Fjarðarpósturinn - 30.08.2007, Blaðsíða 2

Opið í Sveinssafni
Opið verður í Sveinssafni í Krýsuvík
(bláa húsið) á sunnudaginn kl. 13 til
17 þar sem stendur yfir sýning á
verkum Sveins Björnssonar sem ber
heitið Siglingin mín.
Martin og Ingunn með
tónleika í Fríkirkjunni
Martin Frewer fiðluleikari og Ingunn
Hildur Hauksdóttir píanóleikari halda
tónleika á sunnudaginn kl. 20 í
Fríkirkj unni í Hafnarfirði. Aðgangur er
ókeypis. Spiluð verða vinsæl fiðlulög
frá Mið-Evrópu ásamt spænskum
döns um og sigaunatónlist. Góð
skemmtun fyrir alla.
Sýningar í Hafnarborg
Sýningar bandarísku listakonunnar
Joan Perlman og þýska listamanns -
ins Wolfgang Heuwinkel stendur nú
yfir í Hafnarborg. Wolfgang hefur þró -
að með sér mjög sérstaka nálgun við
pappír og vatnsliti. Hann hefur unnið
um áratuga skeið með hrápappír og
pappírskvoðu sem hann meðhöndlar
á ýmsa vegu, ýmist í gríðarstórum
örkum eða stöflum. Joan hefur lengi
haft mikinn áhuga á Íslandi. Hún hefur
lesið íslenskar bók menntir og kynnt
sér íslenska menn ingu og þekkir vel
sögu landisns. Árið 1995 kom hún
hingað í fyrsta skipti, þegar henni var
boðið að halda fyrir lestur í Nýlista -
safninu. Eftir að Joan hafði komið til
Íslands í fyrsta skipti varð hin hrjúfa
náttúra landsins al gengt viðfangsefni í
málverkum listakonunnar. Hún leitist
þó ekki við að túlka landslagið á raun -
sæan hátt, held ur reynir hún að fanga
dulúðina sem býr í því og kjarna
náttúrunnar; kjarna alls landslags,
allstaðar.
2 www.fjardarposturinn.is Fimmtudagur 30. ágúst 2007
Útgefandi: Keilir ehf. kt. 681175-0329
Fjarðarpósturinn, Bæjarhrauni 2, 220 Hafnarfirði
Vinnsla: Hönnunarhúsið ehf., umbrot@fjardarposturinn.is
Ritstjóri og ábm.: Guðni Gíslason
Ritstjórn: 565 4513, 896 4613, ritstjorn@fjardarposturinn.is
Auglýsingar: 565 3066, auglysingar@fjardarposturinn.is
Prentun: Steinmark ehf. Dreifing: Íslandspóstur
ISSN 1670-4169 – Vefútgáfa: ISSN 1670-4193
www.fjardarposturinn.is
Við Hafnfirðingar búum á söguslóðum. Ekki
aðeins hefur verið útgerð og kaupmennska hér
frá ómunatíð þar sem hin náttúrulega höfn var
vel nýtt, heldur hefur landið allt í kringum okkur
verið nýtt og hér í hraununum finnast mann -
vistarleyfar í hundruð og jafnvel þúsundatali.
Þetta hefur Ómar Smári Ármannsson verið
duglegur að skrá og Jónatan Garðarsson einnig
sankað að sér miklum fróðleik um sögustaði hér
í nágrenninu. Ómar fjallar á vef sínum ferlir.is
um rauðhóla og skemmdir sem unnar hafa verið á náttúruminjum í
umhverfi okkar þar sem gróðrahyggjan hefur ráðið för. Stundum
finnst manni eins og þeir tali fyrir daufum eyrum og svo virðist eins
og sunnanmenn hafi sýnt fróðleikssöfnun Ómars meiri áhuga en
Hafnfirðingar. Væri ekki tilvalið verkefni fyrir umhverfisnefnd
bæjarins að finna peninga til að láta gefa út vandað náttúru- og
minjakort af öllu bæjarlandinu? Þetta kort mætti jafnvel samnýta
sem göngu- og ferðakort ef vel er að verkinu staðið. Er ekki kominn
tími til að við réttum úr bakinu og gerum glæsilega það sem við
gerum. Menningartengd ferðamennska er framtíðin að mati
ferðaspekinga og Hafnfirðingar þurfa að huga meira að því. Söfnin
okkar mega gjarnan fá meira fjármagn og ný söfn og sýningar ættu
að vera meira en velkomnar í bæinn. Safn Ernst Backman í
Öskjuhlíð er gott dæmi um nýhugsun. Væri ekki gaman að hafa enn
stærra safn í Íþróttahúsinu við Strandgötu. Enn betra væri að rífa
það hús og byggja nýtt safna-/menningahús sem yrði aðdráttarafl í
miðbænum ef vel er að staðið. Það er ekki allt fengið með því að
byggja íþróttahús. Það er meira gott til sem má setja skattfé okkar í.
Guðni Gíslason
www.hafnarf jardark i rkja. is
12. Tjarnarvellir 1,
deiliskipulagsbreyting
Samkaup ehf óskar eftir að fá
að breyta deiliskipulagi í samræmi
við meðfylgjandi tillögu T.Ark
dags. júní 2007. Erindið var til
umfjöllunar á afgreiðslufundi
skipu lags- og byggingarfulltrúa
20.06.07, sem vísaði því til skipu -
lags- og byggingarráðs.Skipulags-
og byggingarráð heimilaði þann
3.07.2007 umsækjanda að vinna
tillögu að breytingu á deiliskipulagi
í samræmi við innkomið erindi,
sem síðan verði auglýst skv. 1.
mgr. skipulags- og byggingarlaga
nr. 73/1997. Deiliskipulags -
uppdráttur dags. 21.08.2007 hefur
borist. Skipulags- og byggingar -
fulltrúi vísar erindinu til skipulags-
og byggingarráðs.
1. Suðurbæjarlaug,
endurhönnun lóðar
Lagt fram minnisblað, dags.
16.feb. 2007 og fylgigögn,dags. í
ágúst 2007. Svanlaugur Sveins -
son gerir grein fyrir málinu. Gert er
ráð fyrir 10 millj.kr. í verkið á fjár -
hagsáætlun þessa árs.
Framkvæmdaráð heimilar Fast -
eignafélaginu að setja fram -
kvæmd ina af staða og vísar því
sem út af stendur vegna fjár -
mögnunar til fjárhagsáætlunar -
gerðar fyrir árið 2008. Svanlaugur
Sveinsson vék af fundi að lokinni
umfjöllun og afgreiðslu þessa
erindis.
6. Undirlag vegna knattspyrnu -
valla á Ásvallasvæði og við
Hvaleyrarvatn
Lögð fram samþykkt skipulags-
og byggingarfulltrúa um fram -
kvæmdarleyfi og umsagnir frá
byggða safni og Fornleifavernd
ríkisins. Einnig lagðir fram upp -
drættir af svæðunum.
Framkvæmdaráð felur fram -
kvæmdasviðinu að vinna áfram
að málinu.
9. Launamál leikskólakennara
TV-einingar
Í fjárhagsáætlun Hafnarfjarðar
var gert ráð fyrir fjármagni vegna
ákvæða í kjarasamningi leik skóla -
kennara um greiðslur vegna tíma -
bundinnar vinnu (TV- einingar)
Í febrúar sl. voru samþykktar
með fylgjandi reglur um fram -
kvæmd Hafnarfjarðarbæjar á
þessu ákvæði um tímabundin við -
bótar laun.
Fyrstu umsóknir voru afgreiddar
í apríl og nú eru umsóknir farnar
að berast að nýju.
Fræðsluráð leggur fram eftir -
farandi tillögu:
Í Hafnarfirði hafa heimildir til
greiðslu vegna TV eininga ein -
göngu verið nýttar vegna verkefna
og hæfni. Í ljósi markaðs- og
samkeppnisaðstæðna sam þykkir
fræðsluráð að beina því til
fræðslu sviðs í samvinnu við
starfs mannastjóra að móta reglur
þar að lútandi.
Á grundvelli slíkra reglna verði
skólastjórnendum gert kleift að
sækja um viðbótargreiðslur til
þess að gera starfsfólki kleift að
starfa undir því aukna álagi sem
myndast vegna skorts á starfs -
fólki.
Víðistaðakirkja
Helgihald fellur niður í ágúst
vegna sumarleyfa.
www.vidistadakirkja.is
Sunnudaginn 2. september
Guðsþjónusta í Hásölum
Strandbergs kl. 11
Prestur: Sr. Gunnþór Þ. Ingason.
Kantor: Guðmundur Sigurðsson.
Barbörukór Hafnarfjarðar syngur.
Allir velkomnir
Fermingarfræðsla hausthóps Hafnarfjarðarkirkju
byrjar í safnaðarheimilinu Strandbergi
á laugardaginn kemur
1. september kl. 10-12
Tjarnaprestakall
Sunnudaginn 2. september 2007
verður guðsþjónusta kl. 14.00
í Kálfatjarnarkirkju, Vatnsleysuströnd
Dr. Gunnar Kristjánsson prófastur
Kjalarnesprófastsdæmis
þjónar fyrir altari og mun setja
séra Báru Friðriksdóttur inn í embætti
sóknarprests Tjarnaprestakalls.
Kirkjukórar Ástjarnar- og Kálfatjarnarsókna syngja
við undirleik Franks Herlufsen organista.
Að lokinni athöfn verður kirkjugestum boðið í
kaffisamsæti í Tjarnarsal Stóru-Vogaskóla, Vogum.
Sóknarbörn eru hvött til að mæta
og kynnast nýjum sóknarpresti.