Fréttablaðið - 21.08.2012, Page 11

ÞRIÐJUDAGUR 21. ágúst 2012 11
DANMÖRK Umboðsmaður neytenda í Dan-
mörku á í framtíðinni að fá möguleika til að
fylgjast með verðstefnu bankanna. Þar með
munu bankar fara undir sama hatt og selj-
endur notaðra bíla, útvarpa, reiðhjóla og
alls mögulegs annars. Á fréttavef Politiken
segir að þetta sé liður í víðtækri áætlun
danskra stjórnvalda um aukið gagnsæi í
neytendamálum.
Þar til árið 2002 fylgdist umboðsmaður
neytenda í Danmörku með verðupplýsing-
um bankanna en margra ára deilu þáver-
andi umboðsmanns og lánastofnana lauk
með því að danska þingið fól fjármálaeftir-
litinu verkefnið. Það hefur hins vegar um
árabil sætt gagnrýni fyrir að gera ekki nóg.
Verkefninu verður framvegis sinnt af bæði
umboðsmanni neytenda og fjármálaeftir-
litinu.
Við nýlega könnun danska fjármálaeftir-
litsins á þrjátíu bönkum komu í ljós villur
í verðupplýsingum 29 banka. Sumir voru
kærðir til lögreglu en aðrir fengu áminn-
ingu og sektir, að því er kemur fram á vef
Politiken.
Þar er jafnframt greint frá því að hægt
verði að sekta banka fyrir að gefa viðskipta-
vinum slæm ráð um lán. Viðskiptavinir eiga
ekki lengur að geta keypt húsnæði sem er
eiginlega of dýrt með því að fjármagna það
með ódýrum en jafnframt áhættusömum
lánum. - ibs
Dönsk stjórnvöld leggja fram víðtæka áætlun um gagnsæi í neytendamálum til að auka öryggi:
Aukið eftirlit með verði og ráðgjöf banka
Í DANMÖRKU Hægt verður að sekta banka gefi þeir
slæm ráð um lán. NORDICPHOTOS/AFP
SJÁVARÚTVEGUR Smábáturinn
Bíldsey SH setti á dögunum nýtt
aflamet. Báturinn kom með 22,5
tonn í land eftir túr þann 13. ágúst
og hefur smábátur yfir tíu brúttó-
tonnum aldrei veitt meira. Fyrra
metið var 22,3 tonn. Frá þessu er
greint á vef Aflafrétta.
Báturinn er þrjátíu tonna krók-
aflamarksbátur með fjóra í áhöfn.
Aflinn sem var að mestu leyti
þorskur var tekinn á sextán rekka
eða 19.600 króka. Þorskurinn fór
allur beint í sölu en aðrar tegundir
voru seldar á fiskmarkaði. Skip-
stjórinn gerir ráð fyrir því að verð-
mæti aflans nemi milli sjö og átta
milljónum króna. - bbi
Átta milljónir í dagstúr:
Bíldsey SH setti
nýtt aflamet
DANMÖRK Nær sex af hverjum tíu
Dönum hafa síðastliðið ár keypt
bjór og gosdrykki í verslunum í
Þýskalandi rétt við landamæri
Danmerkur, að því er niðurstöð-
ur könnunar dönsku kaupmanna-
samtakanna sýna.
Fyrir fjórum árum var þessu
öfugt farið. Þá svöruðu 62 pró-
sent að þau versluðu aldrei eða
næstum aldrei hinum megin
landamæranna.
Stór hluti drykkjanna sem
Danir kaupa í Þýskalandi er
framleiddur í Danmörku. Í fyrra
fluttu Danir út 1,2 milljarða
eininga til landamæraverslana í
Þýskalandi. - ibs
Viðskipti við landamærin:
Danir kaupa
danskan bjór
í Þýskalandi
DANSKUR BJÓR Bjórinn sem Danir
kaupa í Þýskalandi er oft danskur.
HEILBRIGÐISMÁL Stöðvuð hefur
verið sala á tveimur tegund-
um fæðubótarefna í verslunum
Sportlífs, jafnt á netinu sem í
verslunum í Glæsibæ og Holta-
görðum.
Á vef Matvælastofnunar kemur
fram að um sé að ræða Vitamin
B-Complex 75 frá fyrirtækinu
BioTech USA í Bandaríkjunum og
StressCaps frá franska fyrirtæk-
inu FoodCaps. Í báðum tilvikum
var í fæðubótarefnunum að finna
plöntuafurðir sem fengið hafa B-
flokkun lyfja hjá Lyfjastofnun. - óká
B-flokkuð lyf fundust:
Sala fæðubótar-
efna stöðvuð
FJÖLMIÐLAR Mikael Torfason, blaða-
maður og rithöfundur, hefur verið
ráðinn ritstjóri Fréttatímans við
hlið Jónasar Haraldssonar.
„Báðir hafa þeir áratuga reynslu
af fjölmiðlum, Jónas yfir 35 ára
reynslu en Mikael hefur verið
kraftmikill blaðamaður á Íslandi
síðustu sextán ár,“ segir í tilkynn-
ingu. Um leið tekur Valdimar
Birgisson, auglýsingastjóri Frétta-
tímans, við framkvæmdastjór-
astarfinu af Teiti Jónassyni. Teitur
verður áfram útgefandi blaðsins
og útgáfustjóri. Breytingarnar eru
sagðar liður í endurskipulagningu
en eignarhald verði áfram óbreytt.
- óká
Eignarhald áfram óbreytt:
Fréttatíminn
ræður ritstjóra
LEIKHÚSKORT
Á VILDARKJÖRUM
Arion banki býður viðskiptavinum í Vildarþjónustu Leikhúskort
Þjóðleikhússins á sérstökum vildarkjörum.
Veldu þér fjórar sýningar af spennandi efnisskrá Þjóðleikhússins og settu þær
á Leikhúskortið þitt. Þú finnur allt um efnisskrá Þjóðleikhússins á leikhusid.is.
Almennt kort 10.900 kr. – fullt verð er 12.900 kr.
Ungmennakort fyrir 25 ára og yngri 7.900 kr. – fullt verð er 9.900 kr.
Afslátturinn gildir ef greitt er með greiðslukorti frá Arion banka.
Gildir til og með 3. september nk.
Leikhúskortin fást í miðasölu Þjóðleikhússins. Miðasalan er opin alla daga
milli 12 og 18, síminn er 551 1200.