Fjarðarpósturinn - 16.11.1995, Blaðsíða 3

FJARÐARPÓSTURINN 3
Bæjarráð fjallar um St. Jósefsspítala
Breytingum á starfsemi
var eindregið mótmælt
Á síðasta fundi bæjarráðs var
fjallað um St. Jósefsspítaia en nú
liggja fvrir tillögur heilbrigðisráð-
herra uni breytingar á starfsemi
spítalans. Bæjarráð mótmælir ein-
dregið þessum breytingum og telur
af og frá að fallast á að grundvall-
arforsendum fvrir rekstri spítalans
verði brevtt einas og tillögurnar
gera ráð fyrir.
Ályktun bæjarráðs um málið hljóðar
svo: "Eins og kunnugt er hefur sérstak-
ur tilsjónarmaður í umboði heilbrigðis-
ráðherra starfað með stjóm St. Jósefs-
spítala síðustu vikumar og leitað leiða
til að mæta fjárhagsvanda spítalans.
Fyrstu tillögur tilsjónarmannsins liggja
nú fyrir og heiibrigðisráðherra hefur nú
þegar gert þær að sínum með bréfi til
stjómarinnar þann 31. október s.l.
Bæjarráð Hafnarfjarðar vill í þessu
sambandi minna á að Hafnarfjarðarbær
er eignaraðili að spítalanum og allar til-
lögur um breytingar á meginstarfsemi
hans hljóta því eðlilega að koma til
álita og umfjöllunnar bæjaryfirvalda. Á
því hefur verið nokkur misbrestur þeg-
ar skoðuð em þau tilmæli sem fram
koma í áður tilgreint bréf heilbrigðis-
ráðherra. Þar er kveðið á um breyting-
ar á meginstarfsemi spítalans. Vill bæj-
arráð í þessu sambandi koma þeim við-
horfum á framfæri við heilbrigðisráðu-
neytið að þau samskipti verði með eðli-
legum hætti.
Bæjarráð Hafnarfjarðar vill taka það
skýrt fram að það mótmælir eindregið
eftirfarandi fyrirætlunum sem um er
getið í bréfi ráðherrans: "að megin-
starfsemi spítalans verði breytt. I fyrsta
lagi verði bráðaþjónustu á lyflækn-
ingadeild hætt, í öðm lagi verði hand-
lækningadeild breytt í fimm daga
deild..."
...Bæjarráð Hafnarfjarðar vill undir-
strika að það vill að starfsemi St. Jós-
efsspítalans verði í samræmi við aug-
lýsingu þáverandi heilbrigðisráðherra
frá 18. april 1994 um starfssvið og
verkaskiptingu sjúkrahúsa á höfuð-
borgarsvæðinu en þar segir í 5. grein:
"St. Jósefsspítali skal vera sérgreina-
sjúkrahús með:
1. Lyflækningadeild, einkum fyrir
heilsugæsluumdæmi Hafnarfjarðar og
Garðabæjar,
2. handlæknisdeild með áherslu á
valaðgerðir í:
a) almennum skurðlækningum
b) bæklunarlækningum
c) háls-, nef- og eymalækningum
d) kvennsjúkdómum
e) lýtalækningum."
Þá er rétt að geta ennfremur bréfs
þáverandi heilbrigðisráðherra, dags.
29. aprfl 1994 þar sem fram kemur að
spítalinn skuli sinna bráðaþjónustu á
lyfjadeild.
Bæjaráð telur af og frá að falla frá
þessum gmndvalarforsendum í starf-
semi spítalans enda skal á það minnt
þegar ríki og bær keyptu sjúkrahúsið
árið 1987 af St. Jósefssystrum var for-
senda kaupanna af bæjarins hálfu að
það yrði rekið sem alhliða sjúkrahús
fyrir Hafnfirðinga og nærsveitamenn,
auk sérgreindrar þjónustu annarrarr
eins og verið hafði.
Það er ljóst að stjóm spítalans hefur
enga heimild til þess að gera breyting-
ar á meginstarfsemi spítalans eins og
farið er fram á í bréfi ráðherra.
Eftir fréttum að dæma mun í gangi
vinna af hálfu heilbrigðisyfirvalda að
samhæfa þjónustu spítalanna á höfuð-
borgarsvæðinu meira en nú er. Eðlileg-
ast er að sjálfsögðu að bíða eftir niður-
stöðum úr þeirri vinnu og fjalla þá um
málið nánar fremur en grípa til aðgerða
á hendur einum spítala á þessu svæði.
Bæjarráð Hafnarfjarðar er til við-
ræðu um þessi mál en varar eindregið
við afleiðingum þess að heilbrigðisráð-
herra gn'pi til einhliða og lítt gmndaðra
aðgerða í þessum efnum."
Rætt um miðstöð handverkafólks
A fundi atvinnumálanefndar ný-
lega var rætt um þá hugmvnd að
konia á fót miðstöð fyrir handverks-
fólk m.a. vegna áberandi sóknar
hæfileikafólks á því sviði. Ennfrem-
ur var rædd beiðni fjögurra ein-
staklinga sem vinna saman að at-
hyglisverðu þjóðlegu handverki.
Farið hefur verið ffarn á að bæjaryf-
irvöld ljái starfseminni lið með útveg-
un húsnæðis um takmarkaðan tíma.
Hugmyndin er að stofna síðan fyrir-
tæki um handverkið ef markaður reyn-
ist eins og vonir standa til.
Atvinnumálanefnd leggur til við
bæjarráð að umræddum einstaklingum
verði lánuð aðstaða til reynslu í van-
nýttum hluta vinnuskólans fram að
vori eða þar til starfsemi skólans hefst
áný.
Ekkert
dregur
úr at-
vinnu-
leysi
Samkvæmt upplýsingum
frá Vinnumiðlun Hafnarfjarð-
ar hefur ekkert dregið úr at-
vinnuleysi í októbermánuði og
ekki er búist við að svo verði á
næstu vikum. Alls voru 372
einstaklingar á atvinnuleysis-
skrá um síðustu mánaðarmót
en á sama tíma á síðasta ári
var fjöldinn 345 og skráðir at-
vinnuleysisdagar voru 1.700
færri í fyrra en nú í október.
Þegar skoðaðar eru tölur um
skiptingu atvinnuleysis milli
staifsgreina kemur í ljós að mest
er atvinnuleysi rneðal verka-
kvenna en 115 þeirra voru á skrá
um síðustu mánaðarmót. Næst-
fjölmennasti hópur er konur í
verslunar- og skrifstofustörfum
en 104 þeirra voru atvinnulausar.
Af körlum er fjölmennasti hóp-
urinn verkamenn eða 64 talsins.
I heild er skipting kynja þannig
að 235 konur voru atvinnulausar
en 137 karlar.
Á myndinni má sjá þau Árna Dan Einarsson, Hólmfríði Kjartansdóttur, Ragnheiði Ragnarsdóttur, Arnór
Hannesson og Anton Líndal Ingvason þegar þau veittu vinningum sínum móttöku en Þóra Sæunn gat því mið-
ur ekki verið viðstödd. Á myndinni er einnig Rakel Rúnarsdóttir, dóttir Ragnheiðar.
Dregiö í happamiða- og umferðarleik Aðalskoðunnar hf
Um 4000 svarmiðar bárust
Þann 3. nóvember s.l. var dregið
í happamiða- og umferðarleik Að-
alskoðunnar en efnt var til leikj-
anna í tilefni af fyrstu útgáfu af
fréttabréfinu "Aðallega" sem fyr-
irtækið gefur út.
Um fjögur þúsund svarmiðar bár-
ust en vinningshafi í happamiða-
leiknum varð Ragnheiður Ragnars-
dóttir, Álfaskeiði 98 Hafnarfirði, og
hlaut hún í vinning 5 daga helgarferð
til Newcastle með ferðaskrifstofunni
Alís, að verðmæti 29.800 kr.
20 vinningshafar voru í umferðar-
leiknum og hlutu eftirfarandi 5 fyrstu
vinningana.
1. vinningur: Ný vetrardekk, fékk
Amór Hannesson Reynigrund 33 í
Kópavogi.
2. -3. vinning: Bamabílstóla hlutu
Ámi Dan Einarsson Lyngmóum 11 í
Garðabæ og Hólmfríður Kjartans-
dóttir Mávahrauni 29 Hafnarfirði.
4.-5. vinning: Hljómtæki í bílinn,
hlutu Anton Líndal Ingvason Smára-
túni 11 Besastaðahrepp og Þóra Sæ-
unn Úlfsdóttir Blöndubakka 1
Reykjavík.
Starfsfólk Aðalskoðunnar þakkar
öllum þeim sem þátt tóku og vonar
að vinningamir hafi komið í góðar
þarfir.
(fréttatilkynning)
;».**** T,1X ’r.
Hringurinn
heldur basar
Kvennfélagið Hringurinn
heldur sinn árlega basar sunnu-
daginn 19. nóvember kl. 15.00 í
Sjálfstæðishúsinu við Strand-
götu. Allur ágóði af honum fer
til líknarmála.
I boði er glæsilegt úrval af
handunnum vörum, kökum,
laufabrauði o.fl.
(fréttatilkynning)
Svar við fyrirspurn
um sjóvarnargarð
Ekki á áætl-
un næstu
fjögur árin
Samgönguráðherra hefur nú
sent frá sér svar við fyrirspurn
Hjálmars Árnasonar á alþingi
um sjóvarnargarð í Hafnarfirði
en Fjarðarpósturinn greindi frá
niálinu nýlega. í svarinu kemur
fram að ekki eru áformaðar
framkvæmdir af þessu tagi
næstu fjögur árin.
Svar samgönguráðherra hljóð-
ar svo: „I tillögu Vita- og hafnar-
málastofnunnar um hafnaráætlun
áranna 1996-1999 er ekki gert ráð
fyrir að ríkissjóður taki þátt í
kostnaði við byggingu sjóvamar-
garða eða brimvarnargarða við
Hafnarfjarðarhöfn næstu fjögur
árin.
Við gerð hafnaáætlunar 1996-
1999 lágu fyrir óskir hafnarstjórn-
ar í Hafnarfirði um að hafnar yrðu
rannsóknir og hönnun brimvam-
argarðs frá Hvaleyrarhöfða út í
Helgasker ásamt garði í norður frá
Helgaskeri. Einnig voru settar
fram óskir um að ríkissjóður tæki
þátt í byggingu nýs 120 metra
langs viðlegukants, Háabakka,
milli Suðurbakka og Oseyrar-
bryggju. Hvorug þessara fram-
kvæmda komst inn á hafnaáætlun
1996-1999. Væntanlega verður
ráðist í framkvæmdir við Háa-
bakka og/eða endurbyggingu
Suðurgarðs áður en umgjörð
hafnarinnar verður stækkuð með
nýjum brimvamargörðum."
Stjörnuhlaup FH
Stjömuhlaup FH fer fram í
Kaplakrika laugardaginn 19. nóv.
kl. 14.00 en skráning í hlaupið
hefst kl. 13.00. Allir keppendur fá
verðlaunapeninga og tímataka
verður í öilum hlaupum.
Keppt verður í eftirtöldum
flokkum:
10 ára og yngri, 600 m.
11-12 ára, 1.000 m.
13-14 ára, 1.500 m.
15-18 ára, 3.000 m.
19-34 ára, 5 km.
35 ára og eldri, 5 km.
Þátttökugjald er 500 kr. fyrir 19
ára og eldri en 250 kr. fyrir 18 ára
og yngri. Upplýsingar eru í s. 565
1114 Sigurður, s. 565 4614 Magn-
ús og s. 565 3347 Þórarinn.