Fréttablaðið - 20.02.2012, Qupperneq 6

20. febrúar 2012 MÁNUDAGUR6
ORKUMÁL Össur Skarphéðinsson
utanríkisráðherra undirritaði fyrir
helgi yfirlýsingu um víðtækt sam-
starf Íslands og Japans á sviði jarð-
hitanýtingar. Japönsk sendinefnd,
þar sem meðal annarra eru þing-
menn og fulltrúar frá þarlendum
fyrirtækjum og stofnunum, er
stödd hér á landi til að kynna sér
nýtingu jarðhita, en í Japan standa
fyrir dyrum miklar breytingar í
orkumálum.
Fram að hörmungunum sem
riðu yfir Japan fyrir rétt tæpu ári
síðan var tæpur þriðjungur raf-
magnsframleiðslu í landinu háður
kjarnorkuverum. Slysið sem varð
í Fukushima kjarnorkuverinu eftir
náttúruhamfarirnar olli mikilli
umhverfisvá sem ekki sér enn fyrir
endann á.
Ein afleiðing þessa er að Japan-
ir hafa endurskoðað alla sína orku-
stefnu með það fyrir augum að loka
öllum 54 kjarnorkuverum landsins
á næstu árum og auka þess í stað
hlut endurnýjanlegra orkugjafa.
Talsverður hiti er í jörð í Japan,
enda er landið á eldfjallaeyju á
flekaskilum, og þar hefur jarð-
hiti verið notaður til raforkufram-
leiðslu. Í samtali við Fréttablaðið
segir Össur hins vegar að áhersla
Japana með samkomulaginu sé
ekki síst að sækja íslenska sér-
þekkingu í uppsetningu hitaveitna.
„Þó þeir hafi að vissu leyti verið
frumkvöðlar í raforkuframleiðslu
úr jarðhita hefur sú tækni staðnað
hjá þeim, en hér á landi sjá þeir
fremstu tækni bæði í raforku-
framleiðslu og hitaveitu. Þeir nota
jarðhita til að framleiða rafmagn
en nota ekki vatnið sem fellur til,
sem við notum til að hita um 80%
af íslenskum húsum.“
Möguleikar fyrir sér-
þekkingu Íslendinga
Ísland og Japan hafa undirritað viljayfirlýsingu um samvinnu í orkumálum.
Vilja skipta um stefnu í orkumálum og sækja hingað sérþekkingu í upp-
setningu hitaveitna. Utanríkisráðherra sér mikil tækifæri fyrir íslenska aðila.
Fundirnir að þessu sinni snerust
einmitt um með hvaða hætti Íslend-
ingar gætu séð Japönum fyrir þekk-
ingu og sérfræðingum. Össur segir
markmið Japana einmitt að ráðast í
verkefnið eins fljótt og auðið er.
Össur segir líklegt að ef af yrði
gæti aukin áhersla á hitaveitu
Japan ráðið bót á þörf landsins
fyrir hreina orku og sparað þjóð-
arbúinu mikinn gjaldeyri vegna
minni innflutnings. Þá hafi Japanir
metið það sem svo að með aukinni
nýtingu á jarðhitasvæðum sínum
gætu þeir framleitt raforku sem
jafngildi framleiðslu 23ja af þeim
kjarnorkuverum sem til stendur að
leggja niður.
„Sömuleiðis skapast þarna mikl-
ir möguleikar fyrir Ísland og
Íslendinga að koma sinni þekkingu
á markað.“
Í tilkynningu frá utanríkisráðu-
neytinu er haft eftir formanni
japönsku nefndarinnar að innan
japanska þingsins væri „lögð höfuð-
áhersla á að mæta orkuþörf lands-
ins með nýtingu endurnýjanlegra
orkugjafa og þar væri jarðhiti afar
mikil vægur“. thorgils@frettabladid.is
MENNTAMÁL Nýlega undirrituðu
Kristín Linda Árnadóttir, for-
stjóri Umhverfisstofnunar, og
Ágúst Sigurðsson, rektor Land-
búnaðarháskólans, samstarfs-
samning um að efla fræðslu
og menntun á sviði náttúru- og
umhverfisverndar.
Áhersla í samstarfinu er á
menntun landvarða sem er hluti
af námsbraut Landbúnaðarhá-
skólans í Náttúru- og umhverfis-
fræðum. Nemendur sem ljúka
námi hafa rétt til að kalla sig
landverði og taka að sér störf á
náttúruverndarsvæðum, segir í
samstarfssamningnum. - shá
Náttúru- og umhverfisvernd:
Samstarf um
nám landvarða
Lesa skal vandlega leiðbeiningar á umbúðum og fylgiseðli.
Nicotinell lyfjatyggigúmmí inniheldur 2 mg eða 4 mg nikótín (nikótínpólacrillín). Nicotinell lyfjatyggigúmmí er notað til að draga úr nikótínþörf og
fráhvarfseinkennum nikótíns hjá einstaklingum sem eru háðir nikótíni. Þannig getur það auðveldað reykingafólki sem vill hætta að reykja að hætta
eða að draga úr reykingum. Ekki má nota fleiri en 25 stk. 2 mg lyfjatyggigúmmí eða meira en 15 stk. 4 mg lyfjatyggigúmmí á sólarhring. Ef þú ert
með ofnæmi fyrir nikótíni eða einhverju öðrum innihaldsefnum eða reykir ekki má ekki nota Nicotinell lyfjatyggigúmmí. Ráðfærðu þig við lækninn
eða lyfjafræðing ef þú hefur nýlega fengið hjartabilun eða hjartastopp - ert með hjartasjúkdóma, of háan blóðþrýsting, sykursýki, ofvirkan
skjaldkirtil, ofvirkar nýrnahettur, alvarlega skerta nýrna- og/eða lifrarstarfsemi eða magasár. Ef þú ert barnshafandi eða með barn á brjósti máttu
einungis nota lyfið í samráði við lækni. Lyfið er ekki ætlað börnum yngri en 18 ára nema í samráði við lækni. Geymið þar sem börn hvorki ná til né
sjá. Markaðsleyfishafi: Novartis Healthcare. Umboð á Íslandi: Artasan ehf., Suðurhraun 12a, 210 Garðabæ.
20%
afslátturGildir einungis í verslunum Lyfja & heilsu
KJÖRKASSINN
Lætur þú þig komandi biskups-
kjör varða?
Já 26,6%
Nei 73,4%
SPURNING DAGSINS Í DAG:
Borðar þú bollur á bolludag-
inn?
Segðu þína skoðun á Vísi.is
SAMKOMULAGIÐ UNDIRRITAÐ Utanríkisráðherra undirritaði samstarfsyfirlýsingu
um samvinnu í orkumálum við japanska sendinefnd sem stödd er hér á landi.
FRÉTTABLAÐIÐ/VILHELM
Fram til þessa hefur verið þó nokkur goðgá að brydda upp á því að nýta
jarðhita í Japan til orkuframleiðslu eða hitaveitu. Flest jarðhitasvæði landsins
eru innan þjóðgarða og verndarsvæða þar sem afar strangar reglur gilda.
Auk þess er heitt vatn mikið notað í hinni hefðbundnu baðmenningu
Japana sem er stór hluti af ferðamannaiðnaði þar í landi og eru ferða-
þjónustuaðilar því ekki alfarið hrifnir af hugmyndunum.
Ný stefna stjórnvalda er hins vegar að losa um þær reglugerðir til að auka
tækifæri á nýtingu.
Umdeild nýting jarðvarma
SAFNAMÁL Stjórn Víkurinnar — sjóminja safnsins
í Reykjavík hefur farið þess á leit við borgar-
yfirvöld að safnið verði gert að borgarsafni. Eftir
þessu óskar stjórn safnsins bæði af rekstrarlegum
ástæðum en ekki síður faglegum. Tillagan er til
umfjöllunar hjá menningar- og ferðamálasviði.
Arna Garðarsdóttir, stjórnarformaður safnsins,
segir rekstur safnsins ekki í uppnámi. „Ýmislegt
breyttist árið 2008, til dæmis styrkir til safnsins.
Það sem við erum ekki síst að horfa til með því
að verða borgarsafn eru kynningarmál. Ef safnið
er kynnt sem borgarsafn getum við náð til okkar
fleiri gestum.“
Gamla varðskipið Óðinn er hluti af safninu. „Það
er töluverður kostnaður við að reka hann án þess
að fjárveitingar hafi borist frá ríkinu. Upphaflega
var talið að tíu milljónir þyrfti til að sjá um skipið,
en það hefur ekki skilað sér,“ segir Arna.
Reykjavíkurborg og Reykjavíkurhöfn stofnuðu
til safnsins formlega árið 2004. Árið 2007 fékk
safnið húsnæði sitt að gjöf frá Reykjavíkurhöfn,
þá nýuppgert. Ákveðið var að safnið yrði sjálfs-
eignarstofnun sem rekin yrði með aðstoð fyrir-
tækja, sem frá upphafi hafa verið HB Grandi,
Eimskip og Íslandsbanki. Í bréfi stjórnar er tekið
fram að fyrirtækin sem styrkt hafa safnið hyggj-
ast gera það áfram, óháð framgangi málsins. - shá
Stjórn Víkurinnar — sjóminjasasfns vill byggja upp undir væng borgarinnar:
Vilja að Víkin verði borgarsafn
VÍKIN - SJÓMINJASAFN Á tæpum áratug hefur verið byggt upp
glæsilegt safn. FRÉTTABLAÐIÐ/STEFÁN
SLYS Fiskiskipið Páll-Jónsson
GK-007 varð stjórnvana um
fimmleytið í gær þegar skipið var
í innsiglingu út frá Grindavík með
14 í áhöfn. Þó var hægt að stýra
skipinu að einhverju leyti með
hliðarskrúfum.
Óskað var eftir aðstoð Land-
helgisgæslunnar og varð stjórar
í stjórnstöð kölluðu strax út með
mesta forgang björgunarskip
Slysavarnarfélagsins Lands-
bjargar, Odd V. Gíslason og
björgunar sveitina í Grindavík. Þá
var þyrla LHG einnig kölluð út á
mesta forgang.
Um klukkan korter í sex hafði
skipið samband og lét vita að
það væri komið inn fyrir hafnar-
garða Grindavíkurhafnar og nyti
aðstoðar björgunarskipsins Odds
V. Gíslasonar.
Þegar skipið var komið að
bryggju um klukkan átta mínútur
í sex var hættuástandi aflýst
og þyrlan afturkölluð sem og
björgunar sveitir.
Varðstjórar í stjórnstöð
fylgdust með atburðarrás í gegn-
um fjarskipti og ferilvöktunar-
kerfi stöðvarinnar.
- jhh
Björgunarskip aðstoðaði fiskiskip sem varð stjórnvana:
Hættuástand við Grindavík
ÞYRLAN KÖLLUÐ ÚT Þyrla Land-
helgisgæslunnar var kölluð út sem og
björgunar skip Slysavarnarfélagsins
Landsbjargar sem aðstoðaði skipið að
komast að bryggju.
VIÐSKIPTI Tilboðin sem gerð
voru í Perluna voru á bilinu
500 milljónir króna upp í 1688
milljónir króna. Það var Garðar
K. Vilh jálmsson héraðsdóms-
lögmaður sem átti hæsta tilboðið
fyrir hönd óstofnaðs félags, eins
og fram hefur komið. Það tilboð
var gert með fyrirvara um hag-
kvæmnisathugun. Í tveimur til-
fellum var um staðgreiðslutil-
boð að ræða og hæsta tilboðið
var annað þeirra. Eitt tilboðið
hljóðaði upp á verðhugmynd á
bilinu 500-1500 milljónir.
Perlan var auglýst til sölu í
september síðastliðnum og rann
tilboðsfrestur út 18. október.
Sex tilboð bárust og var ákveðið
að ganga til viðræðna við hæst-
bjóðanda. Ákveðið var að skrifa
undir viljayfirlýsingu um sölu
á Perlunni við þá aðila sem áttu
hæsta tilboð í eignina. Með henni
fengu bjóðendur frest til 31. mars
næstkomandi til að aflétta fyrir-
vörum í tilboði sínu. Fyrir vararnir
miðast við að treysta forsendur
hagkvæmniathugunar, sem liggur
til grundvallar tilboðinu. - jhh
Tilboðin í Perluna birt:
Á bilinu 500 til
1.700 milljónir
PERLAN Orkuveita Reykjavíkur auglýsti
Perluna til sölu í fyrra.
Dýrkeypt pítsa
Pitsasendill óskaði eftir aðstoð lög-
reglu á gistiheimili í austurbæ Reykja-
víkur en hann hafði ekki fengið greitt
fyrir pítsu sem pöntuð var þangað.
Þegar lögreglumenn komu og ræddu
við þá sem pöntuðu pítsuna ráku þeir
augun í fíkniefni. Þeir voru því hand-
teknir á staðnum og lagt var hald á
töluvert magn af fíkniefnum.
LÖGREGLUFRÉTTIR
MENNTAMÁL Breytingar á reglu-
gerð um innritun í framhalds-
skóla hafa verið kynntar hags-
munaaðilum, að því er fram
kemur í svari Arnórs Guðmunds-
sonar, skrifstofustjóra í mennta-
málaráðuneytinu, við fyrirspurn
Fréttablaðsins.
Ráðuneytið undirbýr nú
breytingarnar, en þær koma, að
sögn Arnórs, til móts við nýlegt
álit Umboðsmanns Alþingis og
mun reglan um forgang hverfa
ekki gilda í innritun nýnema í
framhaldsskóla í vor.
Umboðsmaður Alþingis
úrskurðaði í janúar að hverfa-
forgangur framhaldsskóla á
höfuðborgarsvæðinu bryti gegn
jafnræðisreglu. - óká
Ný reglugerð í vinnslu
Búið að kynna
breyttar reglur
Klemmdi fót lögreglunnar
Ríkissaksóknari hefur ákært mann
fyrir að ráðast á lögregluþjón sem
var að handtaka vin hans. Manninum
er gefið að sök að hafa óhlýðnast
fyrirmælum og sparkað í hurð lög-
reglubílsins þannig að fótur lögreglu-
mannsins klemmdist og hruflaðist.
DÓMSTÓLAR
SPÁNN Tekjur spænska ríkisins af
sölu tóbaks hafa dregist saman
þrátt fyrir að yfirvöld hafi í fyrra
hækkað opinber gjöld á tóbak.
Sala á tóbaki hefur minnkað um
17 prósent og er ástæðan rakin
til þess að smygl á tóbaki hefur
aukist mikið.
Tóbakssali á Spáni full yrðir að
kínversk gengi smygli hundruðum
tonna af tóbaki til Spánar í
gegnum Afríku. Kínverjarnir
selji tóbakið, sem meðal annars
er hægt að nálgast á neðanjarðar-
lestar stöðvum, á hálfvirði. - ibs
Auknar álögur á tóbak:
Smygla hundr-
uðum tonna