Fjarðarpósturinn - 29.06.1988, Blaðsíða 6

f „HAPP“-
a vikunnar
Guðjón Árnason. Valgerður Lindberg.
Það hljómar ótrúlega, en bæði Guðjón og Valgerður afrekuðu það
síðast, að ekki ein einasta tala var rétt. Þau halda því bæði áfram leikn-
um okkar „happ“-firðinga. Þess má geta, að réttu tölurnar voru nokk-
uð sérstakar að þessu sinni, eða 1-4-7-10-30.
Valgerður hugsaði sig um smástund, og viðurkenndi, að líklega
hugsaði hún of mikið um tölur í vinnunni til þess að þær lægju á lausu
í frístundum. Hún kom síðan með hina fallegustu talnaröð, eða8-14-
15-18-20-23-29.
Guðjón virtist hálfundrandi á þessu „núlli“ sínu, enda hafði hann
heila fjóra rétta síðast. Hann fór strax út í líkindareikning og sagðist
ætla að nota sömu tölurnar, því varla gæti það komið fyrir tvívegis, að
engin þeirra kæmi upp. Hér eru því tölurnar hans á ný: 11-14-19-23-25-
26-29.
Guðjón og Valgerður eru því með þrjár tölur eins, þ.e. 14-23-29.
Gaman verður að sjá hvort einhver þeirra kemur upp í lottóinu okkar
á laugardagskvöldið kemur.
ORÐABELGUR:
íbúar í gamla Vesturbænum:
Vilja hraðahindranir og stanzmerki
íbúar í gamla Vesturbænum
höfðu samband við Fjarðarpóst-
inn og báðu hann að vekja athygli
bæjaryfirvalda á mjög blindu
horni á mótum Hellisgötu og
Norðurbrau tar/V est urbrautar.
íbúarnir töldu að löngu væri
tímabært að koma upp hraða-
hindrunum í nágrenni gatnamót-
anna, ennfremur töldu þeir að
setja ætti stöðvunarskyldumerki á
gatnamótin fyrir umferð um Hell-
isgötu, í stað biðskyldumerkja
sem þar eru nú.
íbúarnir sögðu einnig, að
þakka mætti fyrir að ekki hefði
fyrir löngu orðið stórslys á þessum
gatnamótum. Hraðakstur eftir
Hellisgötu væri mikill og óttuðust
þeir að nýlögn olíumalbiks á götu-
na yrði til að aksturinn yrði enn
hraðari. Þá töldu þeir gatnamótin
ein hin blindustu í bænum.
Það kom einnig fram í máli
íbúanna, að börn velja sér iðulega
sem leiksvæði bílastæðin við
gatnamótin, Norðurbrautarmeg-
in, og töldu þeir dæmi þess að oft
hefði hurð skollið nærri hælum á
götunni, ef svo má að orði
komast.
„Ekki ástæða til
framkvæmda“
Fjarðarpósturinn hafði sam-
4 T > B
-F 5 A L ...B, '■ 1 ! 1 B -1

band við Sólveigu Brynju Grét-
arsdóttur formann umferðar-
nefndar vegna þessa máls. Hún
sagði, að umferðarnefnd hefði
borist kvörtun vegna þessa frá
íbúunum fyrr og hefði málið þá
verið rannsakað. Niðurstöður
þeirra rannsókna hefðu leitt það í
ljós, að ekki væri ástæða til
umbeðinna framkvæmda.
Sólveig Brynja sagði, að á sín-
um tíma hefði bæði farið fram
talning á bílum og hraði verið
mældur. Þetta hefði verið unnið af
lögreglunni. Niðurstaðan var sú,
að sárafáir bílar óku þarna of
hratt eða brutu gegn umferðar-
lögunum. Hún sagði að því hefði
ekki verið talin ástæða til
aðgerða.
Þá sagði Sólveig, að ennfremur
hefði komið fram í þessum
könnunum, að umferð um hverfið
væri svo til eingöngu af hálfu íbúa
þess. Utanaðkomandi virtust lítið
erindi eiga í þennan bæjarhluta,
því væri það áreiðanlega íbúunum
í lófa lagið að setja sínar eigin
reglur og aka varlega. Hún kvaðst
þó fyllilega sammála því, að þetta
horn væri hættulegt og blint og því
hefði hún ekið sérstaklega varlega
þarna í þau tvö skipti, sem hún
hefði átt erindi um Hellisgötu.
(ÞRórm____________
Köf lótt á Krikanum
- FH tapaði fyrstu stigunum
Fylkismenn urðu fyrstir liða í 2. deildinni til að hirða stig af FH-
ingum. Liðin léku á föstudagskvöldið á Kaplakrikavelli og lauk leikn-
um með jafntefli, 2-2.
Úrslit leiksins verða að teljast
nokkuð sanngjörn. FH-ingar áttu
fyrri hálfleikinn, en Fylkir þann
seinni. í hálfleik var staðan 2-0
fyrir FH, en í seinni hálfleik sóttu
Fylkismenn mestan hluta tímans
og uppskáru tvö mörk og misnot-
uðu vítaspyrnu að auki.
Nafnarnir Kristján Hilmarsson
og Kristján Gíslason gerðu mörk
FH og voru þau bæði sérlega
glæsileg. Lið FH var nokkuð jafnt
í þessum leik og enginn skaraði
fram úr. Jón Erling Ragnarsson
kom inn á í seinni hálfleik og
skapaði oft usla í vörn Fylkis-
manna. Atti hann m.a. skalla í
þverslá og fær vonandi að spreyta
sig meira í næstu leikjum.
Næstu þrír leikir FH eru allir á
útivelli og þá mun mikið mæða á
„karakter“ liðsins. í leiknum gegn
Fylki gerðu leikmenn FH sig seka
um að draga sig of mikið til baka
og gefa eftir svæði. Slíkt býður
aðeins hættunni heim eins og
glögglega sást í umræddum leik.
Vonandi eru leikmenn FH reynsl-
unni ríkari og tapa ekki fleiri stig-
um í framtíðinni.
Haukaleikur
er á morgun
Árvakursmenn sækja
Hauka heim á Hvaleyrarholts-
völl á morgun, fimmtudag, og
hefst leikurinn klukkan 20.
Haukaliðið hefur átt erfitt
uppdráttar að undanförnu,
en vonandi fer að rætast úr.
Leikurinn gegn Árvakri er
jafnframt fyrsti heimaleikur
liðsins undir stjórn Guðjóns
Sveinssonar. Guðjón tók við
þjálfun liðsins af Jóhanni
Larsen, en Guðjón þjálfaði
Hauka árið 1986 og gerði þá
góða hluti.
Áskriftarsími
65 17 45 og
65 19 45
(símsvari)
Húsnæði óskast
Óskum eftir að taka á leigu húsnæði í Hafnarfirði
eða Garðabæ fyrir miðaldra hjón með eina dóttur.
Helst raðhús eða lítið sambýli.
Hundrað prósent reglusemi og góð umgengni,
öruggar greiðslur. Uppl. í símum 13899 og 40324.
Sjöunda dags aðventistar á íslandi
6