Fréttatíminn - 16.11.2012, Blaðsíða 72
72 bílar Helgin 16.-18. nóvember 2012
MINNI
LOFTMÓTSTAÐA
dregur úr eldsneytiskostnaði.
Skíðabogar, farangursbox og
skraut auka loftmótstöðuna.
Arion banki býður nú kaupleigu og bílalán til að fjármagna
bílakaup. Viðskiptavinir í Vildarþjónustu njóta hagstæðra
kjara og geta sparað sér töluverða fjármuni.
ÁRSAÐILD AÐ FÍB FYLGIR ÖLLUM SAMNINGUM
Á arionbanki.is finnur þú reiknivél sem sýnir með einföldum
hætti muninn á þeim valkostum sem í boði eru.
HAGKVÆM
BÍLAFJÁRMÖGNUN
SNILLDARJÓLAGJÖF 15%
Jólafsláttur af
þessum frábæru
hleðslutækjum
Mercedes Bens A-Class frumsýndur
Nýr Mercedes-Benz A-Class verður frumsýndur í bílaumboðinu Öskju á morgun,
laugardaginn 17. nóvember klukkan 12-16. Þessi nýja kynslóð bílsins er mikið breytt
frá fyrri gerð hvað varðar hönnun og aksturseiginleika sem þykja afbragðsgóðir,
að því er fram kemur í tilkynningu umboðsins. „Þessi netti lúxusbíll hefur vakið
mikla athygli nú þegar fyrir fagurlega hönnun að innan jafnt sem utan. Nýtt grillið
að framan er fallega hannað sem og straumlínulagaðar hliðar bílsins og sportlegur
afturhluti hans. Mikið er lagt upp úr vönduðu efnisvali í innréttingunni sem þykir
sportleg og vel hönnuð. Nýjar bensín- og dísilvélar verða í boði í nýjum A-Class sem
eru afkastamiklar en einnig eyðslugrannar og umhverfismildar. Hægt verður að fá
bílinn með nýrri sex gíra beinskiptingu eða 7G-DCT sjálfskiptingu.“
ReynsluakstuR lexus Rx HybRid
d ísil og Porsche, er það ekki fullreynt? Þetta var það fyrsta sem kom í hugann
þegar ég settist upp í nýja dísil út-
gáfu af Porsche Cayenne S. Fyrsta
dísiltilraun þeirra Porsche manna
var ekkert sérstaklega vel heppnuð. Bíll með van-
illubragði. Hvorki fugl né fiskur. Hannaður með um-
hverfið i huga frekar en sportlegan akstur sem þýddi
aftur að eiga Porsche var eitthvað svo óþarft. Í það
minnsta mjög ólíkt stuðinu við að hengja gírkassann
aftan í stóra kraftmikla bensínvél, ég tala nú ekki um
ef splæst var í eins og eina, tvær túrbínur með. Vænt-
ingar mínar voru því dempaðar þegar ég settist upp í
þennan, þó óneitanlega glæsilega bíl í prufukeyrslu í
Austurríki nú á dögunum.
Allt innra rými er þó að vanda eins og
best verður á kosið. Klassískt en þó með
smá skammti af hér er ég! Það skal þó tek-
ið fram að bílarnir sem prófaðir voru engar
Harlem útgáfur.
Þegar bíllinn var settur í gang í fyrsta
sinn fann ég þó að það er verið að setja
eitthvað rétt út í súrkálið þarna í Stutt-
gart. Bíllinn hljómaði ekki vitund eins og
dísil. Varla vottur af traktorshljóði, bara
alvöru V8 brúúúmm! Ekki versnaði það
við að setja í gír. Bíllinn skaust áfram eins og vilj-
ugur og heimfús foli. Togið hélt áfram og áfram og
hraðamælirinn hætti ekki að snúast fyrr en ökumað-
urinn guggnaði og það langt, langt yfir leyfilegum
hámarkshraða. Áhyggjurnar af kraftleysi fuku því út
í veður og vind. Í raun var ekkert öðruvísi að keyra
þennan bíl heldur en V8 bensín túrbóinn. Jafn vel
betra því sá togar ekki svona rosa-
lega í gegnum alla gírana og þótt
ég hefði hvorki hjólhýsi né hesta-
kerru með mér þarna úti hef ég
ekki minnstu áhyggjur af því að
þessi bíll togi ekki hvað það sem
hengt er á krókinn.
Bíllinn er að vanda rúmgóður og vel fer um fjóra
fullorðna í bílnum og skottið er rúmt og með því
stærsta í þessum flokki. Það er í raun ekkert slæmt
um þennan bíl að segja. Hann er öruggur, hljóðlátur,
mjúkur í akstri og sparneytinn. Í það minnsta þegar
bensínfóturinn, nei, ég meina olíufóturinn, er létt-
ur. Sé þessum sama fæti hins vegar þrýst fast niður
breytist bíllinn í urrrandi olíuófreskju. Ég tala nú ekki
um þegar ýtt er á sporttakkann. Við það
stífnar fjöðrunin upp og skiptingin verður
hraðari. Munurinn er áþreifanlegur og er
alls ekkert sölutrix. Þarna er líka komin
ástæðan fyrir því að fá sér Porsche. Að
hugsa um umhverfið er gott og göfugt en
ef ákveðið er að kaupa Porsche er líka eins
gott að það sé hægt að keyra hann eins og
Porsche.
Þegar ég hugsa svo um það er vanillu-
ís líka langbesti ísinn. Ekki jafn bragð-
sterkur og súkkulaði og ekki jafn væminn
og jarðaberja. Fullkomið jafnvægi. Eitthvað sem hægt
er að fá sér aftur og aftur og verður aldrei þreytt. Þetta
virðist líka vera mottóið þeirra þarna hjá Porsche. Því
þeim tókst að búa til frábæran díslilbíl. Bíl sem heldur
góðu jafnvægi milli umhverfis, tækni og aksturseigin-
leika. Tæknilegan en þó jafnframt einfaldan nútíma
sportjeppa sem unun er að keyra. Algeran vanillubíl!
Dísil drossía frá Porsche
Plúsar
+ Kraftmikill
+ Ríkulega búinn
+ Fjórhjóladrifinn
+ Sparneytinn
Mínusar
÷ Verð
Haraldur Jónasson
hari@frettatiminn.is