Fréttablaðið - 18.12.2012, Blaðsíða 6
18. desember 2012 ÞRIÐJUDAGUR| FRÉTTIR | 6
Sölustaðir: Epli, Bókabúð Máls og menningar,
Bókaverslun Stefáns Þórarinssonar, Myndiðjan, Omnis,
Símabúðin Firði, Superkaup.is
Dreifing: Demantskort, sími 860-8832
i-Helicopter
Stjórnað með iPhone, iPad, iPod touch
Hafdís og Klemmi eru sniðugir
krakkar sem snúa hversdags-
legum atburðum upp í ævintýri!
Þau velta ýmsu fyrir sér. Af hverju
að standa við gefin loforð?
Geta góðverk lýst öðrum veginn?
Brúður og syngjandi börn koma
einnig við sögu ásamt Tinnu
táknmálsálfi.
Fæst í verslunum víða um land.
1. Hver er áætlaður byggingar-
kostnaður Húss íslenskra fræða?
2. Hvar á Norðurlöndum er öryggi
gangandi vegfarenda minnst?
3. Hvaða nýju ríkisstofnun á að koma
á legg á næsta ári?
SVÖRIN
1. Rúmir þrír milljarðar króna. 2. Á Íslandi.
3. Mannréttindastofnun.
FRÉTTABLAÐIÐ, BRUSSEL Tveir
veigamestu samningskaflarnir í
aðildarviðræðum Íslands við ESB,
varðandi landbúnað og sjávar-
útveg, munu standa eftir um mitt
næsta ár, gangi væntingar innan
framkvæmdastjórnar ESB eftir.
Þetta herma heimildir Frétta-
blaðsins innan ESB, og yfir maður
innan stækkunardeildar segist
vonast til þess
að viðræður um
þá kafla muni
hefjast á næsta
ári.
Á ríkjaráð-
stefnu mi l l i
Íslands og ESB
í dag munu við-
ræður hefjast
um sex kafla og
í einum kafla,
varðandi sam-
keppnismál, mun viðræðum ljúka
með bráðabirgðasamkomulagi.
Með því hafa viðræður hafist í 27
köflum af 33 og bráðabirgðasam-
komulag hefur náðst um ellefu
þeirra. Á fyrri hluta næsta árs er
gert ráð fyrir að fjórir kaflar til
viðbótar verði teknir til umræðu,
en þá standi hinir tveir veiga-
mestu eftir.
Kaflarnir sem verða teknir
fyrir í dag varða frjálsa vöru-
flutninga, skattamál, efnahags-
og peningamál, byggðastefnu,
umhverfismál og utanríkistengsl.
Á ríkjaráðstefnu í mars er von-
ast til þess að hægt verði að hefja
Stærstu kaflarnir
tveir verði eftir í júní
Viðræður hefjast um sex kafla í aðildarviðræðum Íslands og ESB í Brussel í dag.
Þá standa sex kaflar eftir, en vonast er til að viðræður hefjist um fjóra til viðbótar
í mars og júní á næsta ári. Þá verði sjávarútvegur og landbúnaður einir eftir.
Í BRUSSEL Viðræður munu hefjast um sex samningskafla í aðildarviðræðum milli Íslands og ESB í Brussel í dag, samkvæmt
heimildum Fréttablaðsins. Eftir það verða viðræður hafnar í um 27 af 33 köflum. FRÉTTABLAÐIÐ/ÞORGILS
STEFANO
SANNINO
Óvíst er hvert framhaldið yrði ef Ísland drægi ESB-
umsóknina til baka eða setti hana til hliðar eftir þing-
kosningarnar næsta vor. Þetta segir Evrópuþingmaðurinn
Christian Dan Preda frá Rúmeníu aðspurður, en hann
hefur haft umsjón með aðildarviðræðum Íslands gagnvart
Evrópuþinginu.
„Það myndi valda nokkurri óvissu og þykja illskiljanlegt,
en það yrði þá ákvörðun íslenskra stjórnvalda. Þið sóttuð
um aðild og eruð góður kandídat, samningahópur ykkar
er fagmannlegur og viðræðurnar ganga vel. Ég skil vel að
Íslendingar hafi varann á gagnvart sjávarútvegi, en um leið er ég bjart-
sýnn og viss um að viðræðurnar muni verða árangursríkar, því að ykkar
samningamenn hafa mikla reynslu í þessum efnum og ESB er tilbúið að
vinna að lausn sem báðir aðilar geta sætt sig við.“
Ef viðræður færu í frost
CHRISTIAN
DAN PREDA
viðræður um matvælaöryggi og
dóms- og innanríkismál, og í júní
verði þá hafnar viðræður um
staðfesturétt og þjónustufrelsi og
frjálsa fjármagnsflutninga.
„Okkar markmið er að opna við-
ræður um sem flesta kafla sem
fyrst og við miðum að því að búið
verði að opna fyrir alla kaflana
fyrir lok næsta árs,“ segir Stefano
Sannino, sem stýrir stjórnunar-
skrifstofu stækkunarmála innan
framkvæmdastjórnarinnar, í sam-
tali við Fréttablaðið.
Sjávarútvegskaflinn hefur enn
ekki verið afgreiddur frá hendi
ESB en nú stendur yfir rýnivinna
þar sem íslensk löggjöf er metin
með tilliti til fiskveiðistefnu sam-
bandsins. Ekki liggur fyrir hve-
nær þeirri vinnu gæti lokið, en
Sannino segir að endurskoðanir
í sjávarútvegsmálum, bæði hjá
ESB og Íslandi gætu spilað inn í
væntan legar samningsaðstöður
beggja aðila.
„Þegar þau mál taka að skýr-
ast á komandi vikum og mánuð-
um ættum við að geta tekið næstu
skref á þessu viðkvæma sviði,“
segir hann.
Spurður hvort komandi alþing-
iskosningar muni koma til með að
setja strik í reikninginn í viðræð-
unum segir hann það ekki sitt að
leggja mat á það.
„Verði ný stjórn mynduð munum
við með glöðu geði halda starfinu
áfram. Ég vona þó að við munum
geta lokið viðræðunum því að
við höfum áorkað miklu, en það
verður ákvörðun íslenskra stjórn-
valda.“
thorgils@frettabladid.is
AKRANES „Tilkynning bæjar-
stjórnar segir allt sem segja
þarf,“ segir Jón Pálmi Páls-
son, sem leystur hefur verið frá
störfum sem settur bæjarstjóri
Akraness vegna gruns um brot
í starfi.
Bæjarstjórnin samþykkti sam-
hljóma á lokuðum fundi á sunnu-
daginn að leysa Jón Pálma undan
vinnuskyldum til og með 21. des-
ember. „Ástæðan er sú að vaknað
hefur grunur um að um geti verið
að ræða brot á starfsskyldum,“
segir í tilkynn-
ingu frá bæjar-
stjórninni.
„Þetta eru
ábendingar sem
komust í hendur
okkar og ég get
ekki tjáð mig
neitt um það
vegna þeirra
reg l n a sem
gilda um svona
mál,“ svarar Sveinn Kristinsson,
forseti bæjarstjórnar, spurður
um málavöxtu. Sveinn segir að á
næstu dögum verði reynt að kom-
ast til botns í málinu áður en fram-
haldið verði ákveðið.
Jón Pálmi hefur starfað hjá
Akraneskaupstað í 25 ár og er
þar bæjarritari. Hann var settur
tímabundið bæjarstjóri í nóvem-
ber eftir að þáverandi bæjar-
stjóri hætti vegna ágreinings við
hluta bæjarstjórnarinnar. Regína
Ásvaldsdóttir var á dögunum ráðin
sem bæjarstjóri og tekur við starf-
inu um áramótin. - gar
Ábending um brot bæjarstjóra á starfsskyldum rædd á lokuðum fundi:
Grunaður um brot og vikið frá
JÓN PÁLMI
PÁLSSON
BAREIN Aðgerðasinnar í Barein
saka lögreglu um að hafa beitt
táragasi gegn mótmælendum á
sunnudag. Mótmælin áttu sér
stað í höfuðborginni Manama, á
þjóðhátíðardegi Barein.
Mikil ólga hefur ríkt í Barein
síðastliðin tvö ár. Meirihluti
þjóðarinnar tilheyrir trúflokki
sjíamúslima og hafa þeir farið
fram á aukin völd í landinu.
Mótmælendur hafa hvatt til
frekari mótmæla síðar í vik-
unni. - sm
Uppþot í Barein:
Táragasi beitt á
mótmælendur