Fréttablaðið - 30.01.2012, Síða 6

30. janúar 2012 MÁNUDAGUR6
60,1
-2,1
-27,8
6,6
24,8
Surtsey
Hæsti meðalhiti
Kvísker
Mesta sólarhrings-
úrkoma
Upptyppingar
Kaldasti dagur ársins
HEILDARSÓLARSTUNDIR
MESTA ÚRKOMA EINN DAG
ALHVÍTIR DAGAR
Brúarjökull
Lægsti meðalhiti
Húsavík
Heitast
Reykjavík
Akureyri
Reykjavík
Akureyri
Reykjavík
Akureyri
1.464,9
979,4
38,8mm
25,7mm
67
86
Veður á Íslandi árið 2011
Stykkishólmur
28 fleiri úrkomudagar en í meðalári
Gagnheiði
Mesta vindhviða ársins
NÁTTÚRA Aldrei hefur verið snjór á
jörðu jafnmarga daga í desember
og í fyrra. Alhvítt var í Reykjavík
í 29 af 31 degi. Þetta kemur fram
í veðuryfirliti fyrir síðasta ár, sem
Trausti Jónsson veðurfræðingur
hefur birt á heimasíðu Veðurstof-
unnar.
Hæsti hitinn mældist á Húsavík
þann 27. júlí, en þá var 24,8 stiga
hiti. Sami dagur var einnig sá hlýj-
asti á Akureyri og mældist hitinn
22,1 stig. Hitinn í Reykjavík fór
hæst í 20 stig þann 5. ágúst. Lægst
fór hitinn í Reykjavík hins vegar í
-12,5 stig þann 13. mars. Á Akureyri
varð kaldast 6. desember, -16,8 stig,
en kaldast varð á landinu við Upp-
typpinga tveimur dögum síðar, -27,
8 stig.
Meðalhitinn í Reykjavík var 5,4
stig sem er 1,1 stigi fyrir ofan með-
altal. Hitinn í nóvember var þremur
gráðum meiri en í meðalári en í des-
ember var hitinn 1,7 gráðum undir
meðallagi. Meðalhitinn á landinu
var hæstur í Surtsey, þar sem hann
var 6,6 stig, en lægstur var hitinn
á Brúarjökli, -2,1 stig að meðaltali.
Mun úrkomusamara var í fyrra
en árið áður og mældist úrkom-
an í Reykjavík þrettán prósentum
meiri en í meðalári, 904 millimetr-
ar. Apríl var vætusamastur en þá
mældist meira en tvöföld meðal-
úrkoma á meðan úrkoma var innan
við þriðjung af meðallagi í júní.
Mesta úrkoma á einum sólarhring
var þann 3. júlí í Kvískerjum í
Öræfum. Þá mældist úrkoma 135,5
millimetrar.
174 úrkomudagar voru í Reykja-
vík á liðnu ári, sem er 26 dögum
meira en í meðalári, og 65 dögum
meira en árið áður.
Fyrstu vetrarmánuðir ársins
voru snjóléttir og alhvítir dagar
voru aðeins tveir í Reykjavík í janú-
ar. Fram í maí voru 33 snjódagar,
þar af var alhvít jörð í byrjun maí,
sem er óvenjulegt. Á móti hefur
veturinn nú frá hausti verið snjó-
þungur, sem varð til þess að yfir
árið voru snjódagarnir tólf dögum
fleiri en í meðalári. Sömu sögu var
að segja á Akureyri, þar sem alhvít-
ir dagar voru 26 fleiri en í meðal-
ári. Í desember var snjór á jörðu
alla daga, en hvít jörð var í 86 daga
yfir árið sem er 33 dögum minna en
í meðalári.
Meðalvindhraði hefur ekki mælst
meiri frá árinu 1993 og mældist
mesti vindhraði á tíu mínútna kafla
í Jökulheimum í febrúar, 46,9 metr-
ar á sekúndu. Mesta vindhviðan var
60 metrar á sekúndu á Gagnheiði í
mars.
thorunn@frettabladid.is
Metsnjór í desember
Snjór var á jörðu í höfuðborginni 29 af 31 degi í desember. Aldrei áður hefur
verið alhvítt jafnmarga daga. Árið var hlýtt, vindasamt og úrkomusamt.
VIÐSKIPTI Hagar högnuðust um
1.867 milljónir á þriðja ársfjórð-
ungi rekstrarársins 2011 til 2012.
Jafngildir hagnaðurinn 3,7 prósent-
um af veltu fyrirtækisins á tíma-
bilinu. Þetta kemur fram í árs-
hlutauppgjöri Haga fyrir tímabilið
1. mars til 30. nóvember 2011 sem
birt var fyrir helgi.
Rekstrartekjur tímabilsins námu
49,9 milljörðum króna samanbor-
ið við 49,2 milljarða á sama tíma-
bili fyrra rekstrarárs. Að teknu
tilliti til brotthvarfs 10-11 úr Haga-
samsteypunni nam söluaukning
4,9 prósentum milli ára. Þá voru
heildareignir samstæðunnar 24,65
milljarðar í lok tímabilsins og eigið
fé 5,7 milljarðar. - mþl
Árshlutauppgjör Haga birt:
Vörusala Haga
jókst um 4,9%
HAGKAUP Meðal þeirra sautján fyrir-
tækja sem Hagar reka eru Hagkaup,
Bónus, Zara og Topshop.
FRÉTTABLAÐIÐ/VILHELM
SKIPULAGSMÁL Halda á hugmynda-
samkeppni um framtíð útivistar-
og skógræktarsvæðisins í Öskju-
hlíð. Í greinargerð sem lögð var
fyrir skipulagsráð Reykjavíkur
kemur fram að markmiðið sé að
skapa sátt um framtíð og nýtingu
svæðisins.
„Ef heimila á nýja starfsemi í
Öskjuhlíð sem krefst nýrra mann-
virkja þá er réttast að það verði
gert með endurskoðun á skipulagi
Öskjuhlíðar þar sem hlutverk og
starfsemi svæðisins verður endur-
metin í ljósi uppbyggingaráforma
í nágrenninu og hlutverki Öskju-
hlíðar sem útivistarsvæðis í miðri
borg,“ segir í greinargerð þar sem
kynnt er sú ákvörðun borgarráðs
að fela skipulagsráði málið.
„Þar sem Öskjuhlíðin er vinsæl
til útiveru er mikilvægt að hvetja
til almennrar þátttöku í hugmynda-
leit um vernd, nýtingu og framtíð-
arskipulag,“ segir í forskriftinni til
skipulagsráðs. Bent er á að í Öskju-
hlíð sé mikið af jarðsögulegum og
menningarlegum minjum.
Fram hefur komið að bæði hæst-
bjóðendur í Perluna og eigendur
Keiluhallarinnar hafa hug á hótel-
byggingum í og við Öskjuhlíð. - gar
Hugmyndasamkeppni um skipulag Öskjuhlíðar með framtíðarnýtingu í huga:
Vilja ná sátt um nýtingu Öskjuhlíðar
ÖSKJUHLÍÐ Meginstefnan í endurskoð-
uðu skipulagi verður að áfram verði
fjölsóttur útvistarskógur í Öskjuhlíð.
FRÉTTABLAÐIÐ/PJETUR
SVEITARSTJÓRNIR Í tilefni af sjötíu
ára afmæli Akraneskaupstaðar
setur bærinn átta milljónir króna
í sjóð vegna endurnýjunar sýning-
arbúnaðar Bíóhallarinnar. Heild-
arkostnaður er áætlaður 17 til 19
milljónir.
Bærinn verður bakhjarl og
hefur umsjón með sjóðnum. Efna
á til söfnunarátaks, meðal annars
með styrktartónleikum. Með end-
urnýjun sýningarbúnaðarins eiga
til dæmis að opnast möguleikar til
beinna útsendinga frá menningar-
og íþróttaviðburðum. - gar
Sjötíu ára kaupstaðarafmæli:
Safnað fyrir
sýningarbúnaði
MENNTAMÁL Rannsóknarstofa í
menntunarfræðum ungra barna
við Háskóla Íslands (RannUng)
hefur gert starfssamning við
fimm sveitarfélög til að auka
þekkingu og gæði á leikskóla-
starfi. Sveitarfélögin eru Garða-
bær, Hafnarfjörður, Kópavogur,
Mosfellsbær og Seltjarnarnes.
Samningurinn er til þriggja ára
og verður fyrsta rannsóknin um
tengsl leiks við námssvið aðal-
námskrár leikskóla frá árinu
2011.
Starfendarannsókn og þróunar-
vinna verður unnin í fimm leik-
skólum, einum í hverju sveitar-
félagi, árin 2012 til 2014. - sv
Leikskólastarf skal bætt:
Samningur við
5 sveitarfélög
VÍSINDI Smástirni sem talið er
vera um ellefu metrar að þver-
máli skaust framhjá jörðinni á
miklum hraða um klukkan 16 á
föstudaginn. Vísindamenn voru
þess fullvissir að engin hætta
væri á að það lenti á jörðinni.
Smástirnið, sem kallað er
BX34, var í um 60 þúsund kíló-
metra fjarlægð frá jörðinni
þegar það komst næst henni, sem
er um fimmtungur af fjarlægð-
inni milli jarðarinnar og tungls-
ins. Aðeins er vitað um 20 tilvik
þar sem smástirni hefur farið svo
nærri jörðu. - bj
Smástirni fer nærri jörðu:
Engin hætta
sögð á árekstri
VIÐSKIPTI Stjórn Lífeyrissjóðs
verzlunarmanna hefur falið lög-
mönnum að gæta hagsmuna
sjóðsins vegna ágreinings um
gjaldmiðlavarnarsamninga við
gamla Glitni og gamla Kaupþing.
Í tilkynningu frá sjóðnum
segir að í þrjú ár hafi árangurs-
laust verið leitað eftir samkomu-
lagi um lausn á málinu, en nú sé
svo komið að leita þurfi annarra
leiða, jafnvel með atbeina dóm-
stóla.
Forsvarsmenn sjóðsins telja
kröfur bankanna á hendur þeim
vegna samninganna vera óeðli-
legar, enda hafi allar forsendur
fyrir samningunum brostið við
fall fyrsta viðskiptabankans.
Hafinn hefur verið undirbún-
ingur að málshöfðun til að afla
nauðsynlegra gagna til sönnunar
því að stjórnendur bankans hafi
brotið gegn hagsmunum sjóðsins.
- sh
Ágreiningur við bankana:
LV undirbýr
mál gegn Glitni
og Kaupþingi
Telur þú að „strákarnir okkar“
eigi að fá greitt fyrir að spila
fyrir Ísland?
JÁ 53,6%
NEI 46,4%
SPURNING DAGSINS Í DAG:
Vilt þú að kona taki við
embætti biskups Íslands?
Segðu skoðun þína á visir.is
KJÖRKASSINN