Fjarðarpósturinn - 09.06.1988, Blaðsíða 6
GVENDUR GAFLARI:
Hvað er einn bíll ámilli vina?
Það er órói í loftinu. Það er fylgifiskur lýðræðisins að hópar fólks
gerast hávaðasamir og umsvifamiklir og þeim leyfist það. Hvatinn
að baki hávaðanum og því sem fólki leyfist að gera, getur verið af
ýmsum toga. Hinn yfirleitt hófsami almenningur er löngu hættur að
kippa sér upp við allskonar upphlaup. Verkföll eru snar þáttur í
þjóðfélaginu og eru talin bera vott um hið Ijúfa frelsi lýðræðisins. En
annars er fólk löngu hætt að kippa sér upp við verkföll, eða rassaköst
stjórnmála-foringja og stjórnskipanir af fjölmörgu tagi ef frá er talið
eitthvað sem snertir líf og hag þess beint og áþreifanlega. í því samb-
andi má minnast á matarskattinn sem gekk fram af mörgum. Hann
er ekki vinsæl ráðstöfun. Að öðru leyti lætur allur fjöldi fólks sig litlu
skipta atferli og ákvarðanir stjórnmálamanna og fyrirmanna hvers-
konar, vakir mikið frekar yfir því hvort þeir tali af sér eða segi
eitthvað skringilegt sem hægt er að henda gaman að.
En þó koma upp mál og atvik
sem fólki þykir ekkert gaman-
mál. Mál sem ganga fram af öll-
um almenningi og er langt fyrir
ofan skilning þess, og valda
undrun og hneykslun. Þó varða
þessi hneykslunarmál ekki við
lög, heldur koma atvikin mikið
fremur við siðferðiskennd alls
þorra fólks.
Nefna má dæmi. Á síðastliðnu
hausti, um það bil sem stéttar-
samtök byrjuðu að reifa launa-
mál sín, þefuðu fjölmiðlar uppi
að bankastjórar rxkisbankanna
hefðu þá nýlega fengið verulega
launahækkun, sjálfvirkt nánast.
Þetta kom við kaunin á flestu
launafólki þegar þetta varð
uppvíst á óheppilegasta tíma.
Viðbrögðin urðu auðvitað þau
að þetta hefði aðeins verið leið-
rétting eða samræming við aðra
vegna aðstæðna í þjóðfélaginu.
Snyrtilegútskýring. Þettavarþví
ekkert til að gera veður út af
enda féll málið fljótt í kyrrþey.
Næsta hrina var öllu verri.
Uppvíst varð að einn af forstjór-
um S.I.S. -samsteypunnar hefði
haft með launauppbótum á aðra
milljón í mánaðarkaup. Dálag-
legur skildingur í samanburði við
alla aðra. Fólk vissi eiginlega
ekki hvort það átti að hlæja eða
hneykslast. Þetta skeður á sama
tíma og ýmiss kaupfélög vítt og
breitt um landið eru að geyspa
golunni og Sambands-frystihúsin
sem framleiddu fiskinn sem þessi
ágæti forstjóri vann við að selja,
áttu mörg hver í miklum rekstr-
arvanda.
Málið var krufið til mergjar og
gefin var út yfirlýsing frá við-
komandi forystu S.f.S. að málið
væri þegar afgreitt og ekki væri
ástæða til frekari yfirlýsinga né
aðgerða. Búið ogpunktum. Lík-
lega hefur mörgum fundist
ótuktarlegt að það skyldi nokkru
sinni vera kjaftað frá þessu, því
þetta hefði mátt liggja í kyrrþey.
Hvað varðar almenning um það
þó að einstaka snillingar fái umb-
un fyrir hæfileika sína og snilli og
þurfi ekki að hafa áhyggjur af
daglegu brauði. Áhyggjur trufla
nefnilega hæfni manna við að
vinna að yfirnáttúrulegum og
vandasömum störfum til heilla
almenningi, að sjálfsögðu.
Þriðja málið varð upplýst á
ákaflega óheppilegum tíma. Það
var bílagjöfin til stjórnarfor-
mannsins hjá Granda. Hvað
munar um einn bíl þegar fyrir-
tækið tapar hvort sem er nokkr-
um tugum milljóna. Það var að
vísu dálítið slæmt að þetta var
upplýst á sama tíma og fyrirtæk-
ið þurfti að segja upp störfum,
50-60 manns, vegna slæmrar
fjárhagsstöðu. Fólk getur ekki
skilið þá augljósu staðreynd að
stjórnarformaðurinn er mikið
betur í stakk búinn til að mæta á
fundi í þokkalegum bíl til að
leysa hinn mikla vanda fyrir-
tækisins. Þetta ætti þó að vera
augljóst og ætti ekki að hneyksla
neinn. Og hvað er einn bíll á
milli vina?
En það vöknuðu spurningar
þegar bílakaupin voru afsökuð
af forstjóra Granda með því að
þetta væri algengt hjá fyrirtækj-
um af svipaðri stærðargráðu.
Getur þetta verið satt? Megum samar en þó löglegar. Er það
við skilja það svo að ýmsar glæsi- þessvegna sem glæstir bílar eru
kerrur sem við erum að dást að á kallaðir stöðutákn?
götunum séu fengnar sem vafa- Gvendur gaflari
Svceðið, eins og það lítur út nú og óneitanlega er allt annað að sjá það en á úrklippunnin hér að neðan.
Þessberaðgetasemvelergert
Við sögðum frá því nýverið, að
heilbrigðis- og byggingarnefnd
hefði sent tuttugu fyrirtækjum
aðvörun vegna lélegrar umhirðu á
lóðum sínum.
Með fréttinni birtum við mynd-
ir m.a. af svæðinu milli Kapla-
hrauns og Skútahrauns, þar sem
ástandið var vægast sagt nötur-
legt, eins og myndirnar lýstu þá
best.
Þegar við litum þar við um fyrri
helgi mátti sjá, að tekið hafði ver-
ið rösklega til við tiltektir. Þess
ber að geta sem vel er gert og birt-
um við hér með nýja mynd af
svæðinu, sem eins og sjá má er
orðið slétt og fellt.
Úrklippa úr Fjarðarpóstinum með myndinni af svœðinu, eins ogþað leit
út fyrir nokkrum vikum. Þá var öldin önnur.
] Skóla Hafnarfjarðarbær auglýsir 1 fulltrúa. Umsóknir sem greini ast á bæjárskrifstofur Hafnarf en 17. júní n.k. Nánari upplýsi og skólafulltrúi. Bæjarstjórin í fulltrúi ausa til umsóknar stöðu skóla- nenntun og fyrri störf skuli ber- arðar, Strandgötu 6, eigi síðar ngar um starfið veita bæjarritari n í Hafnarfirði
1 Staða yfi Öldutúr er laus til umsóknar. Umsókna lýsingar gefa skólastjóri Öld skólafulltrúi Hafnarfjarðar, sím Fræðsluskrifstc Strandgötu < i rkennara isskóla rfrestur er til 13. júní n.k. Upp- utúnsskóla, sími 50943, eða 53444. )fa Hafnarfjarðar t, Hafnarfirði
6