Aðventfréttir - 01.12.2010, Page 13

Guðfræðileg helgi
eftir Steinunni Theódórsdóttir
Helgina 26. - 28. nóvember stóð
Æskulýðsráð fyrir svokallaðri
guðfræðilegri helgi
að Hlíðardalsskóla
fyrir ungt fólk frá
19 ára aldri.
Hópur af ungu
fólki mætti á
föstudags-
kvöldinu.
Eftir kvöldmat var skipt í hópa,
hóparnir völdu sér efni til að
skoða og fengu leiðbeiningar frá
Stefáni Rafni, Sonju og Birgi
varðandi aðferðir og frágang.
Hópamir voru 4 og ákváðu að
ráðast ekki á garðinn þar sem
hann er lægstur. Efnin sem urðu
fyrir valinu voru: Eiga konur að
þegja á safnaðarsamkomum?
Getum við fyrirgefið syndir?
(Jesús gaf lærisveinum
sínum boð um að
fyrirgefa syndir) Guðs
ríki, hvernig tengist það
mustarðskorni? Leyfir
Guð fjölkvæni? Helgin
fór svo í það að kafa í
Biblíuna með hjálp orðalykla,
orðabóka og fleiri hjálpargagna.
Mikið var talað, lesið, hlegið,
hugsað og beðið.
Það var gaman að fylgjast með
áhuganum og spenningnum við
að komast að niðurstöðu sem
hægt væri að kynna fyrir öðrum.
Auk þess að lesa og rannsaka var
farið í góðan göngutúr, borðað
mikið, spjallað, spilað, leikið og
blakað.
Niðurstaða helgarinnar var sú að
ALLIR ættu að fá tækifæri til að
fara í gengum svona vinnu.
Hóparnir hafa áhuga á að kynna
niðurstöður sínar í kirkjunum
okkar og skora á prestana að
skipuleggja fleiri svona
rannsóknarhelgar fyrir fleiri
aldurshópa.
Fréttir af Barnastarfinu í Reykjavík
eftir Hörpu Theodórsdóttir
Ýmislegt hefur verið tekið fyrir í
hvíldardagskóla barnanna þetta
haustið. Við byrjuðum að vinna
með krökkunum um hver við
værum sem kirkja,
kynntumst kirkjuhúsinu okkar
betur töldum t.d. öll herbergi
kirkjunnar.
Nú eins og undanfarin ár tóku
krakkarnir þátt í
verkefni KFUM og K „Jól í
skókassa“ og útbjuggu
jólasendingar til fátækra barna í
Ukraínu. Við skoðuðum
myndband frá því þegar
skókassarnir fóru frá íslandi og
voru afhentir börnunum í
Úkraníu og töluðum við um
gleðina sem fylgir því að fá og
gleðina í að gefa. í sambandi
við þetta verkefni höfum við lagt
áherslu á að við erum hjálparar
Guðs.
Börnin stungu upp á að hafa
huggulegt laugardagskvöld
saman þar sem þau fengu
tækifæri til að bjóða
vini. Vorum við með svokallaða
Kjötbolluhátið þar sem við
fórum í leiki og borðum saman
kjötbollur sem feðurnir bjuggu
til og elduðu.
í framhaldi af lexíunni um að
Guð sé eins og leirkerasmiður
og við listaverkin hans ætlum
við að vera með skapandi
verkefni fyrir börnin í desember
auk þess að minna okkur á hinn
sanna boðskap jólanna.
Bestu kveðjurfrá barnastarfinu í
Reykjavík.
AÐVENTFRETTIR • DESEMBER 2010