Læknablaðið - 01.06.1950, Qupperneq 16

44
LÆKNABLAÐIÐ
sjúkdóms, saltlítinn mat meS
minnkuðu vökvamagni á sól-
arhring. Þegar polycythæmia
er til staðar, er ráðlegt að gjöra
venesectio, og tæma út 500 mh
eða meira.
Súrefnisgjöf er sérlega mik-
ilsvirði, og forðar oft þessum
,,svörtu hjartasjúklingum“ frá
bráðum bana. Þarf stundum aö
gefa þessa meðferð síðustu
mánuðina, sem sjúklingurinn
lifir.
Eins og áður er getið, eru
sjúklingar þessir á síðasta ævi-
skeiði sínu óvenju mjög kvald-
ir og eirðarlausir sökum önd-
unarerfiðleika. Auk þess oft
sljóir og slær út í fyrir þeim
vegna súrefnisskorts í heila.
Gæta verður hinnar mestu var-
kárni við að gefa öll sedativa.
Ég margundirstrika, að morfin
er stórhættulegt, og má alls
ekki gefa það þessum sjúkling-
um, því að það veldur dauða
þeirra. Hefi ég órækar sannan-
ir þess við rannsóknir mínar á
þessum hjartasjúkdómi, að fái
sjúklingur með cor pulmonale
chronicum morfin, verður
hann fljótlega meðvitundar-
laus, með öra yfirborðsöndun
og aukna cyanosis. Það er ekki
hægt að vekja hann, og hann
deyr venjulega á nokkrum
klukkustundum í respirations-
insufficiens. Eins og kunnugt
er, hefir morfin hindrandi á-
hrif á öndunina, en þó ekki að
neinu ráði venjulega, nema hjá
sjúklingum með cor pulmonale
chronicum af alls konar upp-
runa, einnig þeim, sem engar
lungnavefsbreytingar hafa, þ.
e. ,,primær“ hypertensio í
lungnahringrásinni.
Almennt mun læknum ekki
kunn þessi mikla hætta af mor-
fini fyrir slíka sjúklinga, og
hún er þeim mun viðsjárverð-
ari, þar eð morfin er mjög á-
kjósanlegt lyf við bilun á
vinstri hjartahelming, og t. d.
ómissandi við lungna-ödem.
Komi læknir til sjúklings,
sem í mörg ár hefir þjáðst af
lungnasjúkdómi t, d. asthma
eða bronchitis, og sjúklingur
er mjög þjáður má ekki grípa
til morfinsins. Hægt er að veita
sjúklingi góða hvíld t. d, með
injektion af pethidine hydro-
chloricum eða líkum efnum,
sem eru nú sem óðast að koma
fram.
Heimildir:
Sig, Samúelsson: Cor pulmonale
chronicum. Disp. Einar Munks-
gaard, Kaupm.höfn, 1950.