Bændablaðið - 03.10.2013, Blaðsíða 18
18 Bændablaðið | Fimmtudagur 3. október 2013
Brúarsmiðjan, sem margir bændur
þekkja orðið af góðu, er orðin
rúmlega eins árs. Fyrirtækið
var stofnað í júlí á síðasta ári
af Margréti Sveinbjörnsdóttur
menningar miðlara – sem einnig
gegnir starfsheitinu brúarsmiður.
Hún er með góða tengingu við
sveitina enda Þingvellingur að
uppruna en býr nú í vesturbæ
Reykjavíkur.
Margrét segir að starfsemin
hafi staðið vel undir væntingum
og mörg spennandi verkefni fram
undan. Markmið Brúarsmiðjunnar
er að byggja brýr á milli
menningar og ferðaþjónustu, veita
ráðgjöf um menningarmiðlun og
hágæðamenningarferðaþjónustu
– og miðla menningu á lifandi,
áhugaverðan og vandaðan hátt, með
áherslu á upplifun, gagnvirkni, gæði
og skemmtimenntun. Hugsunin
er hvort tveggja að veita öðrum
ráðgjöf við miðlun menningar og að
miðla sjálf, með því að setja upp frá
grunni sýningar, viðburði og ýmsar
eftirminnilegar upplifanir.
Ágætt dæmi um slíkar sýningar
er sýningin Ljósan á Bakkanum sem
hefur verið í Húsinu á Eyrarbakka
í sumar. Segir Margrét að sú
sýning eins og mörg fleiri verkefni
Brúarsmiðjunnar hafi verið unnin í
nánu samstarfi við fyrirtækið PORT
hönnun sem rekið er af Eddu V.
Sigurðardóttur.
Margrét lauk meistaraprófi í
hagnýtri menningarmiðlun frá
Háskóla Íslands haustið 2011. Hún
er auk þess með cand. mag.-gráðu í
norrænum málum og bókmenntum frá
Árósaháskóla með hagnýta fjölmiðlun
frá Háskóla Íslands sem aukagrein.
Þá hefur hún lokið diplómanámi í
verkefnastjórnun og leiðtogaþjálfun
frá Endurmenntun Háskóla Íslands,
auk Brautargengisnámskeiðs hjá
Nýsköpunarmiðstöð Íslands.
Mikil tækifæri í sveitunum
Tíðindamaður Bændablaðsins hitti
Margréti og Eddu að máli í Café
Flóru í Laugardalnum fyrir skömmu.
Greinilegt var á þeirra orðum að mikil
tækifæri liggja í faglegri uppbyggingu
menningarferðaþjónustu í sveitum
landsins. Þær segja að samstarf þeirra
hafi í raun byrjað nánast fyrir tilviljun
en verið afskaplega farsælt síðan.
Upphaf samstarfsins var í
landbúnaði
„Eitt fyrsta verkefnið sem við unnum
saman var reyndar löngu áður en
ég stofnaði Brúarsmiðjuna. Það er
gaman að segja frá því að það verkefni
var útlitshönnun og kynningarmál
fyrir Landbúnaðarsýninguna á Hellu
sumarið 2008, sem við unnum fyrir
Búnaðarsamband Suðurlands,“ segir
Margrét.
„Í vinnu minni þarf ég oft á
grafískum hönnuðum að halda og
leita þá auðvitað til þeirra sem ég
þekki og treysti,“ segir Margrét.
„Sama á við hjá mér,“ segir Edda.
„Við leitum til sérfræðinga varðandi
þætti eins og textasmíði og annað sem
aðrir kunna betur en við. Frá sam-
starfinu við sýninguna á Hellu höfum
við mikið verið að vinna saman, m.a.
með bændum, og náð góðri tengingu
við sveitina.“
Grafíski hönnuðurinn
Edda er grafískur hönnuður frá
Myndlista- og handíðaskóla Íslands
og hefur auk þess meistaragráðu í
auglýsingahönnun frá Syracuse-
háskóla. Hún starfaði sem
yfirhönnuður hjá bókaútgáfunni
Houghton Mifflin Publishing í
Boston um árabil og síðar sem
framkvæmdastjóri hönnunarsviðs
hjá bandaríska hönnunar- og
útgáfufyrirtækinu Mazer Creative
Services. Edda stofnaði PORT
hönnun í mars 2008 en á þó engan
heiður að hönnun efnahagshrunsins
á Íslandi sjö mánuðum seinna.
Samstarfsmaður Eddu í PORTI
hönnun heitir Kári Martinsson
Regal og er grafískur hönnuður
með meistaragráðu í faginu frá
Danmarks Designskole. Edda segir
að auk grafískrar hönnunar snúist
hluti af vinnu sinni um markaðsmál,
markaðssetningu og skilgreiningu á
þörfum viðskipta vinanna varðandi
heildarútlit og annað.
Snýst um að leysa málin
„Þetta snýst oft um að átta sig á
hvaða markmið það eru sem fólk er
að reyna að ná. Þá er líka spurningin
hver markhópurinn er sem ætlunin
er að ná til. Hvernig ætlunin er að
nálgast þann hóp, hvaða miðla við
ætlum að nota til þess og hvernig
þeir nýtast best. Við Margrét vinnum
líka saman við að skilgreina hlutina.
Þetta eru oft miklar pælingar áður
en nokkuð fer að verða sýnilegt.
Við vinnum því oft mjög djúpt með
viðskiptavinum okkar.“
Edda hefur unnið mikið
fyrir Bændasamtök Íslands við
gerð margvíslegs kynningar- og
fræðsluefnis fyrir ýmsar búgreinar.
Þar á meðal er veggspjald með heitinu
Íslenskur landbúnaður, sem margir
kannast við. Þá hefur hún nýlokið við
að hanna merki og heildarútlit fyrir
Ráðgjafarmiðstöð landbúnaðarins
sem hóf starfsemi í byrjun þessa árs.
Sem dæmi um önnur verkefni má
nefna að Edda vann samkeppni um
nýtt merki fyrir Vatnajökulsþjóðgarð
við stofnun hans í júní 2008. PORT
hönnun hefur síðan hannað allt
grafískt efni, svo sem skilti, fána,
merkingar á starfsmannafatnað,
bæklinga og annað kynningarefni
fyrir Vatnajökulsþjóðgarð. Einnig
var unnin ný útlitshönnun fyrir
Ferðamálastofu á síðasta ári og
margvíslegt efni fyrir Ferðaþjónustu
bænda.
Bæði umgjörðin og innihaldið
verða að vera í lagi
„Kjarninn í vinnu okkar Margrétar
er að skapa útlit og kynningarefni,
t.d. fyrir ferðaþjónustubændur,
sem hægt er að leggja fram fyrir
væntanlega gesti.“ Margrét bendir
þó á að það sé ekki nægilegt að
útlitið og umgjörðin sé flott með
vef og öllu saman, því þjónustan
Þegar útlit og innihald skipta máli kemur til kasta Brúarsmiðjunnar og PORTS hönnunar:
Vilja styðja við menningarlegt sjálfstraust í sveitum landsins
– Fólk verði ófeimið við að kynna gestum sögu staðanna og íslenska sveitamenningu
Úr íbúðahótelinu Reykjavík Resi-
Mynd / HKr.