Fjarðarpósturinn - 24.11.2005, Blaðsíða 6

6 www.fjardarposturinn.is Fimmtudagur 24. nóvember 2005
Nú er unnið að úrvinnslu íbúaskrár 1. desember 2005.
Mikilvægt er að tilkynningar um breytt lögheimili berist fyrir þann
tíma. Lögheimili manns er sá staður sem hann hefur fasta búsetu,
sbr. Lög um lögheimili 1990 nr. 21, 5. maí.
Hvenær og hvar skal tilkynnt:
Hægt er að nálgast eyðublaðið á www.hagstofan.is Mögulegt er að
fylla það út beint á skjánum, hægt er að prenta eyðublaðið út, skrifa
undir og senda sem símbréf í Þjónustuver Hafnarfjarðarbæjar
(585 5599) eða með pósti á Þjónustuver, Strandgötu 6, 220
Hafnarfjörður.
Einnig er hægt að koma við í þjónustuverinu og ganga frá skráningu
eða snúa sér beint til Hagstofu Íslands.
Er lögheimili þitt rétt skráð
í þjóðskrá?
Hafnarfjarðarbær auglýsir lausar til umsóknar 14 lóðir fyrir hesthús
við Kaplaskeið.
Til úthlutunar eru 8 lóðir fyrir 30 hesta hús, 5 lóðir fyrir 45 hesta hús
og 1 lóð fyrir 55 hesta hús.
Umsóknareyðublöð fást afhent í þjónustuveri Hafnarfjarðarbæjar,
Strandgötu 6 eða á heimasíðu Hafnarfjarðarbæjar
www.hafnarfjordur.is
Umsóknum skal skilað í síðasta lagi þriðjudaginn 20. desember 2005.
Félagsþjónustan í Hafnarfirði leitar að einstaklingi til að taka að sér
liðveislu fyrir unga konu og aðstoða við heimilishald, 2-3 tíma á dag.
Liðveisla er úrræði samkvæmt lögum um málefni fatlaðra og miðar
að því að gera fötluðum kleyft að njóta eðlilegs félagslífs.
Laun fyrir liðveislu fer eftir kjarasamningi Hafnarfjarðarbæjar og
Launanefndar sveitafélaga.
Upplýsingar um starfið gefur Kolbrún Oddbergsdóttir, félagsráðgjafi
í síma 585-5700.
Umsóknum skal skila til:
Kolbrúnar Oddbergsdóttur, félagsráðgjafa
Félagsþjónustunni í Hafnarfirði, Strandgötu 33, 220 Hafnarfirði.
Lausar lóðir
- Hesthúsalóðir
Liðsmaður/félagsleg
heimaþjónusta
Lesendur Fjarðarpóstsins hafa
undanfarið fengið mikinn skerf af
sjónarmiðum frambjóðenda
Sjálfstæðisflokksins í
prófkjöri vegna kom-
andi bæjarstjórnar-
kosninga og kynningu
þeirra á sér. Nú verður
eitthvað hlé frá pólitík-
inni enda fer aðventa
og jólahald í hönd og
fjölskyldur sinna því
fremur öðru. Svo mun
fljótlega á nýju ári fara
að bera á flokkum og
frambjóðendum þeirra til að
kynna sjónarmið og leita stuðn-
ings í sveitarstjórnakosningum í
maí 2006.
Niðurstöður þessa prófkjörs
sem og allra annarra vekja auð-
vitað mikla athygli og fólk túlkar
þau með ýmsum hætti. Ég bauð
mig fram til 2. sætis á listanum,
hlaut örugga kosningu í 4. sæti en
verð hugsanlega á endanum í því
þriðja þar sem Valgerður Sigurð-
ardóttir bæjarfulltrúi hefur ákveð-
ið að taka ekki 2. sætið á listanum.
Ég fékk samtals 1330 eða rúm
75% allra greiddra atkvæða. Þetta
er mikið traust sem ég er mjög
þakklátur fyrir og mun ég vinna
ötullega fyrir bæjarfélagið Hafn-
arfjörð hér eftir sem hingað til.
Prófkjör hafa þann kost að með
þeim gefst þeim sem tilbúnir eru
að styðja ákveðinn flokk og skrá
sig í hann kostur á að velja sína
bæjarfulltrúa í persónulegri kosn-
ingu. Ég hef reyndar bent á það
oft að prófkjör ættu annað hvort
að vera opin eða kjósa ætti bæjar-
fulltrúa beinni kosningu annað
hvort á óröðuðum flokkslista eða
í óhlutbundinni, persónulegri
kosningu.
Prófkjör hafa hins vegar þann
ókost að frambjóðendur og stuðn-
ingsmenn geta átt það til að fara
út fyrir ramma dreng-
skaparins við að
hampa sér og sínum í
einkaviðtölum og
valdið sárindum. Einn-
ig eru frambjóðendur
misjafnlega undir það
búnir fjárhagslega að
standa straum af kostn-
aði við prófkjör og líka
misjafnt hversu til
tekst að laða fólk til að
taka þátt eða smala eins og það er
kallað.
Í greinum mínum hef ég oft
boðað það sem er eitt af mínum
hjartans málum nefnilega að
byggja brýr milli kynslóða. Ég
mun halda áfram að starfa við þá
brúarsmíð og horfi nú af brúar-
sporðinum fram á verkefnið sem
nú blasir við. Með mér standa 15
meðframbjóðendur í nýafstöðnu
prófkjöri og óska ég þeim öllum
til hamingju með þátttökuna. Það
er stórt skref að taka að vera með
í slíku átaki og von mín er að allir
hverfi aftur til starfa í stjórnmál-
unum sáttir við sinn hlut. Reyndar
hefur Valgerður Sigurðardóttir
bæjarfulltrúi ákveðið í kjölfar úr-
slitanna að hverfa af vettvangi
bæjarstjórnarmála frá og með
næstu kosningum. Við munum
áfram njóta starfskrafta Valgerðar
fyrir bæjarfélag okkar fram að
næstu kosningum og óska ég
henni og fjölskyldu hennar allra
heilla.
Öllum öðrum meðframbjóð-
endum óska ég líka til hamingju
með þátttökuna og hygg gott til
samstarfs við „brúarsmíðina“.
Höfundur er varabæjarfulltrúi.
Horft af brúnni
Að loknu prófkjöri
Almar
Grímsson
Nýlega var opnuð ný verslun á
2. hæð í verslunarmiðstöðinni
Firði. Það er Alda Larsen og
móðir hennar Sigríður Ólafs-
dóttir sem reka verslunina en þar
er að finna alls kyns fylgihluti,
mest fyrir kvenþjóðina.
Þar má finna skart ýmislegt,
farða og hárskraut og eflaust
ekki erfitt að finna gjafir hjá
þeim mæðgum.
Fyrir þá sem eru forvitnir um
ættir, þá er Alda dóttir Pálma
Larsen sem rak hópferðabíla um
langt skeið.
Verslunin sem ber nafnið
Twizzt er opin á hefðbundnum
verslunartíma í Firði.
Twizzt opnar í Firði
Fylgihlutir og skrautmunir
Alda Larsen í nýju versluninni á 2. hæð í Firði.
Lj
ós
m
.:
G
uð
ni
G
ís
la
so
n
www.fjardarposturinn.is