Dagblaðið Vísir - DV - 27.03.2007, Síða 8
þriðjudagur 27. mars 20078 Fréttir DV
LAXELDIÐ BÚIÐ AÐ VERA
Laxeldi leggur upp laupana á Íslandi í ann-
að sinn á tuttugu árum. Bæði Sæsilfur í
Mjóafirði og Salar Islandica í Berufirði hætta
í laxeldi og hyggjast snúa sér að tilraunaeldi
á þorski. Gunnar Steinn Gunnarsson segir
ástæðuna vera lélega seiðaframleiðslu.
Laxeldi leggur upp laupana á Ís-
landi í annað sinn á tuttugu árum.
Sæsilfur í Mjóafirði stefnir nú
að því að hætta laxeldi, en fyrir-
tækið hefur verið leiðandi í sjó-
kvíaeldi á síðustu árum. Sæsilf-
ur er í eigu Samherja á Akureyri
og Síldarvinnslunnar. Þær fréttir
bárust fyrir helgina að fyrirtækið
Salar Islandica ætli að hætta lax-
eldi í Berufirði. Salar Islandica er
í eigu HB Granda. Bæði fyrirtækin
hyggjast einbeita sér að þorskeldi
sem áfram verður staðsett í Beru-
firði og Mjóafirði.
Ekkert til af seiðum
Meginástæðan fyrir því að illa
gengur í laxeldi er skortur á seið-
um. Gunnar Steinn Gunnarsson,
framkvæmdastjóri Salar Islandica,
segir að eins og stendur séu seiðin
hvorki nógu góð né nógu mörg.
„Seiðaeldi á Íslandi er í það
minnsta heilum áratug á eftir
því sem gerist í Noregi til dæm-
is. Menn hafa staðnað og það er
kannski ekkert skrítið því að hér
hefur ekki verið neitt alvöru fisk-
eldi í langan tíma. Þeir hafa dag-
að uppi með litlar og illa hannað
stöðvar sem eru illa tækjum búnar
í ofanálag,“ segir Gunnar Steinn.
Hann segir þó að enginn vafi leiki
á því að seiðastofninn sjálfur sé
góður.
Sæsilfur hefur fengið sín seiði
frá Íslandslaxi og Salar Islandi-
ca kaupir seiði frá Stofnfiski. Ekki
hefur komið til greina að kaupa
seiði erlendis frá.
Þorskeldi tekur við
Til stendur að skipta út laxeldi
Sæsilfurs í Mjóafirði fyrir þorsk-
eldi. Síldarvinnslan, annar stærstu
eigenda Sæsilfurs, hefur staðið að
umfangsmiklum tilraunum með
þorskeldi á síðustu árum.
Gunnar Steinn hjá Salar Is-
landica segir að meirihluta-
eigandi fyrirtækisins, HB
Grandi, hafi nú þegar tek-
ið ákvörðun um að færa
sig alfarið yfir í tilrauna-
eldi á þorski í Berufirð-
inum í þeirri von að
þar liggi framtíðin. „Það
er þó ennþá talsverður
spölur í land með þorsk-
eldið,“ segir hann. Salar
Islandica er um þess-
ar mundir að ljúka
slátrun á stór-
um árgöngum
af laxi sem sett-
ur var í kvíarn-
ar árin 2003 og
2004.
Fiskeldið er
stóriðja
„Fiskeldi
hérna í firð-
inum er okk-
ar stóriðja,
þannig að það
er mikið í húfi
að haldið verði
áfram með arðvænlegan rekstur,“
segir Sigfús Vilhjálmsson, hrepps-
stjóri í Mjóafirði. Hann staðfest-
ir að nokkur kyrkingur hafi ver-
ið í laxeldinu. Hann segir sömu
vandamálin hafa verið uppi á ten-
ingnum hjá báðum fyrirtækjun-
um, seiðaframleiðslan hafi ekki
gengið nógu vel. Sigfús telur það
vera hart að Íslendingar geti ekki
stundað laxeldi eins og Færeying-
ar og Norðmenn.
Á Djúpavogi munu sex manns
missa vinnuna þegar slátr-
un á laxi leggst af hjá Sal-
ar Islandica. Strax árið
2005 hóf fyrirtækið
að minnka umsvifin
í laxeldinu.
Fortíð í fiskeldi
Þetta er ekki í
fyrsta sinn sem
illa geng-
ur með
laxeldi
hér á
landi. Á árunum 1985 til 1991 var
lagt út í umfangsmikið laxeldi,
sem hvatt var áfram og styrkt af
stjórnvöldum. Steingrímur Her-
mannsson, þáverandi forsætis-
ráðherra, var áfram um laxeldið,
sem af mörgum var talin arðvæn-
legasta atvinnugrein sem Íslend-
ingar áttu kost á. Fjölmargar
fiskeldisstöðvar voru á
endanum reknar í gjald-
þrot.
Þá, eins og nú,
kom erfiður
seiðabúskap-
ur við sögu.
Það var
haft
eftir Valdimar Leó Friðrikssyni
fiskeldisfræðingi í DV í nóvember
1989 að dæmi væru um að seiði
hefðu gengið kaupum og sölum
á milli stöðva „sem ekkert uxu í
heilt ár,“ eins og hann orðar það.
Valdimar var stöðvarstjóri hjá
Lindalaxi, sem var í eigu Þorvald-
ar í Síld og fisk, ásamt norskum
fjárfestum. Lindalax fór á haus-
inn.
„Seiðaeldi á Íslandi er
í það minnsta heilum
áratug á eftir því
sem gerist í Noregi
til dæmis. Menn hafa
staðnað og það er
kannski ekkert skrítið,
því að hér hefur ekki
verið neitt alvöru
fiskeldi í langan tíma.”
SIGtryGGur ArI jóhAnnSSon
blaðamaður skrifar: sigtryggur@dv.is
hreppsstjórinn sigfús Vilhjálms-
son á Brekku í mjóafirði telur
áríðandi að afrámhald verði á
fiskeldi í firðinum. „Eldið er okkar
stóriðja,“ segir hann. Í mjóafirði búa
nú um fjörtíu manns.
Salar Islandica í Berufirði
gunnar steinn gunnarsson,
framkvæmdastjóri salar islandica,
segir að kvíarnar í Berufirði verði
framvegis nýttar undir þorskeldi.
Hann segir seiðaeldi á Íslandi vera
eftirá í tækjabúnaði og gæðastjórn-
un. það sé hápólitískt mál að kaupa
seiðin erlendis frá.
Laxeldi í Mjófirði sæsilfur í mjófirði hyggst
nú hætta laxeldi fyrir austan. seiðabúskapur
er bágborinn og það hefur reynst erfitt fyrir
laxeldið. Eigendur fyrirtækisins ætla að
einbeita sér að þorskeldi í firðinum.