Bændablaðið - 17.10.2013, Blaðsíða 38
38 Bændablaðið | Fimmtudagur 17. október 2013
Lesendabás
Síðsumars- og safnadagur í septembersól
Laugardaginn 14. september
síðastliðinn var haldinn síðbúinn
safnadagur í Bóka- og minjasafni
Nönnu Guðmundsdóttur, sem
er til húsa við bæinn Berufjörð
í Djúpavogshreppi, nánar til-
tekið innst við Berufjörðinn, sem
er sunnarlega á Austfjörðum og
skartar mikilli náttúrufegurð og
einstökum fjallahring.
Safn þetta er sérstakt að því leyti
að þar er til sýnis fjöldi heimagerðra
verkfæra bæði úr tré og málmum,
ásamt öðrum gömlum munum og
forvitnilegu úrvali fræðibóka og
eru sumar fáséðar, enda var Nanna
Guðmundsdóttir kennari að ævistarfi
og fræðakona mikil.
Á þessum safnadegi voru sýnd
gömul vinnubrögð. Spunninn var lopi
á 15 þráða spunavél, sem smíðuð var
af Guðmundi Guðmundssyni bónda
í Berufirði á síðustu öld og Halli
bróður hans, en báðir voru þjóð-
hagasmiðir, svo sem sjá má á gripum
þeim er til sýnis eru í safninu.
Spunavélina smíðuðu þeir 1926
eða '27 og var hún nýlega standsett
af Guðmundi Gunnlaugssyni. Er
vél þessi ein af örfáum sem til eru í
landinu í fullkomnu lagi og fer þeim
ört fækkandi sem kunna þessa spuna-
list. Var það Bragi Gunnlaugsson sem
sýndi spunann á þessum safnadegi.
Kristrún Gunnlaugsdóttir sýndi vélpr-
jón á 100 ára gamla prjónavél, sem
einnig er í safninu. Geta má þess að
þessi þrjú systkini eru barnabörn
Guðmundar bónda í Berufirði.
Ekki bar á öðru en að þessi gömlu
verkfæri skiluðu hlutverki sínu með
prýði og vöktu þessi fornu vinnu-
brögð mikla athygli gesta.
Þeir Þorgeir Eiríksson og Martin
Gasser voru einnig að verki við safnið
og smíðuðu hurðarlamir, króka og
skeifur af miklum krafti í gamalli
nýuppgerðri eldsmiðju, en báðir hafa
þeir kynnt sér eldsmíði.
Nýlega var endurreist í Berufirði
smiðjuhús sem verður hluti af
Nönnusafni og skemma sem tilheyrir
gamla bænum sem var endurbyggður
að mestu árið 2007 undir stjórn
Björns Björgvinssonar. Eru skemman
og smiðjuhúsið myndarleg viðbót við
þau hús sem fyrir eru, bæjarhúsið
gamla og sóknarkirkju. Fallegar
grjóthleðslur eru við þessi hús, sem
unnar voru undir stjórn hleðslu-
meistarans Helga Sigurðssonar, en
fjöldi sjálfboðaliða hefur einnig lagt
ómælda vinnu af mörkum undanfarin
ár við uppbyggingu húsa og safns.
Kirkja hefur verið í Berufirði um
langa hríð og eru heimildir þar um
guðshús frá árinu 1200. Núverandi
kirkja var endurbyggð seint á fjórða
tug tuttugustu aldar af Ragnari
Guðmundssyni. Eru þar margir fornir
og merkir gripir, messuklæði, sem
munu vera rúmlega 200 ára, altaris-
klæði frá 1684 og predikunarstóll frá
1690, svo nokkuð sé nefnt.
Í Tyrkjaráninu 1627 kveiktu ræn-
ingjar eld í kirkjunni og steiktu þar
matföng og unnu fleiri spjöll. Þegar
áðurnefndar grjóthleðslur voru gerðar
fundust eldbrunnir steinar, sem taldir
eru vera frá því er ræningjarnir gjörðu
sér steikarhlóðirnar og má sjá þessa
steina í fagurri hleðslu utan við gamla
bæinn.
Sem sjá má er margt skoðunar-
vert í Bóka- og minjasafni Nönnu
Guðmunds dóttur, enda voru gestir
margir á þessum síðbúna safnadegi
í blíðskapar veðri og var áberandi
hversu margt var af ungu fólki, enda
hefur mjög aukist nú hin síðustu ár
að ungt fólk sæki í nám í þjóðlegum
fræðum. Yngsta kynslóðin lék sér við
læk og á túni í kringum gömlu húsin
og virtist una sér hið besta þennan
dag án leikfanga í eltinga- og feluleik
og sumir heilsuðu upp á húsdýrin á
bænum.
Aðstandendur gamla bæjarins og
safnsins tóku á móti gestum, sýndu
safn og önnur hús og veittu fróðleik
um gamla muni og notkun þeirra og
sögðu frá fornum vinnubrögðum,
enda þurftu gestir margs að spyrja.
Kaffi og heimabakað veislubrauð var
á borðum í gamla bænum og vilja
aðstandendur safnadagsins þakka
gestum fyrir ánægjulegar samveru-
stundir á þessum síðsumardegi í
Berufirði.
/Hrönn Jónsdóttir
Bóka- og minjasafn Nönnu Guðmundsdóttur er til húsa við bæinn Berufjörð í Djúpavogshreppi.
Þorgeir Eiríksson og Martin Gasser smíðuðu hurðarlamir, króka og skeifur
af miklum krafti í gamalli nýuppgerðri eldsmiðju.
Bragi Gunnlaugsson sýndi spuna á spunavél sem smíðuð var af Guðmundi
var nýlega standsett af Guðmundi Gunnlaugssyni.
Aðstandendur og skipu-
leggjendur ráðstefnunnar
„Fiskeldi í köldum strandsjó
Íslands“, sem haldin var á
Patreksfirði fyrir skömmu, eru
hæstánægðir með
mætingu og viðtök-
ur ráðstefnu gesta.
Fjölmargir lögðu
leið sína á Patreks-
fjörð og fylltu allt
gistirými í bænum,
svo og á Tálknafirði.
Alls komu 170 gestir
frá fiskeldis fyrir-
tækjum, stjórn-
sýslu, rannsókna-
stofnunum og frá
ýmsum þjónustu-
greinum og um 130
gestir mættu til
hátíðar kvöld verðar.
Sam hliða ráðstefn-
unni var haldin
vörusýning frá fyrirtækjum frá
Íslandi, Noregi og Færeyjum í
fremri sal félagsheimilisins.
Á ráðstefnunni skrifuðu Shiran
Þórisson, framkvæmdastjóri
Atvinnuþróunarfélags Vestfjarða,
og Víkingur Gunnarsson, fram-
kvæmdastjóri Arnarlax, undir
samning vegna laxabitafram-
leiðslu Arnarlax á Bíldudal.
Með tilkomu Fosshótels
Vestfirðir á Patreksfirði er
mögulegt að halda slíka við-
burði í bænum. Félagsheimili
Patreksfjarða hentar einstaklega
vel til ráðstefnuhalds og fremri
salurinn rúmar vel sérhæfða vöru-
sýningu. Vegna þess hversu góðar
viðtökur ráðstefnan fékk hafa
Atvinnuþróunarfélag Vestfjarða
og Fiskeldisklasi Vestfjarða í
hyggju að endurtaka slíkan við-
burð með reglulegum hætti á
komandi árum.
Erindi á ráðstefnunni má nálg-
ast á vef Atvinnuþróunarfélags
Vestfjarða; www.atvest.is
Patreksfjörður:
Fjölmenn ráðstefna
haldin um fiskeldi
fyrir skömmu. Myndir / MÓH
Víkingur Gunnarsson, framkvæmdastjóri Arnar-
lax, og Shiran Þórisson, framkvæmdastjóri
Atvinnu þróunarfélags Vestfjarða, skrifuðu undir
samning vegna laxabitaframleiðslu Arnarlax á
Bíldudal.
Krist ín Harðardótt ir,
þroskaþjálfi og textílkennari,
hefur nú gefið út sjöttu
prjónabókina sína, Prjónadagar
2014, sem er lítil bók með
dagatali og tólf
uppskriftum, einni
fyrir hvern mánuð.
Áður hefur
hún gefið út sams
konar dagatöl fyrir
árin 2010 og 2011.
Uppskriftirnar eru
fjölbreyttar og
flestar eru auðveldar.
Bókin inniheldur tíu
prjónauppskriftir og
tvær hekluppskriftir,
en Kristín hannar allt
frá grunni.
Prjónadagar
2014 komnir út
Bækur
Kristín með nöfnu sína
og barnabarn að prjó-
na klukkuna, skok-
kinn sem er á forsíðu
prjóna dagatalsins
2014. Fyrirmyndin
að þeirri uppskrift er
tæp lega 80 ára dúkku-
klukka sem langamma
Kristínar og nafna,
Kristín Guðmunds-
dóttir, prjónaði.