Fréttablaðið - 30.01.2012, Blaðsíða 47

MÁNUDAGUR 30. janúar 2012 23
Pabbinn ósáttur við
tískusýningu Gaultier
Mitch Winehouse, faðir söngkon-
unnar sálugu Amy Winehouse, hefur
gagnrýnt tískuhönnuðinn Jean Paul
Gaultier fyrir tískusýninguna sem
hann hélt í París til heiðurs Amy.
Á sýningunni gengu fyrirsætur
eftir sýningarpallinum og litu út
alveg eins og Amy; reykjandi, með
sömu hárgreiðslu og förðun. „Fjöl-
skyldan hennar komst í mikið upp-
nám þegar hún sá þessar myndir.
Við erum ennþá að syrgja hana og
þessi vika hefur verið erfið vegna
þess að sex mánuður eru liðnir frá
dauða Amy,“ sagði faðir hennar. „Að
sjá ímynd hennar notaða til að selja
föt var eitthvað sem við bjuggumst
ekki við.“
Hann bætti því við að Gaultier
hefði ekki boðist til að láta fé af
hendi rakna til Amy Winehouse-
stofnunarinnar og öll uppákoman
hefði greinilega verið haldin til
að hann gæti grætt meiri pening.
Gaultier hefur sjálfur sagt að sýn-
ingin hafi verið haldin til heiðurs
Amy og að vinnan við hana hafi
verið mjög ánægjuleg.
GAGNRÝNIR GAULTIER Mitch
Winehouse hefur gagnrýnt Jean
Paul Gaultier fyrir tískusýningu
hans. NORDICPHOTOS/GETTY
Nýbökuðu foreldrarnir Beyoncé
og Jay-Z hafa beðið sjónvarps-
drottninguna Oprah Winfrey
um að vera guðmóður dóttur
þeirra, Blue Ivy Carter. Stúlkan
fæddist 8. janúar síðastliðinn og
var það ósk Beyoncé og Jay-Z að
guðforeldrarnir væru ekki hluti
af fjölskyldum þeirra en guð-
faðirinn er umboðsmaður Jay-
Z, Tyran „Ty Ty“ Smith. Þrátt
fyrir ungan aldur er barnið
orðið einn af frægustu einstak-
lingum í heimi og ætti ekki að
örvænta með eina valdamestu
konu heims sem guðmóður en
Winfrey sjálf er barnlaus.
Oprah Winfrey
guðmóðir
GUÐMÓÐIRIN Blue Ivy Carter fær eina
valdamestu konu í heimi sem guð-
móður, sjálfa spjallþáttadrottninguna
Oprah Winfrey. NORDICPHOTOS/GETTY
Eftirlifandi meðlimir grínhóps-
ins Monty Python ætla að starfa
aftur saman á hvíta tjaldinu
eftir langt hlé. Að sögn leik-
stjórans Terry Jones verður
myndin í vísindaskáldsögustíl
og heitir Absolutely Anything.
Um teiknimynd er að ræða þar
sem Python-hópurinn mun ljá
hópi geimvera rödd sína. „Þetta
er ekki Monty Python-mynd en
hún líkist þeim samt að einhverju
leyti,“ sagði Jones.
John Cleese, Terry Gilliam
og Michael Palin taka allir þátt
og hugsanlega Eric Idle. Robin
Williams mun tala fyrir hundinn
Dennis.
Python aftur
saman í bíó
SNÚA AFTUR John Cleese og félagar
hans í Monty Python ætla að starfa aftur
saman eftir langt hlé.
Fjölbragðaglímukappinn
Hulk Hogan var nálægt því að
ganga til liðs við hljómsveit-
ina Metallica á fyrstu árum
hennar. Hogan starfaði á sínum
yngri árum sem hljóðversspil-
ari og var góður vinur tromm-
arans Lars Ulrich. „Ég spilaði
á bassa. Ég var góður vinur
Lars Ulrich og hann spurði mig
hvort ég vildi spila á bassa með
Metallica en það varð ekkert
úr því,“ sagði Hogan í viðtali
við The Sun. Hann bætti því við
að hann væri mikill aðdáandi
bresku sveitarinnar The Stone
Roses.
Metallica
vildi Hogan
HULK HOGAN Fjölbragðaglímukapp-
inn var nálægt því að ganga til liðs við
Metallica.
VÍTAMÍN-FJÖLSKYLDAN
ÍSLENSK FRAMLEIÐSLA LITLAR TÖFLUR NÝTT OG BETRA BRAGÐ
FÆST Í ÖLLUM HELSTU APÓTEKUM OG STÓRVÖRUVERSLUNUM LANDSINS
SJÁ NÁNAR Á VITAMIN.IS
Vítamín sem mæta þörfum allra á heimilinu
NÝTT
BARNAVÍTAMÍN
TUGGUTÖFLUR