Læknablaðið - 15.05.1986, Blaðsíða 15

LÆKNABLAÐIÐ
123
ég þessar fullyrðingar fram við Snorra Pál
einan, myndi hann horfa á mig kíminn og
segja: Þú segir það. Ennþá heyri ég frá
stúdentum og yngri læknum af ágætri
kennslu hans. Trúlega ástundar hann enn að
auka á þekkingu og hæfni nemenda sinna.
Örugglega er hann enn að breyta viðhorfum
þeirra og er fyrirmynd þeirra vegna rök-
hyggju og skarprar hugsunar.
Ég vék í upphafi máls míns, að þeim um-
skiptum sem urðu við kjaradóm 1963. Þótt
kjörin hafi stórbatnað þá, varð enn nokkur
bið á því, að vinnuaðstaðan batnaði veru-
lega. Því til sönnunar langar mig til þess
að segja örstutta sögu:
Fyrir um það bil tuttugu árum komu
kandídatar til starfa á sjúkrahúsi á
höfuðborgarsvæðinu. Þá var enn sú venja
þar á bæ, að handskrifa sjúkraskrár, en þær
voru síðan vélritaðar næsta morgun. Stjórn
þess spítala hafði þá ekki enn komið auga á
það gagn, sem hafa mætti af segulbands-
tækjum. Þeir nýkomnu höfðu áður og und-
anfarið unnið á öðrum spítala, þar sem bann-
að var að skrifa neitt það, sem lesið varð
í orðabelg. Voru þess kyns apparöt á öllum
vinnuherbergjum og auk þess eitt í bún-
ingsklefa framan við böðin á skurðstofu-
gangi. Við vorum þannig komnir með
áunna ritleysu, að mestu búnir að missa
hæfileikann til þess að skrifa og höfðum
engan hug á að fara í endurhæfingu. Eftir
samráðsfund var farið til Snorra Páls til þess
að leita ráða: Við svona vinnuskilyrði munu
menn bara ekki sætta sig! Snorri Páll svaraði
hljóðlega: »Er það svo?« Andartaki síðar
birti yfir svip hans og hann sagði glettnislega:
»Þið eruð bjartsýnir, þykir mér. Vissuð þið,
að það tók mig þrettán ár að fá eigin stól til
þess að sitja á?» Daginn eftir var málið lagt
fyrir, eins og Snorri Páll hafði ráðlagt og leið
nú ekki á löngu að fyrsti orðabelgurinn
birtist.
Að framsögðum þessum sundurlausu
þáttum, er komið að því, að víkja að tilefni
þess, að ég stend hér og ræði um Snorra Pál
Snorrason:
Samtök lækna heiðra þá félaga, sem
fremstir eru jafningja hvor á sínu sviði. Ég
tók í byrjun hliðstæðu af Nestor frá Pýlos.
Eins og vikið hefur verið að, er hliðstæðan
við þjóðsöguna ekki fullkomin.
Nútímamerking orðsins nestor er: Patrí-
ark og leiðtogi á sinu sviði. Patríark merkir
hins vegar virðulegur öldungur.
Virðulegur já, öldungur nei. Við skulum
hafa í huga að Nestor hóf einmitt ráðgjöf
sína, þegar hann var kominn að sjötugu.
Snorri Páll:
Það tók þig þrettán ár að fá eigin stól til
þess að sitja á.
Ef þú heldur, að þú fáir helgan stein til
þess að setjast í, þegar þú ferð á eftirlaun,
skjátlast þér illilega. Það gæti hugsanlega
tekið önnur þrettán ár. Fram að því veit ég
að þú hefir nóg að starfa.
Á þessari stundu er mér það sannur
heiður, að fá að afhenda þér skjal, því til
staðfestu að þú ert rétt og einróma kjörinn
heiðursfélagi Læknafélags Reykjavíkur.
ÁVARP GUÐMUNDAR I.
EYJÓLFSSONAR
Mér hefur hlotnast sú ánægja að ávarpa
Þórarin Guðnason, sem stjórn Læknafélags
Reykjavíkur hefur kosið heiðursfélaga sinn.
Þórarinn Guðnason hefur starfað í
Reykjavík síðan 1949 og var framan af bæði
heimilislæknir og skurðlæknir við Hvíta-