Fjarðarpósturinn - 02.04.2009, Blaðsíða 2

Ég hlustaði á ræðuna hans Davíðs Odds -
sonar. Ekki veit ég hvort mér kom eitthvað á
óvart það sem hann sagði en lélegir þóttu mér
aulabrandararnir. Davíð er eldklár en mér finnst
hann fara orðið illa með. Hins vegar undraðist
ég hjörðina. Hjörðina sem hló og klappaði í
hvert sinn sem Davíðs svo lítið sem andaði á
milli setninga. Gat ég ómögulega skilið frétta -
flutning „stór“blaðanna sem einblíndu á þá
sem gengu út og hneyksluðust. Undir yfir hálftíma ræðu gengu
fundarmenn hreint til verks svo minnti á dolfallna áheyrendur undir
þrumuræðum Hitlers. Það kom mér á óvart og hélt að svona væri
ekki til lengur. Sjálfstæðisflokkurinn á hins vegar heiður skilið að
gefa öllum kost á að hlusta á allar ræður þingsins á heimasíðu sinni.
Ræða Hafnfirðingsins Þorgerðar Katrínar Gunnarsdóttur fyrir
varaformannskjör var allt önnur og af persónulegri nótum. Held ég
að margir geti tekið undir hennar orð þegar hún gagnrýndi rógburð
og ósmekklegar sögusagnir. Vonandi að mótmælendur gæti hófs og
láti fjölskyldur og heimili fólks í friði, hvort sem viðkomandi heitir
Davíð eða Þorgerður Katrín. Var ræða hennar valin ræða þingsins af
Málfundafélaginu Óðni en á þeim tímapunkti var hópurinn í salnum
ekki orðin hjörð eins og nokkru síðar er Davíð fékk orðið. Viðbrögð
salarins var mikið hógværari en hún reyndi heldur ekki að slá sér
upp á aulabröndurum eins og Davíð. Var þó staðið upp fyrir henni í
ræðulok og klappað lengi. Henni var líka launað með 80,6%
greiddra atkvæða í varaformannskjöri.
Og talandi um heimasíður flokkanna. Vilji flokkarnir miðla til
fólksins og ekki síst heyra skoðanir fólksins mega þeir taka til
hendinni og endurbæta síður sínar. VG sýnir t.d. fjölmiðlum myndir
af frambjóðendum síðustu kosninga.
Guðni Gíslason
2 www.fjardarposturinn.is Fimmtudagur 2. apríl 2009
Útgefandi: Keilir ehf. útgáfufélag, kt. 480307-0380
Fjarðarpósturinn, Bæjarhrauni 2, 220 Hafnarfirði
Vinnsla: Hönnunarhúsið ehf., umbrot@fjardarposturinn.is
Ritstjóri og ábm.: Guðni Gíslason
Ritstjórn: 565 4513, 896 4613, ritstjorn@fjardarposturinn.is
Auglýsingar: 565 3066, auglysingar@fjardarposturinn.is
Prentun: Steinmark ehf. Dreifing: Íslandspóstur
ISSN 1670-4169 – Vefútgáfa: ISSN 1670-4193
www.fjardarposturinn.is
Pálmasunnudagur 5. apríl
Fermingar kl. 10.30 og kl. 14
Prestar: sr. Kjartan Jónsson og sr. Gunnþór Þ.Ingason
Kantor: Guðmundur Sigurðsson.
Kór: Barbörukórinn í Hafnarfirði.
Sunnudagaskóli
á sama tíma í Strandbergi
Kyrrðarstund með kristinni íhugun þriðjudaga kl. 17.30
í umsjá Sigríðar Hrannar Sigurðardóttur.
TÖLVUHJÁLPIN
Tek að mér vírushreinsanir,
viðgerðir, uppfærslur og
uppsetningar á PC tölvum
Mæti í heimahús
Sanngjarnt verð
Sími 860-7537
Hádegistónleikar í dag
„Mozart og ástin“ er yfirskrift
hádegistónleika Hafnarborgar þar
sem Antonía Hevesi fær sópran -
söng konuna Þóru Einarsdóttur með
sér. Tónleikarnir hefjast kl. 12 og
standa í um klukkustund. Ókeypis.
Menningarstyrkir veittir
Í dag kl. 17 veitir Hafnarfjarðarbær
styrki til menningarstarfsemi og
húsverndar. Verða veittir 14 styrkir til
menningarviðburða og einn styrkur
til húsverndar. Athöfnin fer fram í
Gúttó við Suðurgötu og eru allir
velkomnir.
Opið hús hjá SVH
Í kvöld kl. 20 verður opið hús hjá
Stangaveiðifélagi Hafnarfjarðar þar
sem veiðimenn mæta til að hnýta
„drápstól“ næsta veiðitímabils. Allir
velkomnir.
Sýningar í Bæjarbíói
Á laugardaginn kl. 16 sýnir Kvik -
mynda safn Íslands Beitiskipið
Potem kin (1925) eftir Sergei M.
Eisenstein.
Á þriðjudaginn kl. 20 sýnir Kvik -
mynda safnið kvikmyndina Whales
of August (1987) í leikstjórn Lindsay
Anderson.
Ný sýning í Hafnarborg
Á laugardaginn kl. 15 verður opnuð
sýning á verkum Guðrúnar Kristj -
áns dóttur í Hafnarborg. Sýn ingin ber
yfirskriftina Veðurskrift.
Guðrún er þekkt fyrir áhrifamikli verk
sem túlka íslenska náttúru og nátt -
úru sýn á frumlegan hátt. Á sýn -
ingunni verða innsetningar, málverk
og ljós myndir sem fást við síbreyti -
leg form og kvika náttúru landsins.
Sýningin Veðurskrift skiptist í þrjá
kafla Veðurlag, Veðursögur og
Veðurskrif stofur.
Víðistaðakirkja
pálmasunnudagur 5. apríl
Fermingarguðsþjónusta kl. 10.30
Fermingarguðsþjónusta kl. 14
Kór Víðistaðasóknar syngur
undir stjórn Arngerðar Maríu Árnadóttur.
Barnaguðsþjónusta kl. 11
Fer fram í loftsal kirkjunnar.
Skemmtileg og fjölbreytt stund
fyrir alla fjölskylduna.
www.vidistadakirkja.is
LOFTNETS OG SÍMAÞJÓNUSTA
Viðgerðir og uppsetningar á
loftnetum, diskum, heimabíóum,
flatskjám. Síma- og tölvulagnir
Loftnetstaekni.is
sími 894 2460
Auglýsingasími:
565 3066
Dansað í Hraunseli
föstudaginn 3. apríl
Félag harmonikkuunnenda
á Suðurnesjum
leikur fyrir dansi.
Dansað er í Hraunseli, Flatahrauni 3,
kl. 20.30 - 24.
Mikið fjör og mikið gaman.
Allir velkomnir meðan húsrúm leyfir.
Húsið opnað kl. 20
Upplýsingar á www.febh.is
og í síma 555 0142
Kannabis -
ræktun í
einbýlishúsi
900 kannabisplöntur
teknar á einni viku
Lögreglan stöðvaði umfangs -
mikla kannabisræktun í ein -
býlishúsi við Brekkuás sl.
föstudag. Við húsleit fundust
um 300 kannabisplöntur á
lokastigi ræktunar. Talið er að
þarna hafi staðið yfir ræktun í
einhvern tíma. Tveir karlar
voru handteknir í tengslum við
rannsókn málsins. Sá eldri er
um fertugt en hinn er nokkru
yngri. Stór hluti hússins var
undirlagður af þessari starf -
semi.
Fyrrnefnd aðgerð er liður í að
hamla gegn sölu og dreifingu
fíkniefna en sem fyrr minnir
lögreglan á fíkniefnasímann
800-5005. Í hann má hringja
nafnlaust til að koma á framfæri
upplýsingum um fíkniefnamál.
Fíkniefnasíminn er samvinnu -
verkefni lögreglu og tollyfir -
valda og er liður í baráttunni
við fíkniefnavandann.
Þess má geta að fyrr í síðustu
viku fundust um 600 kannabis -
plöntur á ýmsum stigum rækt -
unar í húsi hér í bæ og var karl
á þrítugsaldri yfirheyrður. Ekk -
ert lát virðist vera á uppljóstr -
unum fíkniefnalögreglunnar.
SAUMAKONA
í Hafnarfirði
- földun - rennilásar - gardínur
- hvers kyns saumaskapur
GOTT VERÐ
Reykjavíkurvegi 22
á bak við Sjónarhól
Opið kl. 17 til 21
mánud. og miðvikud. kl. 17-19
Sími 867 2273