu þau flytja í stærra
húsnæði, steinsnar frá núverandi
höfuðstöðvum, að Hólmaslóð á
Grandanum.
„Okkar viðskiptahugmynd bygg-
ir á íslenskri hefð en stór hluti af lín-
unni okkar er unninn úr íslenskri ull.
Þetta er einhver sérviska og áhugi
hjá mér að nota íslensku ullina en
einnig hugsjón,“ útskýrir Bergþóra
sem er hönnuður fyrirtækisins.
„Hugsunin er að nýta ræturnar
til að búa til eitthvað nýtt og við
notum jafnan sveitamenninguna
í okkar kynningarstarfi, það er til
dæmis ekki sjálfgefið í útlöndum
líkt og hér að fólk eigi nálæga
tengingu í sveitina.Við nefnum allar
okkar flíkur eftir íslenskum bæjum
og þannig reynum við jafnframt
að finna einhverja tengingu,“ segir
Bergþóra einnig.
Framleiðsla víða um heim
Vörur Farmers Market eru fram-
leiddar víða um heim, hjá Glófa og
Ístex hérlendis ásamt iðnum íslensk-
um prjónakonum og í framleiðslu-
fyrirtækjum í Evrópu og Asíu.
„Það er gaman að geta notað alla
þá framleiðslumöguleika sem eftir
eru hérlendis. Glófi hefur til dæmis
ekki undan að framleiða fyrir okkur
og við erum mjög heppin með að
hafa góða og vandaða framleiðendur
á bakvið okkur. Það er lykilatriði
fyrir okkur að berja ekki hausnum
við steininn yfir því sem ekki er
hægt að gera hérlendis, heldur nýta
þá möguleika sem eru til staðar,“
segir Jóel.
Hjá fyrirtækinu eru fjórir starfs-
menn í fullu starfi en fjöldi aðila
kemur að starfseminni á einn eða
annan hátt.
„Þetta sýnir okkur hvað lítil
fyrirtæki geta skapað mörg afleidd
störf, gert nýja hluti jákvæða og
haft áhrif á það sem fyrir er. Það eru
margir hlekkir í keðjunni sem skipta
gríðarlega miklu máli, það er margt
sem á eftir að smella saman þegar
ég hef hannað flík. Textíllinn er og
verður alltaf grunnurinn hjá okkur
en þó höfum við þetta ansi opið og
hugsum í allar áttir í framtíðinni,“
útskýrir Bergþóra.
/ehg
Fatahönnunarfyrirtækið Farmers Market:
Íslenska ullin í forgrunni
Jóel Pálsson og Bergþóra Guðnadóttir stofnuðu Farmers Market fyrir sex árum og eru einir stærstu kaupendur
ullar á Íslandi í dag. Mynd / Ari Magg
Þau Jóel og Bergþóra hafa átt mjög gott samstarf við Ara Magg ljósmyndara, sem túlkar stemninguna að þeirra
mati hárrétt og „gerir gott alltaf aðeins betra“, eins og Bergþóra komst að orði. Hér má sjá fyrirsætur í kápunum
„Keldur“ og „Barðastaðir“. Mynd / Ari Magg
Alls komu 1189 fiskar úr
Eyjafjarðará á liðnu ári; 780
bleikjur, sem er aðeins meira en
á árinu áður, 393 sjóbirtingar og
9 laxar. Aðalfundur Veiðifélags
Eyjafjarðarár var haldinn á dög-
unum þar sem gerð var grein fyrir
starfinu á liðnu ári.
Ágúst Ásgrímsson i Kálfagerði,
formaður Veiðifélags Eyjafjarðarár,
segir að veiði hafi farið seint af stað á
liðnu sumri sökum kulda og mikilla
vatnavaxta, sem stóðu alveg fram-
undir 20. júlí. „Um miðjan júlí var
til dæmis um það bil einum metra
meira í ánni en vant er,“ segir hann.
Veiði fór svo loks vel af stað síðustu
dagana í júlí, einkum á svæði 4 og
eins sást mikið af bleikju á svæði
5 þegar veiði hófst þar 1. ágúst.
Bleikjuveiði reyndist mest á svæði
4 þar sem náðust 355 bleikjur og 166
bleikjur veiddust á svæði 5.
Veiði á sjóbirting fór af stað upp
úr miðjum ágúst og var nær ein-
göngu á svæðum 3 og 2, en á síðar-
nefnda svæðinu dalaði veiði frá því
sem var í fyrra.
Seiðabúskapur á uppleið
Seiðabúskapur árinnar er ennþá
á uppleið, en hann náði algjöru
lágmarki eftir hamfarirnar miklu
þegar Djúpadalsvirkjun gaf sig,
seint á árinu 2007. Ágúst segir að
minkaveiðiátak sem staðið hefur yfir
á liðnum árum hafi haft gríðarlega
mikið að segja, en nánast sé búið
að útrýma mink á svæðinu. „Menn
verða að vera á verði gagnvart
minknum, allar gildrur sem komið
var fyrir þegar átakið stóð yfir eru
enn til staðar og þær vaktaðar,“ segir
Ágúst.
Tæplega 1200 fiskar komu úr
Eyjafjarðará í fyrrasumar og segir
Ágúst að búist sé við að áin verði
komin á gott ról árið 2016 hvað
bleikjuna varðar, þrátt fyrir að lofts-
lag fari hlýnandi.
Eyjafjarðará 2011:
Tæplega 1200
fiskar veiddust
- Veiði fór seint af stað