Fjarðarpósturinn - 13.08.2009, Side 2
2 www.fjardarposturinn.is Fimmtudagur 13. ágúst 2009
Þessa dagana er ekki talað um annað en það
hvort ísinn sé traustur. Þingmenn fá margir
ekki sumarfrí á meðan aðrir roðna undan
góðviðrinu eins og við hin sem höfum getað
notið veðurblíðunnar. Einu sinni hélt ég að
sérfræðingar gætu veitt svör. En því fer víðs
fjarri og eins og heimsspekingar þá svara þeir
með vangaveltum. Sumir svara þó með
fullyrðingum sem eru þá sjaldan studdar með
rökum og eru lítils meira virði en skoðun mín á heimsmálunum.
Ég er reyndar prinsippmaður og vil segja nei þegar ég meina nei
og já þegar ég meina já og leyni helst ekki áliti mínu. Þá vita aðrir
kannski betur hvar ég stend. Hjásetur er mér meinilla við og þeir
sem sitja hjá eru ekki með og eiga að víkja sitji þeir í bæjar stjórn -
um eða á þingi. Fyndnast finnst mér reyndar þegar stjórn -
málamenn í ræðustóli gera grein fyrir atkvæði sínu og segjast
ákveðnir vera á móti og sitji því hjá. Svoleiðist húmoristar setja
bara lit á samfélagið. En við kjósum fólk til að taka ákvarðanir og
telja stjórnmálamenn sig ekki hafa nægilega þekkingu til að taka
ákvarðanir eiga þeir að afla sér hennar eða segja af sér ella.
Því segi ég að ef að menn telja ísinn ekki traustan þá eigi menn
ekki að fara út á hann, alveg sama hvert álit samfélags þjóðanna
verður. Grýlan sem búin er til, hugsanlega með valdi og vonsku
Breta og Hollendinga, er órökstudd og með almennri skynsemi
má fullyrða að hún sé bull. Nær væri að gera skoðanakannanir á
áliti almennings í þessum löndum á stöðu Íslands og nýta sér
niður stöðurnar til að sýna erlendum stjórnmálamönnum að
íslenskir þingmenn geta ekki annað en farið eftir samvisku sinni
og ekki látið hræða sig með einhverjum grýlum.
Í sumar hafa Íslendingar lært að njóta landsins síns. Góður
skátaforingi, Tryggvi Þorsteinsson sagði í ljóði sínu: „Þú leitar oft
gæfunnar langt yfir skammt, þú leitar í fjarlægð en átt hana samt.
En vel skal þess gæta, hún oftast nær er, í umhverfi þínu hið næsta
þér.“
Helgafellið, Hraunin, Hvaleyrarvatn, strandlengjan, gamli
bærinn, Hamarinn, Ástjörnin og nágrannar bjóða okkur upp á
fallega strandlengju, meira hraun, skóga og kaffi ef maður bankar
upp á. Njótum þess sem við höfum.
Guðni Gíslason.
Útgefandi: Keilir ehf. útgáfufélag, kt. 480307-0380
Fjarðarpósturinn, Bæjarhrauni 2, 220 Hafnarfirði
Vinnsla: Hönnunarhúsið ehf., umbrot@fjardarposturinn.is
Ritstjóri og ábm.: Guðni Gíslason
Ritstjórn: 565 4513, 896 4613, ritstjorn@fjardarposturinn.is
Auglýsingar: 565 3066, auglysingar@fjardarposturinn.is
Prentun: Steinmark ehf. Dreifing: Íslandspóstur
ISSN 1670-4169 – Vefútgáfa: ISSN 1670-4193
www.fjardarposturinn.is
Sunnudagur 16. ágúst
Messa kl. 11
Prestur: dr. Kjartan Jónsson
Organisti: Guðmundur Sigurðsson
Barbörukórinn syngur.
Ferðalag fermingarbarna í Vatnaskóg
mánudag kl. 08.00
ÚTFARARÞJÓNUSTA
HAFNARFJARÐAR
SÍMI 565 9775 - ALLAN SÓLARHRINGINN - UTH.IS
Frímann Andrésson
útfararstjóri
hÁLFDÁN hÁLFDÁNARSON
útfararstjóri
Skíðabox
Pacific 600190 x 63 x 39 cm340 L54.900.-
Bæjarhraun 6 • 220 Hafnarfjörður • Sími 520-8003 • www.stilling.is
LOFTNETS OG SÍMAÞJÓNUSTA
Viðgerðir og uppsetningar á
loftnetum, diskum, heimabíóum,
flatskjám. Síma- og tölvulagnir
Loftnetstaekni.is
sími 894 2460
Sendibílaþjónusta í 25 ár!
Benni Ben. • 893 2190
Sólborg og Björk
Björk syngur í Fríkirkjunni
Föstudaginn 14. ágúst kl. 20 heldur
Björk Níelsdóttir, sópran tónleika
ásamt Sólborgu Valdimarsdóttur
píanóleikara og Grími Helgasyni
klarinettuleikara. Björk lauk söngprófi
frá Tónlistarskólanum í Hafnarfirði
2007 og er nú í námi við tónlistar -
háskólann í Amsterdam sem hún
segir vera skemmtilegt nám en
strangt. Hún segir mikið líf í skól -
anum og þar læri hún líka m.a. dans
og leiklist og svo sé auðvitað sungið
mikið saman. Björk var í hornaflokki
með nöfnu sinni í eitt og hálft ár á
tónleikaferðum um heiminn en hélt
svo beint til náms enda segist hún
vera miklu betri söngvari en
trompetleikari.
Á tónleikunum í Fríkirkjunni verða
söng lög eftir Britten, Barber,
Schubert og Jórunni Viðar. Ljóða -
tónlist úr úppáhaldssafni Bjarkar, það
sem hún helst vildi syngja en um
þriðjungur er eftir Jórunni Viðar við
ljóð m.a. eftir Halldór Laxness og
Tómas Guðmundsson. Léttir og
skemmtilegir tónleika, lofar Björk og
það er frítt inn.
Sýningin Safn(arar) í
Hafnarborg framlengd
Vegna góðrar aðsóknar og mikils
áhuga hefur sýningin Safn(arar) sem
nú stendur í Hafnarborg hefur verið
framlengd til 16. ágúst. Á
sýningunni gefst einstakt tækifæri til
að sjá glæsileg verk úr fórum
einkasafnara og verk úr stofngjöf
lista verk asafnar anna Sverris Magn -
ús sonar og Ingi bjargar Sigur -
jónsdóttur til Hafnar borgar. Einka -
safnararnir sem lánað hafa verk á
sýninguna eru Gunnar Dungal og
Þórdís Alda Sigurðardóttir, Bragi
Guðlaugsson, Ingunn Wern ers dóttir
og Sverrir Kristinsson.
Sýning á graffítiverkum
Dvergshúsinu
Sýning á graffítiverkum, sem unnin
eru í sérstöku graffítiverkefni sem
Hafnarfjarðarbær stendur yfir,
stendur nú yfir á jarðhæð Dvergs við
Lækjargötu.
Sýningin stendur til föstudags 14.
ágúst kl. 20 en opnað er kl. 16.
Árangur með
Herbalife
Aukin orka -
Betri líðan
Gerður Hannesdóttir
gsm 865-4052
ghmg@internet.is
Pantaðu frían
prufupakka!
Leikfélag
Hafnarfjarðar
sýnir Bergmál
Bergmál eftir N. Richard
Nash fjallar um tvær konur
sem fastar eru í heimi minnis -
leysis og geðveiki. Þær reyna
að átta sig á umhverfi sínu,
fortíð og framtíð og yfirstíga
þeirra mestu ógn; manninn.
Sýningin er mjög súrealísk,
átakanleg en skemmtileg í senn.
Hópurinn leitaðist við að
kanna nýjar leiðir í vinnu sinni.
Sýningin er jafnframt unnin í
kringum handritið, en ekki
alger lega uppúr því, en leik -
endur eru Guðrún Sóley Sig -
urð ar dóttir, Aldís Da víðsdóttir
og Halldór Magnússon.
Guðrún og Aldís sáu einnig
um leikstjórn, sviðsmynd, bún -
inga, lýsingu og allt það sem
við kemur sýningunni.
Verkið verður frumsýnt
föstu daginn 14. ágúst en alls
verða sýningarnar 8 og sú síð -
asta 28. ágúst.
Sætaframboð er takmarkað
en sýnt er í húsnæði félagsins í
Gamla Lækjarskóla.